UBUSHINJACYAHA v. HABUMUREMYI

# UBUSHINJACYAHA v. HABUMUREMYI

- Source: Amategeko - Section: Decisions (Judgements) - Date: 2025-11-27 - Case/document no.: RPAA 00260/2020/CA - Collection: Court of Appeal

## Text

## Page 1

UBUSHINJACYAHA v. HABUMUREMYI [Rwanda URUKIKO RW’UBUJURIRE – RPAA 00260/2020/CA (Ndahayo, P.J.,) 27 Ugushyingo 2025] Amategeko agenga ibyaha n’ibihano – Icyaha cy’ubwinjiracyaha bw’ubwicanyi – Kugabanyirizwa ibihano – Ukwemera icyaha kugira agaciro gashobora gutuma uregwa agabanyirizwa igihano iyo gukozwe byibura mbere y’uko iburanisha ku rwego rwa mbere ripfundikirwa, kudashidikanywaho, kuba uwemera agaragaza ko yumva uburemere bw’ibikorwa yemera n’ingaruka zabyo, abyicuza, abisabira imbabazi no kuba yiteguye gusubiza ibyo yangije uko abitegerejweho. Amategeko agenga ibyaha n’ibihano – Kugabanyirizwa ibihano – Mu gutanga igihano Umucamanza yita ku bintu bitandukanye agamije guhana koko uwakoze icyaha, hitawe ku nyungu z’uwahohotewe, iz’uregwa iza sosiyete muri rusange hanagendewe ku buryo icyaha cyakozwe n’ingaruka cyateye, cyane cyane agendereye gutanga igihano gihwanye n’icyaha cyakozwe n’uburyo cyakozwemo. Incamake y’ikibazo: Uwitwa Habumuremyi Decro Patrice yacyetsweho kuba yaratemesheje umuhoro umukobwa witwa Mahirwe Hilarie nyuma yo gushaka kumufata ku ngufu ngo amusambanye, bakaba baragundaguranye yabona ko adashoboye kugera ku mugambi we, afata umuhoro yari afite atema uwo mukobwa mu mutwe, ku kaboko, ku rutugu ndetse no mu ntoki. Iperereza rirangiye, Ubushinjacyaha bwamuregeye Urukiko Rwisumbuye rwa Rubavu bumukurikiranyeho icyaha cy’ubwinjiracyaha bw’ubwicanyi, busaba ko kimuhama maze agahanishwa igifungo cya burundu. Urukiko Rwisumbuye rwa Rubavu rushingiye ku kuba uregwa ubwe yemeye icyaha aregwa igihe yabazwaga mu nzego z’iperereza, no ku mvugo z’abatangabuhamya batandukanye, agasaba imbabazi, rwemeza ko ahamwa n’icyaha cy’ubwinjira cyaha bw’ubwicanyi, maze rumuhanisha igihano cy’igifungo cya burundu. Habumuremyi Decro Patrice ntiyishimiye imikirize y’urwo rubanza, maze arujuririra mu Rukiko Rukuru Urugereko rwa Musanze, asobanura ko impamvu yajuriye ari ukugirango agabanyirizwe igihano kuko yemera icyaha akana gisabira imbabazi. Uburanira Ubushinjacyaha avuga ko Habumuremyi Decro Patrice adashaka gufasha ubutabera kuko kuvuga ko yakoze icyaha atabigambiriye atari byo, ahubwo ko yabonye umukobwa atsimbaraye ku busugi bwe agahitamo kuba yamwica akavaho, bityo asaba Urukiko kwemeza ko iki gihano yahawe kigumaho kugira ngo kizamubere isomo kimwe n’undi wese washakagukora icyaha nk’iki. Urukiko Rukuru Urugereko rwa Musanze rwemeje ko ubujurire bwatanzwe na Habumuremyi Decro Patrice bufite ishingiro kuri bimwe, maze rwemeza ko imikirize y’urubanza rwaciwe n’Urukiko Rwisumbuye rwa Rubavu, ihindutse kubyerekeye igihano, maze rutegeka ko ahanishijwe igihano cy’igifungo cy’imyaka makumyabiri n’itanu (25) kubera icyaha cy’ubwinjiracyaha bw’ubwicanyi yakoranye ubugome bukabije.

