SOCIETE GENERALE D’EQUIPEMENT S.A.R.L. (S G E S) v. ELECTROGAZ (RECO RWASCO)

# SOCIETE GENERALE D’EQUIPEMENT S.A.R.L. (S G E S) v. ELECTROGAZ (RECO RWASCO)

- Source: Amategeko - Section: Decisions (Judgements) - Date: 2010-10-22 - Case/document no.: RADA 0003/10/CS - Collection: Supreme Court

## Text

## Page 1

SOCIETE GENERALE D’EQUIPEMENT S.A.R.L. (S G E S) v. ELECTROGAZ (RECO RWASCO) [Rwanda URUKIKO RW’IKIRENGA – RADA 0003/10/CS (Mutashya, P.J., Havugiyaremye na Mukamusoni, J.) 22 Ukwakira, 2010] Amategeko y’ubutegetsi – Amasoko ya Leta – Ikigo cya tanze isoko gisobora gusaba upiganwa ibindi bisobanuro iyo, gisanze hari ibitumvikanye neza ariko iyo atahuye mpita gihe ko hari ibitagenze neza uko yabyifuzaga uruhande rumwe rwamaze kuzuza inshingano zarwo niwe ubyirengera. Incamake y’ikibazo: Electrogaz (RECO RWASCO) yatanze isoko ryu kuyigurira imodoka ya “camion–grue”, Société Générale d’Equipement S.A.R.L.(SGES) yatsindiye iryo soko, BANCOR S.A yemera kwishingira iyo sosiyete ku ngwate ya 10% y’ikiguzi cy’isoko ryose (caution bancaire de bonne exécution). Kuwa 05/07/2007, ELECTROGAZ (RECO RWASCO) yandikiye „National Tender Board“ iyisaba gusesa iryo soko kubera ko ngo baje gusuzuma neza „spécifications techniques“ z’ibyo batanze bagasanga camion 3331 iri muri “cahier des charges“ ari ari 6x4 aho kuba 6x6, Société Générale d’Equipement S.A.R.L.(SGES) yemeye guhindura ikagura camion MERCEDES 3341 6X6 aho kuba 3331 K 6X4 yavugwaga muri “cahier des charges” Impande zombie zakoze amasezerano y’ukugura ikamyo MERCEDES 3341 6X6 ifite « grue »HMF 1253-K2. Iyo sosiyete imaze kuzana iyo modoka ELECTROGAZ (RECO RWASCO) yaze kuyireba irayishima, iyishakira n’ibyangombwa biri mu mazina yayo harimo “plaque” ndetse na “carte rose”. Ariko igihe ELECTROGAZ (RECO RWASCO) yagombaga kuyakira yaje kuvuga ko haraje ikamyo ngufi ugeranyije n’iyo bashakaga baheraho basaba ko habanza gukora isuzuma. Itariki ya 03 Mata 2008 habayeho inama y’abayobozi b’impande zombi kugirango barebe koko niba iyo modoka yujuje ibyari byasabwe, intumwa za ELECTROGAZ (RECO RWASCO) zemeje ko iyo modoka yujuje ibyangobwa ko byari byashikirijwe Société Générale d’Equipement S.A.R.L.(SGES) na ELECTROGAZ (RECO RWASCO) yari yabishyikirije . Bafata umwanzuro ko ELECTROGAZ (RECO RWASCO) ikwiye kwakira ikanariha iyo modoka kuko ifite ibiyiranga bihuye n’ibiri muri “cahier des charges”. Ariko ELECTROGAZ (RECO RWASCO) yanze kwishyura ivuga ko “grue” bazanye Atari yo yari yatumye bityo Société Générale d’Equipement S.A.R.L.(SGES) ikaba itarubahirije ibyo bumvikanye mu masezerano. Société Générale d’Equipement S.A.R.L.(SGES) yaganye inzira y’inkiko , Urukiko rw’Ubucuruzi rwemeje ko “grue” idahuye n’iyo impade zombi zemeranye mu masezerano, ELECTROGAZ (RECO RWASCO) yaseshe amasezerano mu buryo bukurikije amategeko kandi ko inama yabaye hagati y’abayobozi bimpande zombie ntiyakwita ubumvikane hagati yi mpande zombi Société Générale d’Equipement S.A.R.L.(SGES) yajuriye m’Urukiko rw’Ikirenga ivuga ko nta nahamwe Société ahagarariye itubahirije amasezerano ngo kuko yatanze “soumission“ yayo ikubiyemo „spécifications techniques“ zihuye n’iziri muri “dossier d’appel d’offre“(DAO), harimo na „autorisation du fabricant“, nyuma abatanze isoko bariherera bakora „analyse technique“ kugirango barebe niba bihura n’ibyo bifuzaga, basanga bihura,basaba ko bakwishyurwa amafaranga bagahabwa n’indishyi zitandukanye. ELECTROGAZ (RECO RWASCO) ikavuga ko 10 tonnes zivugwa muri “appeal d’offre” ntizubzhirijwe mu kugura grue kubera ko iyo bazanye itabasha guterura "10 tonnes " kandi n’amagambo yakoreshejwe mu masezerano ( nka working load )ariko akaba atarakoreshejwe muri "spécifications techniques " zatanzwe na Société Générale d’Equipement S.A.R.L.(SGES) ahubwo asimbuzwa andi kandi atavuga bimwe( „load moment“), rero amasezerano akaba atarubahirijwe uko yakabaye

