RWANDA MEDICAL SUPPLY v MUJAWAYEZU

# RWANDA MEDICAL SUPPLY v MUJAWAYEZU

- Source: Amategeko - Section: Decisions (Judgements) - Date: 2024-11-30 - Case/document no.: RSOCA 00201/2023/HC/KIG - Collection: High Court

## Text

## Page 1

RWANDA MEDICAL SUPPLY v MUJAWAYEZU [Rwanda URUKIKO RUKURU - RSOCA 00201/2023/HC/KIG (Maneza, P.J.) 30 Ukwakira 2024] Amategeko agenga imanza z’umurimo – Iseswa ry’amasezerano y’umurimo – Iseswa ry’amasezerano y’umurimo ritangirwa integuza - Nubwo umukozi yaba asezerewe mu buryo bukurikije amategeko bitewe n’impamvu z’ubukungu cyangwa amavugurura mu kigo, agomba guhabwa imperekeza n’integuza, igihe atabihawe, abihererwa indishyi. Incamake y’ikibazo: Uru rubanza rwatangiriye mu Rukiko rwisumbuye rwa Gasabo, Mujawayezu arega Rwanda Medical Supply Ltd (RMS) kumwirukana mu buryo bunyuranije n’amategeko, ntiyahabwa imperekeza, integuza ndetse n’icyemezo cy’umukoresha wa nyuma. Urukiko rwasanze ikirego cye gifite ishingiro kuri bimwe rutegeka uregwa kumuha indishyi. Uregwa yajuririye icyo cyemezo mu Rukiko Rukuru, hasuzumwa ikibazo cyo kumenya niba impamvu y’ubujurire yatanzwe na Rwanda Medical Supply Ltd yuko hatagomba gutangwa indishyi z’imperekeza n’integuza muri uru rubanza bifite ishingo. RMS isobanura ko Urukiko rwismbuye rwemeje ko urega atirukanwe mu buryo bunyuranije n’amategeko ariko rubirengaho rumugenera indishyi z’integuza ndetse n’imperekeza. Akaomeza avuga ko izo ndishyi zitari zikwiye kuko yasezerewe muri gahunda y’ivugurura ariko aza kwimukira mu kindi kigo cya Leta akaba ataragombaga guhabwa imperekeza. Mujawayezu we avuga ko kuba harabayehoi gusesa amasezerano ari impamvu ituma habaho gutanga imperekeza n’integuza kuko gusesa amasezerano bitandukanye no guhuza ibigo. Incamake y’icyemezo: Nubwo umukozi yaba asezerewe mu buryo bukurikije amategeko bitewe n’impamvu z’ubukungu cyangwa amavugurura mu kigo, agomba guhabwa imperekeza n’integuza, igihe atabihawe, abihererwa indishyi. Ubujurire nta shingiro bufite. Amategeko yashingiweho: Itegeko No 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi, ingingo ya 12. Nta manza zifashishijwe Urubanza I.IMITERERE Y’URUBANZA