## Page 2

Habumuremyi Patrice Decro na none yongeye kujuririra Urukiko rw’Ubujurire, avuga ko yatemye Mahirwe Hilarie atabigambiriye, bityo ko asaba kugabanyirizwa ibihano kuko yemeye icyaha kuva mu bugenzacyaha kugeza mu nkiko zombi yaburaniyemo, ariko akaba yarahawe ibihano birebire. Uhagarariye ubushinjacyaha avuga ko impamvu z’ubujurire zitangwa na Habumuremyi Decro Patrice zitahabwa ishingiro kuko adashaka kuvugisha ukuri mu buryo yakozemo icyaha, bityo ko adakwiye kugabanyirizwa ibihano kuko atemera icyaha mu buryo budashidikanywaho. Ubushinjacyaha buvuga ko nta mpamvu n’imwe yatuma Habumuremyi agabanyirizwa ibihano kuko icyaha yakoze ashaka kugihunga agabanya ubukana bwacyo, bityo ko busaba urukiko kwemeza ko ubujurire bwe nta shingiro bufite, busaba kandi ko urubanza rwajuririwe rugumana agaciro karwo. Incamake y’icyemezo: 1. Ukwemera icyaha kugira agaciro gashobora gutuma uregwa agabanyirizwa igihano iyo gukozwe byibura mbere y’uko iburanisha ku rwego rwa mbere ripfundikirwa, kudashidikanywaho, kuba uwemera agaragaza ko yumva uburemere bw’ibikorwa yemera n’ingaruka zabyo, abyicuza, abisabira imbabazi no kuba yiteguye gusubiza ibyo yangije uko abitegerejweho. 2. Mu gutanga igihano Umucamanza yita ku bintu bitandukanye agamije guhana koko uwakoze icyaha,hitawe ku nyungu z’uwahohotewe, iz’uregwa iza sosiyete muri rusange hanagendewe ku buryo icyaha cyakozwe n’ingaruka cyateye, cyane cyane agendereye gutanga igihano gihwanye n’icyaha cyakozwe n’uburyo cyakozwemo. Ubujurire bufite ishingiro kuri bimwe. Amategeko yashingiweho: Itegeko Nº 68/2018 ryo ku wa 30/08/2018 riteganya ibyaha n’ibihano muri rusange, ingingo ya 21. Imanza zifashishijwe: Urubanza RPA0343/10/CS rw’Ubushinjacyaha na Mpiranya Boniface rwaciwe n’Urukiko rw’Ikirenga ku wa 27/02/2015; Urubanza RPAA 00172/2021/CA, rw’Ubushinjacyaha na Mutabazi David, rwaciwe n’Urukiko rw’Ubujurire ku wa 23/9/2022. Urubanza I. IMITERERE Y’URUBANZA [1] Ku wa 09/10/2017, Habumuremyi Decro Patrice ari mu mudugudu wa Mushyigo, Akagari ka Gikombe, Umurenge wa Rubavu yacyetsweho kuba yaratemesheje umuhoro umukobwa witwa Mahirwe Hilarie nyuma yo gushakakumufata ku ngufu ngo amusambanye bakaba