## Page 2

Incamake y’icyemezo: 1. Ikigo cya tanze isoko gisobora gusaba upiganwa ibindi bisobanuro iyo, gisanze hari ibitumvikanye neza ariko iyo atahuye mpita gihe ko hari ibitagenze neza uko yabyifuzaga uruhande rumwe rwamaze kuzuza inshingano zarwo niwe ubyirengera. 2. Kuba SGES yafashe amafaranga ikayagura imodoka ariko uwo yayiguriye akanga kuyifata byayiteje igihombo mu rwego rw’ubucuruzi kuko ayo mafaranga yari gushorwa mu bindi mu gihe cy’imyaka itatu akabyara inyungu Ubujurire bufite Ishingiro; RRA igomba guha Société Générale d’Equipement S.A.R.L.(SGES) 332.242.785 Frw; kwakira urubanza rugisomwa ikamyo na “grue” yayo byatumijwe na Société Générale d’Equipement S.A.R.L.(SGES); RRA igomba guha Société Générale d’Equipement S.A.R.L. (SGES) amafaranga y’ikurikiranarubanza n’igihembo cya Avoka. Amategeko ya shingiweho: Itegeko N° 12/2007 ryo kuwa 27/03/2007 rigenga Amasoko ya Leta, ingingo za 38,39,43,44,67 na 94. Nta maza zifashishijwe. URUBANZA. INKOMOKO Y’IKIBAZO [1] ELECTROGAZ (RECO RWASCO) yatanze isoko ryo kugura imodoka ya „camion–grue“, ritangazwa na « National Tender Board » muri avis d’appel d’offre n° 032/F/2007-1/ELECTROGAZ/NTB yo kuwa 15/2/2007. [2] Kuwa 10/05/2007 , Société Générale d’Equipement S.A.R.L.(SGES) yakoze « soumission » yemera ko ishobora kugurira ELECTROGAZ (RECO RWASCO) « camion ACTROS 3331 K » na « grue HME-K2 », iyo „soumission“ ikaba yari iherekejwe na „fiches techniques de fournitures avec les catalogues et prospectus“ zigaragaza imiterere y’iyo kamyo na „grue“ yayo, nkuko byasabwaga muri clause ya 11 ya „dossier d’appel d’offre“. [3] Kuwa 07/06/2007, ELECTROGAZ (RECO RWASCO) yamenyesheje Société Générale d’Equipement S.A.R.L.(SGES) ko yatsindiye isoko by’agateganyo (notification provisoire), naho kuwa 21/06/2007, nanone ELECTROGAZ (RECO RWASCO) mu ibaruwa yayo n° 11.07.53/1431/07/DA-DIR- JM/cm imenyesha Société Générale d’Equipement S.A.R.L.(SGES) ko isoko yapiganiye yaryegukanye burundu (notification définitive), inayimenyesha ko igomba kunyura muri „Service Contentieux et Affaires Juridiques“ mu gihe kitarenze iminsi irindwi(7) kugirango isinye amasezerano ibanje kwishyura ingwate ya 10% y’ikiguzi cy’isoko ryose (caution bancaire de bonne exécution). [4] Kuwa 26/06/2007, BANCOR S.A yamenyesheje ELECTROGAZ (RECO RWASCO) ko yemeye kwishingira Société Générale d’Equipement S.A.R.L.(SGES) ku mafaranga 17.331.806 Frw ahwanye na 10% y’ikiguzi cy’isoko ryose ryahawe Société Générale d’Equipement

S.A.R.L.(SGES), mu gihe iyo sosiyete yaramuka inaniwe kubahiriza ibyo bumvikanye mu masezerano bagiranye yo kugura ikamyo na grue yayo.

## Page 3

[5] Kuwa 05/07/2007, ELECTROGAZ (RECO RWASCO) yandikiye „National Tender Board“ iyisaba gusesa iryo soko kubera ko ngo baje gusuzuma neza „spécifications techniques“ z’ibyo batanze bagasanga camion 3331 iri muri „cahier des charges“ ari ari 6x4 aho kuba 6x6. [6] Kuwa 09/07/2007, Société Générale d’Equipement S.A.R.L.(SGES) yandikiye „National Tender Board“ inamenyesha ELECTROGAZ (RECO RWASCO) ko yemeye guhindura ikagura camion MERCEDES 3341 6X6 aho kuba 3331 K 6X4 yavugwaga muri „cahier des charges“, ku zindi ngingo ntihagira igihinduka. [7] Kuwa 27/07/2007, habaye noneho amasezerano hagati y’impande zombi Société Générale d’Equipement S.A.R.L.(SGES) yemera ko izagura ikamyo MERCEDES 3341 6X6 ifite « grue »HMF 1253-K2. [8] Kuwa 24/08/2007, binyujijwe kuri garantie yatanzwe na BANCOR SA, ELECTROGAZ (RECO RWASCO) yahaye Société Générale d’Equipement S.A.R.L.(SGES) 34.663.612 Frw ya avance de démarrage ahwanye na 20% y’ikiguzi cy’isoko ryose nkuko ingingo ya 7 y’amasezerano yo kuwa 27/07/2007 ibiteganya [9] Amasezerano amaze gusinywa, Société Générale d’Equipement S.A.R.L.(SGES) yatumije iyo kamyo, imaze kugera mu gihugu, yamenyesheje ELECTROGAZ (RECO RWASCO) ko yaza kuyireba kugirango yitegure kuyakira inategure abatekinisiye bayo bagomba guhabwa amahugurwa ku mikoreshereje y’iyo modoka, ELECTROGAZ (RECO RWASCO) ikaba yaraje kuyireba irayishima itangira no gushaka ibyangombwa byayo biri mu mazina yayo, irabibona imodoka iyandikwaho, ihabwa „plaque“ ndetse na « carte rose ». [10] Igihe ELECTROGAZ (RECO RWASCO) yagombaga kwakira iyo kamyo, yasabye ko habanza kuyisuzuma kugirango irebe niba koko iyo batumye ariyo yaje kuko yavugaga ko haba haraje ikamyo ngufi ugereranyije n’iyo bashakaga, Société Générale d’Equipement

S.A.R.L.(SGES) yo ikavuga ko atari ngufi ko ahubwo yo yazanye iruta iyo bo bashakaga hakurikijwe « offre yayo », ko ngo niba baratanze ingero zitarizo amakosa atabarwa kuri Société Générale d’Equipement S.A.R.L.(SGES). [11] Byabaye ngombwa ko kuwa 03/04/2008 haba inama yahuriyemo abayobozi b’impande zombi kugirango barebe koko niba iyo modoka yujuje ibyari byasabwe, irangira intumwa za ELECTROGAZ (RECO RWASCO) zemeje ko ibigomba kuranga iyo modoka nkuko ELECTROGAZ (RECO RWASCO) yari yabishyikirije Société Générale d’Equipement S.A.R.L.(SGES) byuzuye, impande zombi harimo n’intumwa za ELECTROGAZ (RECO RWASCO) zifata umwanzuro ko ELECTROGAZ (RECO RWASCO) ikwiye kwakira ikanariha iyo kamyo-grue kuko ifite ibiyiranga bihuye n’ibiri muri "cahier des charges“. [12] Nyuma yaho ariko ELECTROGAZ (RECO RWASCO) yanze kwishyura ivuga ko Société Générale d’Equipement S.A.R.L.(SGES) „grue“yazanye atari yo yari yayitumye, ngo bityo ikaba itarubahirije ibyo bumvikanye mu masezerano, bituma Société Générale d’Equipement S.A.R.L.(SGES) igana inzira y’inkiko . [13] [13]. Urukiko Rukuru rw’Ubucuruzi rwaregewe rwemeje ko „grue“ Société Générale d’Equipement S.A.R.L.(SGES) yazaniye ELECTROGAZ (RECO RWASCO) idahuje n’iyo yiyemeje kuyizanira mu masezerano bagiranye bityo ikaba itarubahirije ayo masezerano. Rwemeje kandi ko igikorwa cya ELECTROGAZ (RECO RWASCO) cyo gusesa amasezerano yagiranye na Société Générale d’Equipement S.A.R.L.(SGES) cyakozwe mu buryo butanyuranije n’amategeko. Ko kandi inama yo kuwa