## Page 3

baragundaguranye yabona koadashoboye kugera ku mugambi we agafata umuhoro yari afite agatema uwomukobwa mu mutwe, ku kaboko no ku rutugu ndetse no mu ntoki. [2] Iperereza rirangiye, Ubushinjacyaha bwamuregeye Urukiko Rwisumbuye rwaRubavu bumukurikiranyeho icyaha cy’ubwinjiracyaha bw’ubwicanyi, busaba kokimuhama agahanishwa igifungo cya burundu. [3] Habumuremyi Patrice Decro yaburanye avuga ko ubwo yari agiye gushakirainka ubwatsi, yageze mu nzira abona umukobwa witwa Mahirwe Hélarie arigusambana n'umusore atazi, noneho ngo uwo mukobwa n’uwo basambanagabamubonye uwo umusore basambanaga ngo yahise yiruka ageze imbere afataibuye ararimutera arakomereka, nawe rero ngo yahise agira uburakari bitumaafata uwo mukobwa amutema mu mutwe, asoza avuga ko yakoze icyahaatabigambiriye, ahubwo ngo yabitewe n'uburakari bw’iryo buye uwo musoreyamuteye ndetse n'ubusinzi. [4] Mu rubanza RP 00534/2017/TGI/RBV rwaciwe ku wa 07/06/2028, UrukikoRwisumbuye rwa Rubavu rushingiye ku kuba Habumuremyi Patrice Decroubwe abazwa mu nzego z’iperereza yaravuze ko yemera icyaha aregwaagasaba imbabazi, no kuba hari imvugo z‘abatangabuhamya aribo Gisubizo, Biramahire, na Mahirwe Hilarie zihura n’ibyo uregwa nawe yemeye,rwemeje ko Habumuremyi Patrice Decro ahamwa n’icyaha cy’ubwinjiracyahabw’ubwicanyi, rumuhanisha igihano cy’igifungo cya burundu. [5] Habumuremyi Decro Patrice ntiyishimiye imikirize y’urwo rubanza arujuririramu Rukiko Rukuru Urugereko rwa Musanze, asobanura ko impamvu yajuriye ariukugirango agabanyirizwe igihano kuko yemera icyaha akanagisabira imbabazi. [6] Uburanira Ubushinjacyaha we yavuze ko Habumuremyi Decro Patriceadashaka gufasha ubutabera kuko kuvuga ko yakoze icyaha atabigambiriyeatari byo, ahubwo ko yabonye umukobwa atsimbaraye ku busugi bweagahitamo kuba yamwica akavaho, asaba Urukiko kwemeza ko iki gihanoyahawe kigumaho kugira ngo kizamubere isomo kimwe n’undi wese washakagukora icyaha nk’iki. [7] Mu rubanza RPA 00342/2018/MUS rwaciwe ku wa 04/03/2019, Urukiko Rukuru Urugereko rwa Musanze rwemeje ko ubujurire bwatanzwe na Habumuremyi Decro Patrice bufite ishingiro kuri bimwe, rwemeza ko imikirize y’urubanza RP 00534/2017/TGI/RBV rwaciwe n’Urukiko Rwisumbuye rwaRubavu ku wa 07/04/2018, ihindutse kubyerekeye igihano Habumuremyi Decro Patrice ahawe, rutegeka ko Habumuremyi Decro Patrice ahanishijweigihano cy’igifungo cy’imyaka makumyabiri n’itanu (25) kubera icyaha cy’ubwinjiracyaha bw’ubwicanyi yakoze. [8] Mu gufata icyemezo, Urukiko rwashingiye ku kuba icyaha yakoze yaragikoranye ubugome bukabije ku buryo atagabanyirizwa ibihano, ariko na none rusangamu gihe yaburanaga mu rwego rwa mbere itegeko ryateganyirizaga icyahayahamijwe cy’ubwinjiracyaha bw’ubwicanyi igifungo cya burundu, ariko mu gihe yaburanaga ubujurire bwe mu Rukiko Rukuru Urugereko rwa Musanze, hakabahari hasotse irindi tegeko rihana rihindura igihano, maze rushingira ku ngingo ya 21 y’iryo Tegeko rishya ariryo Nº 68/2018 ryo ku wa 30/08/2018 riteganya ibyaha n’ibihano muri rusange iteganya ko ku cyaha gihanishwa igifungo cyaburundu, ubwinjiracyaha buhanishwa