## Page 4

03/04/2008 yabaye hagati y’abakozi ba ELECTROGAZ (RECO RWASCO) na Société Générale d’Equipement S.A.R.L.(SGES) itakwitwa ubwumvikane hagati ya ELECTROGAZ (RECO RWASCO) na Société Générale d’Equipement S.A.R.L.(SGES). [14] Ubujurire bwa Société Générale d’Equipement S.A.R.L.(SGES) mu Rukiko rw’Ikirenga, bugamije kwerekana ko amasezerano yo kuwa 27/07/2007 yagiranye na ELECTROGAZ (RECO RWASCO) yayubahirije uko yakabaye. Ikibazo kigomba gusuzumwa muri uru rubanza, ni ukumenya niba ibyumvikanyweho mu masezerano byarubahirijwe, no kureba niba byatangirwa indishyi biramutse bitarubahirijwe. II. ISESENGURA RY’IBIBAZO BIRI MU RUBANZA Ku byerekeye iyubahirizwa ry’amasezerano 1. Uko ababuranyi babibona [15] [15]. Maître RUKANGIRA Emmanuel uhagarariye Société Générale d’Equipement S.A.R.L.(SGES) mu bujurire bwabo, avuga ko nta nahamwe Société ahagarariye itubahirije amasezerano ngo kuko yatanze „soumission“ yayo ikubiyemo „spécifications techniques“ zihuye n’iziri muri „dossier d’appel d’offre“(DAO), harimo na „autorisation du fabricant“, nyuma abatanze isoko bariherera bakora „analyse technique“ kugirango barebe niba bihura n’ibyo bifuzaga, basanga bihura, Société Générale d’Equipement S.A.R.L.(SGES) itsindira isoko, ihamagarwa kuza gusinya amasezerano. [16] [16]. Akomeza avuga ko „spécifications techniques“ za grue Société Générale d’EquipementS.A.R.L.(SGES) yari yatanze muri „soumission“ yayo ari izi zikurikira:

Grue HMF 1253 K2 Ifite imbaraga(couple de levage; moment load) angana na 12 tonnes Kure ishobora kugera(Hydraulic reach; portée hydraulique) 8m Slewing angle cyangwa angle de rotation: 410° Capacité de levage/ lifting capacity(ibyo ishobora guterura): 2.710 kg à 4.40m

1.910 kg à 6.20m 1.450 kg à 7.90m Ko ngo bitumvikana ukuntu umucamanza yavuga ko Société Générale d’Equipement S.A.R.L.(SGES) itubahirije amasezerano kandi mbere yo kwemererwa isoko, yaratanze„spécifications techniques“ zikubiye muri„soumission“ yayo, zigasuzumwa na équipe technique ya National Tender Board(NTB) n’iya ELECTROGAZ (RECO RWASCO) zombi ziteranye, zikazemeza, mbere yuko yegukana isoko burundu. [17] Maître RUKANGIRA Emmanuel akomeza avuga ko ikimenyetso kigaragaza ko amasezerano yubahirijwe ari inyandikomvugo yasinywe hagati y’abayobozi bakuru ba ELECTROGAZ (RECO RWASCO) na Société Générale d’Equipement S.A.R.L.(SGES) nyuma y’inama yabahuje kuwa 03/04/2008. Abo bayobozi bakuru ba ELECTROGAZ (RECO RWASCO) bakaba bari bagizwe n’umuyobozi mukuru mu by’ubutegetsi, umuyobozi ushinzwe amategeko, ushinzwe kugura ibikoresho, chef de section n’umugenzuzi. Ko Urukiko rutigeze rugaragaza ikosa abo bayobozi baba barakoze, ko kandi ingingo ya 6 y’itegeko n° 14/2004 ryo kuwa 26/04/2004 rishyiraho amategeko rusange yerekeye

## Page 5

ibigo bya Leta umucamanza akoresha kuri n° 88 y’urubanza rwajuririwe, itavanaho ibikorwa byakozwe n’abayobozi ba ELECTROGAZ (RECO RWASCO) mu gihe biri mu nshingano zabo. [18] Maître RUKANGIRA Emmanuel avuga kandi ko umucamanza ntacyo yavuze ku kimenyetso cy’uko dossier umuyobozi wa Société Générale d’Equipement S.A.R.L.(SGES) yarezwe muri police ko ngo yakoresheje uburiganya mu kugura iriya kamyo-grue, yashyinguwe burundu, ko ngo rero n’Ubushinjacyaha bwasanze ibyo yakoze, yarabikoze mu buryo buhuje n’amategeko. [19] Ikindi Maître RUKANGIRA Emmanuel avuga, ni uko ngo umucamanza yirengagije ingingo ya 11 y’itegeko rigenga amasoko ya Leta. Iyo ngingo ngo ikaba yerekana „documents“ zigomba gutangwa n’uwaka isoko cyane cyane agace ka 7 ahavugwa „ les fiches techniques de fournitures avec les catalogues et prospectus décrivant d’une manière détaillée le produit proposé“ kandi Société Générale d’Equipement S.A.R.L.(SGES) ikaba yarazitanze. Ko ngo iyo haza kuba ikibazo kuri „spécifications techniques“ , ELECTROGAZ (RECO RWASCO) iba yarifashishije ingingo ya 14.1 y’iryo tegeko igasaba ibisobanuro mbere yo gusinya amasezerano. [20] Arangiza asaba ko ELECTROGAZ (RECO RWASCO) yakwishyura Société Générale d’Equipement S.A.R.L.(SGES): 173.318.058 frw bumvikanye mu masezerano hakuwemo 20% yatanzweho „avance de Démarrage“ mbere yo kugura Camion na Grue yayo; kwishyurwa inyungu ya Banque kuri taux ya 19% kugeza igihe amafaranga yose yishyuriwe kubera ko ari umwenda Société Générale d’Equipement S.A.R.L.(SGES) yari yafashe muri Banque kwishyurwa 672.191.800 Frw yabazwe ku itariki ya 03/01/2008 hakurikijwe budget d’exploitation ya buri mwaka kugeza igihe yishyuriwe; gusubizwa 5.485.152 Frw Société Générale d’Equipement S.A.R.L.(SGES) yishyuriye ELECTROGAZ (RECO RWASCO) muri Rwanda Revenue Autority y’imisoro kugirango imodoka isohoke; kwishyura amafaranga y’ikurikiranarubanza n’igihembo cya Avoka angana na 10% y’amafaranga yose asabwa. [21] [21]. Urukiko rwasabye ko Société Générale d’Equipement S.A.R.L.(SGES) yarugaragariza ikimenyetso cyuko uriya mwenda uvugwa wakoreshejwe koko mu kugura iriya kamyo na „grue“ yayo, Madame DUSABE Thérèse, umuyobozi wa Société Générale d’Equipement S.A.R.L.(SGES) asubiza ko Banque ariyo yamwishyuriye uwayimugurishije kandi ko impapuro azifite azazishyikiriza Urukiko. [22] Maître Rusanganwa Jean Bosco uhagarariye ELECTROGAZ (RECO RWASCO) we avuga ko nta kibazo bafite haba kuri „appel d’offre“ , kuri „soumission“, ku masezerano, ko ahubwo ikibazo bagifite kuri 10 tonnes zivugwa muri „appel d’offre“, niba zarubahirijwe mu kugura „grue“. Akomeza avuga ko hari amagambo yakoreshejwe mu masezerano(nka „working load“) ariko atarakoreshejwe muri „spécifications techniques“ zatanzwe na Société Générale d’Equipement S.A.R.L.(SGES) ahubwo asimbuzwa andi kandi atavuga bimwe( „load moment“), akaba asanga amasezerano atarubahirijwe uko yakabaye kuko „grue“ yaguzwe idashobora guterura „10 tonnes“ zivugwa mu masezerano no muri „appel d’offre“ kandi ko umucamanza yabisobanuye ashingiye ku bimenyetso by’ababuranyi. [23] Maître Rusanganwa Jean Bosco avuga kandi ko kubwa ELECTROGAZ (RECO RWASCO), „charge admissible“ cyangwa „working load“ ya toni 9 kugeza kuri 11 bisobanuye uburemere buri hagati ya toni 9 na 11 bw’ibyo „grue“ yagombaga kuba ishobora guterura, atari imbaraga „grue“

ifite nkuko Société Générale d’Equipement S.A.R.L.(SGES) ibivuga. Yashoje asaba ko

## Page 6

hakurikizwa ingingo ya 33 y’igitabo cya gatatu cy’urwunge rw’amategeko mbonezamubano. [24] [24]. Madame DUSABE Thérèse yabajijwe niba „working load“ na „load moment“ bivuga kimwe, asubiza ko ari kimwe, ko na ELECTROGAZ (RECO RWASCO) nayo yasanze ari kimwe kuko nyuma ya „analyse“ yakoze, yagaragaje ko ayo magambo yombi avuga ikintu kimwe, ikaba ari nayo mpamvu yamuhaye „notification provisoire“ nyuma ikaza no kumuha "notification définitive"Yasabye ko hejuru y’indishyi basabye, haziyongeraho 400.000 Frw ku munsi mu mezi mirongo itatu n’atatu(33), ayo mafaranga akaba ayasaba ashingiye ku ibaruwa ELECTROGAZ (RECO RWASCO) yamwandikiye imusaba ko iriya kamyo yajya ayiyikodesha angana atyo ku munsi. 2. Uko Urukiko rubibona. [25] Mu itangwa ry’amasoko, hari inzira ikurikizwa kuva mu ntangiriro kuzageza igihe amasezerano asinyiwe. Urwego rucyeneye kugura ikintu runaka, rushyikiriza Ikigo cy’Igihugu gishinzwe amasoko ya Leta dossier ikubiyemo icyo rwifuza kugura na „spécifications techniques“ zacyo. Ikigo cy’Igihugu gishinzwe amasoko ya Leta nacyo kigakora dossier d’appel d’offre(DAO) igaragaza ibisabwa . Abumva bashishikajwe n’iyo „appel d’offre“, bagashyikiriza Ikigo cy’Igihugu gishinzwe amasoko ya Leta dosiye ikubiyemo ibisabwa(soumission). [26] Iyo dosiye iyo imaze kuhagera, haba umuhango wo gufungura za „soumissions“ nyuma zigashyikirizwa „commission d’évaluation“ igizwe n’abakozi b’Ikigo cy’Igihugu gishinzwe amasoko ya Leta n’abakozi b’Urwego rwifuza kugura, commission ikaba igomba gusuzuma izo soumissions“ mu byiciro bitatu nkuko biteganywa n’ingingo ya 5 na 39 z’itegeko rigenga amasoko ya Leta n’iteka rya Ministri n°001/08/10/MIN ryo kuwa 16/01/2008 rishyiraho amabwiriza agenga amasoko ya Leta ndetse n’ibitabo ngenderwaho by’amabwiriza agenga ipiganwa mu ngingo yabyo ya mbere . Icyiciro cya mbere ni „analyse administrative“ aho basuzuma niba nta nzitizi y’iyakira ihari. Iyo basanze ihari „soumission“ ntibayakira. Basanga byose byuzuye hagakorwa icyiciro cya kabiri cya „analyse technique“. Aha niho basuzuma niba „spécifications techniques“ watanze muri „soumission“ yawe, zihuye n’iziri muri „dossier d’appel d’offre“. Icyiciro cya gatatu, ni „analyse financière“ aha hakaba harebwa ufite ibiciro bidakanganye kurusha abandi. Nyuma y’ibyo byiciro byose, Urwego rwifuza kugura rumenyesha uwegukanye isoko by’agateganyo, n’abatarashoboye kuryegukana nabo bakabimenyeshwa.Hashira iminsi irindwi(7) mu batarashoboye kwegukana isoko nta numwe ujuririye icyo cyemezo, uwegukanye isoko akamenyeshwa ko noneho aryegukanye burundu, ariko nanone bikamenyeshwa n’abatarashoboye kuryegukana(ingingo ya 43 y’itegeko rigenga amasoko ya Leta). Iyo hashize iminsi irindwi(7) mu batarashoboye kwegukana isoko nta numwe ujuririye icyo cyemezo, haba gusinya amasezerano hagati y’uwegukanye isoko burundu n’Urwego rwatanze isoko. [27] Ku byerekeranye n’uru rubanza, „spécifications techniques“ zo muri „dossier d’appel d’offre“ zatanzwe na ELECTROGAZ (RECO RWASCO) ziteye zitya: A. CAMION PORTEUR