## Page 4

igihano cy’igifungo kingana n’imyakamakumyabiri n’itanu (25), ruheraho rumuhanisha igifungo cy’imyaka 25. [9] Habumuremyi Decro Patrice na none yongeye kujuririra Urukiko rw’Ubujurire, urubanza ruhabwa RPAA 00260/2020/CA ruburanishwa ku wa04/11/2025, Habumuremyi Patrice Deccro yunganiwe na Me Kazayire innocent, Ubushinjacyaha buhagarariwe na Niyonkuru Françoise,Umushinjacyaha ku rwego rw’igihugu. [10] Mu mwanzuro utanga ubujurire wa Habumuremyi Decro Patrice avuga koasaba kugabanyirizwa ibihano kuko yemera icyaha, akaba nta mugambi yariafite wo gutema Mahirwe Hilarie, ko yemeye icyaha kuva mu bugenzacyahakugeza mu nkiko zombi yaburaniyemo ariko akaba yarahawe ibihano birebire,asaba kugabanyirizwa ibihano. [11] Uhagarariye ubushinjacyaha avuga ko impamvu z’ubujurire zitangwa na Habumuremyi Decro Patrice zitahabwa ishingiro kuko adashaka kuvugushaukuri mu buryo yakozemo icyaha kuko akomeza kubeshya ko yasanze Mahirwe Hilarie arimo gusambana n’undi musore akajya kubatesha mazeakarwana n’uwo musore, mu gihe umukobwa aje kubakiza, umuhoro ugatemauyu mukobwa barimo kugundagurana, nyamara ibyo avuga bikaba atari ko kurikw’ibyabaye kuko yatemye uwo mukobwa ashaka kumusambanya uwomukobwa akamurwanya bigatuma amutemesha umuhoro. [12] Impaka muri uru rubanza, zishingiye ku kumenya niba Habumuremyi Patrice Decro Patrice yemera icyaha mu buryo budashidikanywaho akaba yagabanyirizwa ibihano hashingiwe ku mpamvu nyoroshyacyaha agaragaza. II. ISESENGURWA RY’IKIBAZO KIGIZE URUBANZA Kumenya niba Habumuremyi Patrice Decro Patrice yemera icyaha mu buryo budashidikanywaho akaba yagabanyirizwa ibihano hashingiwe ku mpamvu nyoroshyacyaha agaragaza [13] Habumuremyi Patrice Decro na Me Kazayire Innocent umwunganira,bavuga ko Habumuremyi yatashye avuye kunywa inzoga, asanga umukobwa Mahirwe Hilarie ari kumwe n’undi muhungu bari gusambana noneho ngo nawe kubera irari ry’umubiri ashaka kumusambanya ngo amuteshe uwo muhungu ariko ngo arwana n’uwo muhungu, uwo mukobwa aje kubakiza Habumuremyi aramutema ariko ngo akaba atari yabigambiriye. [14] Bakomeza bavuga ko Habumuremyi Patrice Decro atagize umugambi wo kwica uriya mukobwa, kuko uwagize umugambi w’ubwinjira cyaha bw’ubwicanyi aba yagize premeditation (gutegura) uwo azatema ndetse akanamutega igico, ariko ngo uwo yatemye ntabwo yari amuzi, ibyo ngo bikaba bigaragara ko atateguye kwica uwo mukobwa. Bakomeza basobanura ko mu mvugo za Habumuremyi zose ntaho yigeze avuga ko yagize ubushake bwo kwica, kandi ko ngo n’uwo mukobwa atari kuvuga ko yarimo gusambana ubwo yatangagaikirego. Bavuga rero ko basaba Urukiko rw’Ubujurire kuzasoma inyandiko zose ziri muri dosiye cyane cyane ku bijyanye n’ibazwa rya Habumuremyi, maze rukemeza ko agabanyirizwa ibihano kuko yemera icyaha, akaba nta mugambi yari afite wo gutema Mahirwe Hilarie, kandi ko yemeye icyaha kuva mu