Type 6×6 Puissance 350 à 400 CV Couple maxi 2.500 Nm Cabine Courte Empattement 3.300 à 3.900 mm Transmission Intégrale

## Page 7

B. GRUE

Grue Monté sur camion Portée hydraulique 6 à 8 m Charge admissible 9 à 11 T Angle de giration +/- 410º [28] Mu bitabiriye iryo soko uko bari bane, uwabonye amahirwe yo kuryegukana burundu nyuma yuko hakozwe “évaluation administrative, technique et financière” ya za “soumissions”, ni Société Générale d’Equipement S.A.R.L.(SGES). [29] “Spécifications techniques” za « grue » zatanzwe na Société Générale d’Equipement S.A.R.L.(SGES) muri « soumission » yayo, arinazo zasuzumwe n’akanama gashinzwe gutanga amasoko ( “commission d’évaluation”) yahuje équipe technique ya National Tender Board(NTB) n’iya ELECTROGAZ (RECO RWASCO) karazemeza nyuma zikemezwa na Conseil d’Administration ya National Tender Board, ziteye zitya: -Grue HMF 1253 K2 Ifite imbaraga(couple de levage; moment load) zingana na 12 tonnes Kure ishobora kugera(Hydraulic reach; portée hydraulique) 8m Slewing angle cyangwa angle de rotation: 410° Capacité de levage/ lifting capacity(ibyo ishobora guterura): 2.710 kg à 4.40m 1.910 kg à 6.20m 1.450 à 7.90m

[30] Nkuko bigaragara kuri iyi mbonerahamwe, amagambo yakoreshejwe muri „soumission“ ya Société Générale d’Equipement S.A.R.L.(SGES) n’ibipimo byayitanzwemo , nibyo byasuzumwe n’akanama gashinzwe gutanga amasoko (commission d’évaluation) yahuje équipe technique ya National Tender Board(NTB) n’iya ELECTROGAZ (RECO RWASCO). Ijambo nka „load moment“ rikaba ritarakoreshejwe bwa mbere „Grue“ yarageze mu Rwanda nkuko umucamanza wa mbere abivuga mu gika cya 82 cy’urubanza rwajuririwe, ahubwo nkuko bigaragara muri "soumission“, iryo jambo ryakoreshejwe kera na mbere yuko akanama gashinzwe gutanga amasoko gaterana. Muri ibyo bipimo byatanzwe, hakaba harimo n’igishushanyo kigaragaza indeshyo y’ukuboko kwa „grue“, aho ishobora kugeza umutonzi wayo yihinnye cyangwa yirambuye, n’ibiro ishobora guterura uko za metero zigenda zisumbana. Izo „spécifications techniques“ zose nizo zasuzumwe na kariya kanama gashinzwe gutanga amasoko, karazemeza na nyuma zemezwa na Conseil d’Administration ya National Tender Board, ELECTROGAZ (RECO RWASCO) ihita imenyesha Société Générale d’Equipement S.A.R.L.(SGES) ko yatsindiye isoko by’agateganyo (notification provisoire), hashize iminsi irindwi(7) ntawe ujuriye mu bandi bapiganwe, iyimenyesha ko isoko yapiganiye yaryegukanye burundu (notification définitive), nanone hashize iminsi irindwi (7) nta numwe mu bitabiriye ipiganwa ujuriye, impande zombi zisinyana amasezerano ari ELECTROGAZ (RECO RWASCO) yihamagariye Société Générale d’Equipement S.A.R.L.(SGES) iyimenyesha ko igomba kunyura muri „Service Contentieux et Affaires Juridiques“ kugirango bombi bayashyireho umukono.

## Page 8

[31] [31]. Ingingo ya 38 y’itegeko rigenga amasoko ya Leta iteganya ko “Urwego rutanga isoko rushobora gusaba mu nyandiko ibisobanuro byarufasha gusesengura no kugereranya inyandiko z’ipiganwa “ Kuba Société Générale d’Equipement S.A.R.L.(SGES) itarigeze isabwa na ELECTROGAZ (RECO RWASCO) gutanga ibisobanuro, nuko „soumission“ yayo na „spécifications techniques“ yatanze byumvikanaga k’uwari waratanze isoko. Iyo ELECTROGAZ (RECO RWASCO) iza gusanga hari amagambo atera urujijo muri „soumission“ ya Société Générale d’Equipement S.A.R.L.(SGES) , yari gusaba ibisobanuro nkuko iyi ngingo imaze kuvugwa ibiteganya. Kuba uwatanze isoko yatahura mu mpitagihe ko bitagenze uko yabyifuzaga uruhande rumwe rwararangije kuzuza inshingano zarwo, niwe ugomba kubyirengera. [32] [32]. Ingingo ya 39 y’iryo tegeko ivuga ibyerekeye isesengurwa ry’ inyandiko z’ipiganwa . Ibivuga muri aya magambo: “Akanama gashinzwe gutanga amasoko kagomba gusesengura no kugereranya inyandiko z’ipiganwa zujuje ibyasabwe ; Isesengura n’igereranywa bigomba gushingira gusa ku ngingo zikubiye mu gitabo cy’amabwiriza agenga ipiganwa kandi ntagishobora kwiyongeraho cyangwa ngo kivanywemo ; Uwegukanye isoko ni uwujuje ibyasabwe kandi afite igiciro gito kandi gihuje n’ukuri kurusha izindi nyandiko z’ipiganwa” . Niba Société Générale d’Equipement S.A.R.L.(SGES) yarahawe isoko, ni uko yari yujuje ibisabwa gusumbya abandi bari bitabiriye ipiganwa, kabone n’iyo haba harabonetse ikosa rishingiye mu kunyuranya mu magambo avugwa muri „dossier d’appel d’offre“(DAO) ariko ritatahuwe n’akanama gashinzwe amasoko, ntiritahurwe na Conseil d’administration ya NationalTender Board, ndetse na ELECTROGAZ (RECO RWASCO) arirwo rwego rwatanze isoko ntiritahure kandi ntihashobore kugaragazwa ko hari uburiganya bwaba bwarabaye.. [33] Ingingo ya 43 y’iryo tegeko ivuga ibyerekeye kumenyesha by’agateganyo itangwa ry’isoko n’isabwa ry’ ingwate y’irangizwa neza. Ibivuga itya: “ Mbere y’uko igihe inyandiko z’ipiganwa zimara zigifite agaciro kirangira, urwego rutanga isoko rugomba kumenyeshereza rimwe uwatsinze n’abatsinzwe iby’agateganyo byavuye mu isesengura ;

Iyo nyandiko y’imenyesha isobanura neza ko iby’ingenzi byashingiweho mu itangwa ry’iryo soko byahabwa abapiganwe babisabye kandi ko bafite iminsi irindwi (7) ngo babe bagize ibyo banga, niba bihari, mbere y’uko uwegukanye isoko asinya amasezerano ;

Uwegukanye isoko asabwa ingwate y’irangizwa neza ry’akazi hakurikijwe amabwiriza agenga amasoko. Bene iyo ngwate ntishobora kurenga icumi ku ijana (10%) y’igiciro cy’isoko ;Amasezerano y’isoko akimara gusinywa, urwego rutanga isoko rugomba guhita rumenyesha abandi ko inyandiko zabo z’ipiganwa zitatsinze”. Société Générale d’Equipement S.A.R.L.(SGES) imaze kumenyeshwa ko yatsindiye isoko by’agateganyo, habuze numwe mu bandi bari barapiganiye isoko wajuririra icyo cyemezo, bivuze ko Société Générale d’Equipement S.A.R.L.(SGES) yahise ihabwa amahirwe yo kuba yakwegukana isoko burundu. Ikindi kandi ingwate ya 10% y’igiciro cy’isoko ryose yarayitanze ibinyujije muri BANCOR. Ibi bikaba byari muri za „engagements“ zose yakoraga kugira ngo irangize inshingano zayo neza.

## Page 9

[34] [34]. Ingingo ya 44 y’iryo tegeko ivuga ibyerekeye amasezerano y’isoko n’ibyo ashingiraho. Igira iti:

“Uwegukanye isoko n’urwego rutanga isoko bagomba gushyira umukono ku masezerano yanditse ashingiye ku gitabo cy’amabwiriza agenga ipiganwa, ku nyandiko y’ipiganwa y’uwatsindiye isoko, ku bisobanuro byatanzwe no ku byaba byakosowe” . Kuba amasezerano yarasinywe, ni ukuvuga ko yari ashingiye kuri dossier d’appel d’offre(DAO), no kuri „soumission“ ya Société Générale d’Equipement S.A.R.L.(SGES). Mu gihe haje kuboneka ikintu kitagaragajwe mbere, ugomba kuba yarabikoze ariwe ELECTROGAZ (RECO RWASCO), siwe watanga ikibazo agaragaza uburangare bwe yagize (sa propre turpitude). Société Générale d’Equipement S.A.R.L.(SGES) ntiyigeze ihagararirwa mu kanama gashinzwe amasoko(commission d’évaluation). Yatanze soumission « yayo » nta buryarya (de bonne foi), imenyeshwa ko itsindiye isoko, iratangira ishakisha uburyo yashyira amasezerano mu bikorwa. [35] [35]. Ingingo ya 67 y’iryo tegeko ivuga ibyerekeye imenyeshwa ry’uwahawe isoko burundu. Ikabivuga muri aya magambo: “Upiganwa wagize amanota menshi, hakurikijwe ibyavuye mu isesengura ry’ibyasabwaga mu nyandiko itumirira kuzana inyandiko z’ipiganwa, agomba guhabwa isoko, ibyo bigashoboka ari uko imishyikirano yageze ku myanzuro ishimishije. Urwego rutanga isoko rugomba kumwandikira rumumenyesha ko yatoranijwe ngo ahabwe isoko kandi rugahita runamenyesha icyo cyemezo abandi bose bari ku rutonde rw’abari basabwe kuzana inyandiko zabo z’ipiganwa. Iyo, mu minsi (7) uhereye igihe iryo menyekanisha ryabereye, ntawe ugize icyo avuga mu bitabiriye ipiganwa, amasezerano n’uwegukanye isoko agomba guhita ashyirwaho umukono n’impande zombi”. Hashingiwe ku bivugwa muri iyi ngingo, uwakagombye kugaragaza ko hari icyo anenga icyemezo cyafashwe, ni umwe mu batarashoboye gutsinda ipiganwa. Kandi bose uko bapiganwe, bemeye ibyavuye mu isesengura ry’ibyasabwaga. Ntabwo rero ELECTROGAZ (RECO RWASCO) yari mu bakoze isesengura (évaluation), ariyo yajuririra ibyo ubwayo yikoreye, ikanabijuririra byarabaye impitagihe kuko yagaragaje ko yanze ibyavuye mu isesengura, amasezerano yisinyiye ubwe mu bwisanzure yararangije gushyirwa mu bikorwa, ndetse n’imodoka yarayiyandikishijeho, ihabwa « carte jaune » na « plaque » mu izina ryayo.. Urukiko rukaba rusanga igomba kubyirengera. [36] [36]. Ingingo ya 91 y’iryo itegeko ivuga ibyerekeye iseswa ry’amasezerano biturutse ku ikoreshwa ry’inyandiko mpimbano n’uburiganya. Ibivuga muri aya magambo: “Igihe cyose mbere y’uko amasezerano atangira cyangwa arimo gushyirwa mu bikorwa, amasezerano agomba guta agaciro cyangwa agaseswa iyo byemejwe ko uwegukanye isoko yakoresheje inyandiko zigoretse cyangwa yabonye mu nzira z’uburiganya. Igihe amasezerano asheshwe biratangazwa, isoko rihabwa uwari ukurikiyeho cyangwa rikongera gupiganirwa”. ELECTROGAZ (RECO RWASCO) yatanze ikirego kuwa 19/05/2008 muri CID irega Société Générale d’Equipement S.A.R.L.(SGES) ko yakoresheje uburiganya ikazana ibitarasabwe. Ariko nyuma y’amaperereza yabaye, inzego zibishinzwe zasanze nta kosa Société Générale d’Equipement S.A.R.L.(SGES) yakoze, Ubushinjacyaha dosiye buyishyingura burundu kuko bwasanze ibyo yakoze, yarabikoze mu buryo buhuje n’amategeko.