## Page 5

bugenzacyaha, mu bushinjacyaha no mu nkiko zombi yaburaniyemo ariko akaba yarahawe ibihano birebire. [15] Uburanira Ubushinjacyaha avuga ko Habumuremyi Patrice Decro adakwiye kugabanyirizwa ibihano kuko atemera icyaha mu buryo budashidikanywaho kuko yasobanuye ko yasanze Mahirwe Hilarie asambana n’undi muhungu nawe akagira irari bigatuma barwana n’uwo muhungu, Mahirwe akaza kubakiza akamutema atabishakaga, ariko Ubushinjacyaha bukaba busanga atariko byagenze kuko uyu mukobwa Mahirwe yasobanuye ko bahuye n’umuhungu atamenye akamwambura ibyo yari agemuye ku kigo nderabuzima ndetse amwambura ibyo yari afite byose, ahita asubira inyuma agiye gutabaza ahura na Habumuremyi, amubwira ko basubirayo kureba uwo muntu ariko ngontibanamubona ahubwo bageze mu nzira Habumuremyi Patrice Decro ashakakumusambanya aribwo uwo mukobwa yabyanze amutemagura ahantu hatandukanye. [16] Akomeza avuga ko ibyo byabaye bigaragaza ubushake Habumuremyi yagize bwo gusambanya uriya mukobwa n’ubwo kumutema kuko iyo bitaba ubushake bikagenda nk’uko abivuga, yari kumutema ahantu hamwe, ikindi uwo musore avuga ko barwanye ngo ntabwo ari ukuri kuko uwo musore ntawe bahuye. [17] Akomeza avuga ko, Ubushinjacyaha busanga nta mpamvu n’imwe yatuma Habumuremyi agabanyirizwa ibihano kuko icyaha yakoze ashaka kugihungaagabanya ubukana bwacyo, ikindi kandi uwatemwe ntabwo yabayeho kuberaubushake bw’uregwa ahubwo ngo ni amahirwe yagize, asaba urukiko kwemezako ubujurire bwe nta shingiro bufite, rukemeza ko urubanza rwajuririwe rugumanaagaciro karwo. [18] Ashingira ku murongo watanzwe n’Urukiko rw’Ubujurire mu rubanza No RPAA00178/2020/CA rwaciwe ku wa 28/04/2022, habura Ubushinjacyaha na Ntezimana Jean Damascène, ahavugwa ko iyo umuburanyi yemera icyaha ariko ku buryo bushidikanywa, atari itegeko ko agabanyirizwa ibihano kubera uburemere bw’icyaha yakoze, aho rutamugabanyirije ibihano kabone n’ubwo yaburanye yemera icyaha kuva mu nzego z’iperereza. Hari kandi urubanza RPAA 0050/12/CS rwaciwe n’Urukiko rw’Ikirenga ku wa 06/05/2016,Ubushinjacyaha buburana na Pte Ntawurushimana Jean Bosco, aho urwoRukiko rwasobanuye ko imikorere y’icyaha ubwayo yaranzwe n’ubugomebukabije, butuma adakwiye kugabanyirizwa ibihano, no mu rubanza RPA0047/11/CS, Ubushinjacyaha bwaburanye na Nshutirakiza Narcisse rwaciwen’Urukiko rw’Ikirenga ku wa 27/03/2015, aho uregwa yaburanye yemera icyaha,akanagisabira imbabazi, ariko urwo Rukiko rukanga kumugabanyiriza igihano. UKO URUKIKO RUBIBONA [19] Impaka muri uru rubanza zishingiye ku kumenya niba Habumuremyi Patrice Decro yemera icyaha mu buryo budashidikanywaho, akaba yagabanyirizwaibihano hashingiwe ku mpamvu nyoroshyacyaha agaragaza. [20] Mu gusesengura iki kibazo, hakwifashishwa ibyemejwe mu rubanza RPA0343/10/CS haburana Ubushinjacyaha na Mpiranya Boniface rwaciwe n’Urukiko rw’Ikirenga ku wa 27/02/2015 (igika cya 13), ruvuga ko ukwemera icyaha kugira agaciro gashobora gutuma uregwa agabanyirizwa igihano iyo gukozwe byibura mbere y’uko iburanisha ku rwego rwa mbere ripfundikirwa,kudashidikanywaho, kuba uwemera agaragaza ko yumva uburemere bw’ibikorwa

## Page 6

yemera n’ingaruka zabyo, abyicuza, abisabira imbabazi no kuba yiteguye gusubiza ibyo yangije uko abitegerejweho. [21] Hakwifashishwa kandi umurongo watanzwe mu rubanza RPAA 00172/2021/CA, rwaciwe n’Urukiko rw’Ubujurire ku wa 23/9/2022 haburana Ubushinjacyaha na Mutabazi David rwemeje ko mu gutanga igihano Umucamanza yita ku bintu bitandukanye agamije guhana koko uwakoze icyaha,hitawe ku nyungu z’uwahohotewe, iz’uregwa iza sosiyete muri rusangehanagendewe ku buryo icyaha cyakozwe n’ingaruka cyateye, cyane cyaneagendereye gutanga igihano gihwanye n’icyaha cyakozwe n’uburyo cyakozwemo. [22] Dosiye igaragaza ibazwa rya Habumuremyi Patrice Decro mu bugenzacyaha mu mwaka wa 2017 no mu bushinjacyaha ku wa 09/11/2017 ndetse no mw’uburanisha ku rwego rwa mbere mu Rukiko Rwisumbuye rwa Rubavu hose yasobanuye ko yari avuye ku kabari yasinze agasanga Mahirwe Hilarie arimo gusambana n’undi muhungu atamenye, nibwo uwo musore ngo yamuteye ibuyemu mutwe, uwo mukobwa nawe ngo aje amusanga akaba aribwo ngo yamutemye, ibyo bisobanuro yatanze bikaba bigaragaza ko atemeraga ibyo yaregwaga n’ubushinjacyaha ko yashate gusambanya ku gahato uyu Mahirwe akamunanira agahitamo kumutema ku bice bitandukanye by’umubiri harimo nomu mutwe. [23] Dosiye igaragaza ko Habumuremyi Patrice Decro yasabanuye ko yemera icyaha akabihuza n’ibyo aregwa ari uko ageze mu Rukiko Rukuru Urugereko rwaMusanze no muri uru Rukiko rw’Ubujurire aho noneho asobanura ko yemera koyashatse gusambanya uwo mukobwa akamwangira agahitamo kumutema ahantuhatandukanye nk’uko abiregwa n’ubushinjacyaha. [24] Dosiye igaragaza imvugo z’abatangabuhamya aribo Gisubizo, Biramahire, bahurije ku kuba ubwo bumvaga induru bakaza batabaye bageze aho Mahirwe yari ari babaza uko bigenze akababwira ko hari umushumba washakagakumufata ku ngufu akamwangira akamutema, yababwira uwo ariwe bagasangaari Habumugisha Patrice Decro, naho Mahirwe Hilarie wakorewe icyahanawe yabajijwe mu bugenzacyaha ku wa 08/11/2018, akaba yarasobanuye ko Habumugisha yamutemaguye kubera ko yashatse ko amusambanyaakabyanga. Hakaba kandi na raporo ya muganga yo ku wa 10/10/2017 igaragazako Mahirwe Hilaire afite ibikomere byinshi mu mutwe no ku maboko. [25] Urukiko rw’Ubujurire rurasanga nta nyungu uku kwemera icyaha kwagirira Habumuremyi Patrice Decro kuko kunyuranye n’umurongo wemejwe wavuzwe haruguru w’uko ukwemera icyaha kugira agaciro gashobora gutuma uregwa agabanyirizwa igihano iyo gukozwe byibura mbere y’uko iburanisha ku rwego rwambere ripfundikirwa,kudashidikanywaho, kandi uwemera akaba agomba kugaragaza ko yumva uburemere bw’ibikorwa yemera n’ingaruka zabyo, abyicuza, abisabira imbabazi no kuba yiteguye gusubiza ibyo yangije uko abitegerejweho. [26] Urukiko rw’Ubujurire rero rurasanga kuba Habumuremyi Patrice Decro n’umwunganira basaba Urukiko rw’Ubujurire kumugabanyiriza igihano kubera koyemeye icyaha agasaba imbabazi, bitafatwa nk’impamvu nyoroshyacyaha yatuma agabanyiriza igihano. [27] Urukiko rurasanga ariko n’ubwo impamvu y’ubujurire ya Habumuremyi Patrice Decro yo gusaba kugabanyirizwa ibihano ku mpamvu y’uko yemera icyaha itashingirwaho ngo agabanyirizwa ibihano , ntacyatuma rudasuzuma ibijyanye no kugabanyirizwa igihano hashingiwe