## Page 10

Urukiko rukaba rusanga ELECTROGAZ (RECO RWASCO) yarasheshe amasezerano nta mpamvu ishingiyeho. [37] [37]. Ingingo ya 92 y’iryo tegeko ivuga ibyerekeye ihagararirwa ry’Urwego rutanga isoko mu ishyirwa mu bikorwa ry’amasezerano. Ibivuga itya: “Urwego rutanga isoko rugomba guhagararirwa n’umukozi ushinzwe kugenzura uko amasezerano ashyirwa mu bikorwa. Uwo mukozi agomba kuba afite uburenganzira bwo: 1° kugera ahakorerwa imirimo harimo n’ahatunganyirizwa ibikoresho n’aho ibigemurwa bikorerwa; 2° gukora igenzura rikenewe ry’ibigemurwa cyangwa ry’imirimo ikorwa akabikora ku buryo Uwegukanye isoko ariwe wirengera ingaruka zabyo. Umukozi ushinzwe umushinga niwe uba umuhuza hagati y’Urwego rutanga isoko n’uwegukanye isoko kandi agaha amabwiriza uwegukanye isoko.Iryo genzura ntirivanaho inshingano z’uwegukanye isoko”. Muri uwo muhango w’igenzura, ELECTROGAZ (RECO RWASCO) yohereje abayobozi bakuru bayo batanu(5) bagizwe n’Umuyobozi mukuru mu by’ubutegetsi, Umuyobozi ushinzwe amategeko, ushinzwe kugura ibikoresho, chef de section n’umugenzuzi. Abo bayobozi bakaba barakoranye inama n’abakozi ba Société Générale d’Equipement S.A.R.L.(SGES), bagasanga nta kosa Société Générale d’Equipement S.A.R.L.(SGES) yakoze, umwanzuro ukaba uw’uko

ELECTROGAZ yafata imashini bayizaniye, kuko yari ifite uruhare runini mu ikosa ryabaye ryo kudasobanura neza ibiranga “grue” ishaka gutumiza. Urukiko rurasanga nta mpamvu umwanzuro wa ziriya mpuguke utahabwa agaciro, kuko basanzwe babizobereyemo kandi bakaba bari boherejwe n’Ubuyobozi bwa ELECTROGAZ (RECO RWASCO), ibyo bakoraga bakaba barabikoraga biri mu nshingano zabo, dore ko nta n’ikosa ababakuriye mu kazi bigeze bagaragaza ko baba barakoze muri iryo genzura, ngo barihanirwe. [38] Nyuma y’ibi bisobanuro, Urukiko rurasanga Société Générale d’Equipement S.A.R.L.(SGES) nta mutima w’uburyarya(mauvaise foi) yagaragaje mu ipiganwa, haba mu imenyeshwa ko yatsindiye isoko, haba mu isinywa ry’amasezerano, cyangwa se mu itumizwa rya „camion-grue“. Ibyo Société Générale d’Equipement S.A.R.L.(SGES) yashingiyeho itumiza „camion-grue“, ni ibyari bikubiye muri „soumission“ yashyikirije National Tender Board, akanama gashinzwe amasoko(commission d’évaluation) kakabyemeza, Conseil d’Administration ya Tender Board ikabyemeza, n’urwego rutanga isoko arirwo ELECTROGAZ (RECO RWASCO) rukabyemeza. Bivuze ko ibyo yashingiyeho itumiza, ari ibyo yari yumvikanyeho na ELECTROGAZ (RECO RWASCO) Kandi aho hose, nta numwe mu bari bapiganwe utarashoboye kwegukana isoko, wigeze ajurira nkuko amategeko abiteganya. Bityo ELECTROGAZ (RECO RWASCO) ikaba igomba kwakira ikamyo na „grue yayo yatumijwe hashingiwe ku masezerano yagiranye na Société Générale d’Equipement S.A.R.L.(SGES) kuko iyo sosiyete yo ibyo yagombaga gukora yarabikoze. [39] Ingingo ya 100 y’iryo tegeko ivuga ibyerekeye gusaba indishyi. Igira iti: “Uwegukanye isoko yemerewe kwifashisha ibimenyetso byose kugira ngo agaragaze uruhare rw’Urwego rutanga isoko asaba kwishyurwa indishyi iyo ariyo yose, cyangwa se yerekana impamvu atubahirije igikorwa iki n’iki cyari mu nshingano ze, cyangwa asaba gusubizwa igice cyangwa amafaranga yose. Iyo impaka zibaye hagati y’Urwego rutanga isoko n’Uwegukanye isoko, mu minsi itanu (5) ikurikira ivuka ryazo, Uwegukanye isoko kugira ngo adatakaza uburenganzira bwe, agomba

## Page 11

kugaragaza ibyo bimenyetso mu nyandiko ashyikiriza Urwego rutanga isoko, akagaragaza muri make ingaruka byagira mu bikorwa no ku giciro cy’isoko. Icyakora Uwegukanye isoko ntashobora kwifashisha impamvu zidaturutse ku rwego rutanga isoko ubwarwo cyangwa rumuhagarariye ruzwi”. Ishingiye kuri iyo ngingo, Société Générale d’Equipement S.A.R.L.(SGES) mu kirego cyayo no mu myanzuro yayo, irasaba indishyi urwego rwayihaye isoko kuko ivuga ko rutubahirije amasezerano bagiranye. Urukiko rukaba rusanga izo ndishyi igomba kuzihabwa kuko uburangare bwa ELECTROGAZ (RECO RWASCO) buturutse mu kudashobora gusobanura neza ibiranga icyo yifuzaga gutumiza nkuko byanagarutsweho n’abayobozi bakuru bayo, bukaba butatuma Société Générale d’Equipement S.A.R.L.(SGES) ihomba ibyo yakoze byose igira ngo irangize neza kandi mu gihe inshingano ziri mu masezerano yagiranye na ELECTROGAZ(RECO RWASCO). Ku byerekeye itangwa ry’indishyi. Indishyi zikomoka ku mwenda Société Générale d’Equipement S.A.R.L.(SGES) yafashe muri Banki  [40] Société Générale d’Equipement S.A.R.L.(SGES) imaze kumenyeshwa ko yatsindiye isoko by’agateganyo (notification provisoire), yafashe umwenda wa 200.000.000 Frw muri BANCOR nkuko bigaragazwa n’amasezerano y’igurizwa yo kuwa 18/06/2007 yasinywe hagati y’impande zombi. Uwo mwenda niwo wavuyemo 173.318.058 frw yaguzwe „camion“ na „grue“ yayo nkuko yari yagenwe n’impande zombi mu masezerano, ariko yamara kuhagera ELECTROGAZ (RECO RWASCO) ikanga kuyifata ndetse ikanasesa amasezerano. [41] Urukiko rurasanga ELECTROGAZ (RECO RWASCO) igomba kwishyura uriya mwenda kuko wafashwe hagamije kugura „camion grue“ nkuko bigaragazwa na extrait yo kuwa 20/08/2007 BANCOR yishyuriyeho uwayimugurishije 12.600 Euros ariwe PK TRUCKS HOLLAND, n’indi yo kuwa 14/01/2008 nanone BANCOR yishyuriyeho uwo wayimugurishije 118.400 Euros. ELECTROGAZ (RECO RWASCO) ikawishyura ku nyungu za 19% nkuko Société Générale d’Equipement S.A.R.L.(SGES) yabisabye muri uru Rukiko mu mwanzuro wayo wo kuwa 14/12/2009, kandi ELECTROGAZ (RECO RWASCO) ikaba ntacyo yigeze ibivuguruzaho, ariko habanje kuvamo 34.663.612 Frw ELECTROGAZ (RECO RWASCO) yahaye Société Générale d’Equipement S.A.R.L.(SGES) ya avance de démarrage ahwanye na 20% y’ikiguzi cy’isoko ryose nkuko ingingo ya 7 y’amasezerano yo kuwa 27/07/2007 ibiteganya. Ni ukuvuga ko umwenda n’inyungu zawo bibazwe kuva kuwa 18/06/2007 kugeza kuwa 18/06/2010 bingana na (138.654.446 𝑓𝑟𝑤 𝑥 19)𝑥 3 = 79.033.034 𝐹𝑟𝑤. 𝐾𝑢𝑣𝑎 𝑘𝑢𝑤𝑎18/06/2010 100 kugeza kuwa 18/10/2010 inyungu zingana na (138.654.446 frw x 19x 4= 8.781.448 Frw 100x12