## Page 7

ku murongo watanzwe mu rubanza RPAA 00039/2021/CA rwaciwe n’Urukiko rw’Ubujurire ku wa 02/07/2021 haburana Ubushinjacyaha na Shakabatenda Jean de Dieu, aho rwasobanuye ko nta cyabuza Urukiko kugabanyiriza igihano uregwa, hagamijwe gutanga igihano gihwanye n’uburemere bw’icyaha kabone n’ubwo impamvu z’ubujurire zaba zitahawe ishingiro. [28] Urukiko rurasanga rero hashingiwe ku kuba Habumuremyi Patrice Decro yarakoze icyaha afite imyaka 26 akiri mu myaka y’abantu batarakura cyane byatuma agabanyirizwa ibihano akaba agomba guhanwa kugirango abone umwanya wo gutekereza ku bubi bw’ibikorwa yakoze azabone kugaruka mumuryango yaramaze kugororoka ariko na none mu kumugabanyiriza hakaba hagomba kwitabwa ku bugome yakoranye icyaha aho yatemaguye Mahirwe inshuro nyinshi ku bicye by’umubiri bitandukanye harimo n’umutwe, ibi bikaba bigaragaza ko yari afite umugambi wo kumwica ariko ntabigereho ku mpamvu zitamuturutseho, kandi akaba nta kindi yamuzizaga usibye kuba uwo mukobwa yaranze ko amusambanya, mu bushishozi bw’Urukiko rurasanga yagabanyirizwa igihano kikavanwa ku myaka makumyabiri n’itanu (25) agahanishwa igifungo cy’imyaka makumyabiri (20). [29] Urukiko rw’Ubujurire rero rurasanga hashingiwe ku bimaze gusobanurwa byose, ubujurire bwa Habumuremyi Decro Patrice bufite ishingiro kuri bimwe, imikirize y’urubanza rujuririrwa ikaba igomba guhinduka gusa ku byerekeye igihano kigabanyijwe kuva ku gifungo cy’imyaka makumyabiri n’itanu (25) kugeza kugifungo cy’imyaka makumyabiri (20). III. ICYEMEZO CY’URUKIKO [30] Rwemeje ko ubujurire bwatanzwe na Habumuremyi Decro Patrice bufite ishingiro kuri bimwe. [31] Rwemeje ko imikirize y’urubanza RPA 00342/2018/HC/MUS rwaciwen’Urukiko Rukuru, Urugereko rwa Musanze kuwa 04/03/2019 ihindutse kubirebana n’igihano. [32] Rwemeje ko Habumuremyi Decro Patrice ahanishwa igihano cy’igifungocy’imyaka (20), aho kuba igihano cy’igifungo cy’imyaka makumyabiri n’itanu (25) yari yahanishijwe mu rubanza yajuririye.