Yose hamwe ni 79.033.034 Frw+8.781.448 Frw=87.814.482 Frw

Kuva kuwa 18/10/2010 kugeza kuwa 22/10/2010 umunsi urubanza rusomeweho, inyungu zingana na 138.654.446 frw x 19x4=288.705 Frw.

100x365 Igiteranyo cya yose kikaba 138.654.446 frw + 87.814.482 Frw +288.705 Frw= 226.757.633 Frw

## Page 12

Gusubizwa 5.485.152 Frw Société Générale d’Equipement S.A.R.L.(SGES) yishyuriye ELECTROGAZ (RECO RWASCO)  [42] Société Générale d’Equipement S.A.R.L.(SGES) yishyuriye ELECTROGAZ (RECO RWASCO) 5.485.152 Frw yo kugirango imodoka isohoke muri douane, na ELECTROGAZ (RECO RWASCO) kandi ayo mafaranga ikaba iyemera nkuko bigaragazwa n’ibaruwa yo kuwa 04/04/2008 Société Générale d’Equipement S.A.R.L.(SGES) yandikiye ELECTROGAZ (RECO RWASCO) n’iyo kuwa 11/04/2008 ELECTROGAZ (RECO RWASCO) yandikiye Société Générale d’Equipement S.A.R.L.(SGES) iyisubiza ivuga ko ayo mafaranga izayiyishyura ari uko babonye „camion grue“. Bikagaragazwa kandi na „reçu“ yo kuwa 10/03/2008 yo muri Banque Commerciale du Rwanda(BCR aho Société Générale d’Equipement S.A.R.L.(SGES) yayishyuriye. Ayo mafaranga rero Société Générale d’Equipement S.A.R.L.(SGES) ikaba igomba kuyasubizwa

Indishyi z’akababaro Société Générale d’Equipement S.A.R.L.(SGES) kubera igihombo yatejwe.  [43] Société Générale d’Equipement S.A.R.L.(SGES) ni isosiyete y’ubucuruzi ikoresha amafaranga umunsi ku wundi. Kuba yarafashe amafaranga angana kuriya ikayagura imodoka n’uwo iyiguriye ntayifate, byayiteje igihombo mu rwego rw’ubucuruzi kuko ayo mafaranga yari gushorwa mu bindi mu gihe cy’imyaka itatu akabyara inyungu, Société Générale d’Equipement S.A.R.L.(SGES) ikaba igomba kubibonera indishyi. Ayo mafaranga ariko Société Générale d’Equipement S.A.R.L.(SGES) ikaba igomba kuyagenerwa mu bwitonzi bw’Urukiko kuko 672.191.800 Frw isaba ari ikirenga . Urukiko rukaba ruyigeneye mu bwitonzi bwarwo 100.000.000 Frw.

Amafaranga y’ikurikirana rubanza n’igihembo cya Avoka  [44] Société Générale d’Equipement S.A.R.L.(SGES) irasaba amafaranga y’ikurikiranarubanza kubera ibyarukozwemo, abarukurikiranye, ingendo n’ibindi. Urukiko rukaba rusanga iyakwiye ariko nanone rukayigenera mu bwitonzi bwarwo kuko ayo yaka rusanga ari menshi. Rukaba ruyigeneye 1.000.000 Frw. ICYEMEZO CY’URUKIKO [45] [45]. Rwemeye kwakira ubujurire bwa Société Générale d’Equipement S.A.R.L.(SGES) kuko bwaje mu buryo no mu nzira byemewe n’amategeko ;Rwemeje ko bufite ishingiro ; [46] Rwemeje ko Société Générale d’Equipement S.A.R.L.(SGES) yubahirije amasezerano yagiranye na ELECTROGAZ (RECO RWASCO); [47] [48]. Rwemeje ko ELECTROGAZ (RECO RWASCO) itubahirije amasezerano yagiranye na Société Générale d’Equipement S.A.R.L.(SGES); [48] Ruyitegetse guha Société Générale d’Equipement S.A.R.L.(SGES) 226.757.633 Frw +100.000.000 Frw + 5.485.152 Frw = 332.242.785 Frw; [49] Ruyitegetse kwakira urubanza rugisomwa ikamyo na "grue" yayo byatumijwe na Société Générale d’Equipement S.A.R.L.(SGES) ; [50] Ruyitegetse guha Société Générale d’Equipement S.A.R.L.(SGES) 1.000.000 Frw akubiyemo amafaranga y’ikurikiranarubanza n’igihembo cya Avoka. [51] Ruyitegetse gutanga amagarama y’Urukiko angana na 62.500 Frw habariwemo n’ayo mu Rukiko Rukuru rw’Ubucuruzi.