## Page 2

[1] Uru rubanza rwatangiriye mu rukiko rwisumbuye Mujawayezu Beatrice yararegeye kwirukanwa mu buryo bunyuranije na mategeko aho yasobanuraga ko Rwanda Medical Supply Ltd mu izina ry’umuyobozi wayo yamwirukanye mu buryo bunyuranije n’amategeko kuko batagaragaje icyashingiweho bamwurukana baterekana ikosa yakoze ryatuma yirukanwa mu buryo bunyuranije na mategeko akaba yari yabisabiye indishyi zo kwirukanwa muri ubwo buryo no guhabwa integuza ndetse ni mperekeza hamwe ni ndishyi zo kudahabwa icyemezo cy’imirimo hamwe ni ndishyi zo gushorwa mu manza n’igihembo cy’Avocat aho iki kigo RMS LTD cyo cyasobanuye ko izi ndishyi zose asaba atazihabwa kubera ko yirukanywe mu buryo bukurikije amategeko; [2] Urukiko rwisumbuye rwa Gasabo rukaba rwarashingiye ku bimenyetso bashikirijwe rwemeje ko ikirego cya Mujawayezu Beatrice gifite ishingiro kuri bimwe. Rwemeje ko Mujawayezu Beatrice atasezerewe mu kazi mu buryo bunyuranyije n’amategeko nk’uko yabiregeye. Rwemeje ko ikirego kiregera kwiregura cyatanzwe na Rwanda Medical Supply Ltd nta shingiro gifite. Rutegetse Rwanda Medical Supply Ltd guha Mujawayezu Beatrice indishyi z’integuza, n’imperekeza zingana n’amafaranga y’u Rwanda ibihumbi Magana arindwi na mirongo itatu na bine na Magana ane (734.400Frw). Rutegetse Rwanda Medical Supply Ltd kwishyura Mujawayezu Beatrice amafaranga y’u Rwanda ibihumbi magana atanu (500.000Frw) y’igihembo cy’avoka, n’ibihumbi ijana (100.000Frw) y’ikurikiranarubanza. Rutegetse Rwanda Medical Supply Ltd kwishyura Mujawayezu Beatrice amafaranga y’u Rwanda ibihumbi makumyabiri (20.000Frw) yatanzeho ingwate y’igarama, uru rubanza rukiba ndakuka itahita iyamuha agakurwa mu byayo ku ngufu za Leta; [3] Rwanda Medical Supply Ltd ntiyishimiye imikirize y’uru rubanza hanyuma ararujuririra mu rukiko rukuru ruhabwa numero kuri RCA 00201 /2023/HC/KIG ruhabwa nitariki yo kuburanishirizwaho aho bari bajuriye bavuga ko basaba urukiko rukuru rwasuzuma uburyo urukiko rwisumbuye rwemeje ko Mujawayezu atirukanywe mu buryo bunyuranije na mategeko ariko rukamugenera indishhyi zitandukanye zihwanye na mafaranga bashize mu mwanzuro bakaba bumva barirengagije ibimenyetso byuko atirukanywe mu buryo bunyuranije bakabaye bataramugeneye nizo ndishyi; [4] Mujawayezu Beatrice we akaba agaragaza ko ibyo Rwanda Medical Supply Ltd igaragaza mu bujurire nta shingiro ryabyo kandi ko nawe yuririye kuri ubwo bujurire bwabo agaragaza ko urukiko rwamurenganyije nta kuntu bakwemeza ko yirukanywe mu buryo bukurikije amategeko ngo ni rurangiza ruvuge ko atahawe imperekeza ni nteguza aha nawe akaba asanga urukiko rwaramurenganyije kuko kuba barabonye ko atahawe Integuza ni mperekeza ibi byerekana ko aruko bari bemeye neza ko yirukanywe mu buryo bunyuranyije na mategeko

Ikigomba gisuzumwa muri uru rubanza ni ukumenya niba impamvu y’ubujurire yatanzwe na Rwanda Medical Supply Ltd yuko hatagomba gutangwa indishyi z’imperekeza n’integuza muri uru rubanza niba bifite ishingo;

No kumenya nimba ubujurire bwa Mujawayezu Beatrice bufite ishingiro;

No kumenya nimba indishyi zatanzwe zitaragomba ga gutangwa.

## Page 3

II.IBIBAZO BIGIZE URUBANZA N’ISESENGURWA RYABYO

Kumenya niba impamvu y’ubujurire yatanzwe na Rwanda Medical Supply Ltd yuko hatagomba gutangwa indishyi z’imperekeza n’integuza muri uru rubanza niba bifite ishingo

[5] Ku munsi w’iburanisha ry’uru rubanza ababuranyi baribitabye aho Rwanda Medical Supply Ltd yari ihagarariwe na Me Ntirushwamaboko Aloys aho basobanuye ko basanga Urukiko rwisumbuye rwemeje ko Mujawayezu atasezerewe mu buryo bunyuranije n'amategeko,ahubwo bategeka ko hari amafaranga y'imperekeza ndetse n'integuza yagombaga guhabwa ko iyo urukiko ruza kwemeza ko yirukanywe kubera amavugurura, amategeko ntabwo mubyo yari kugenerwa amafaranga y'integuza, bakaba basaba ko mubyo yagenewe amafaranga y'nteguza yavanwamo; [6] Mu myanzuro yabo kandi bagaragaje ko Kuba ari umukozi wa Leta maze Akarere kakaba karamuhaye umwanya mu kindi kigo cya Leta ntabwo yari kugenerwa imperekeza na RMS Ltd kuko ikigega kimwishyura ninacyo cyakomeje kumwishyura aho yashyizwe mu kazi dore ko amabwiriza ya ministri mu ngingo yayo ya 5 twagaragaje imperekeza zavaga mu kigega cyahembaga abo bakozi kuva na mbere, tukaba tubona ntaho twari guhera tumuha imperekeza kandi we yarabonye umwanya mu kindi kigo cya Leta kandi agikorera akarere kamuhaye akazi "the terminal benefits will be borne by the same source which was funding the salary of the public servant". Bityo turasaba ko indishyiz zose yagenewe zakurwaho kuko zatanzwe mu buryo bunyuranyije n’amategeko. [7] Mujawayezu Beatrice akaba yaraburanye yunganiwe na Me Ndacyayisenga akaba yarasobanuye ko asaba ko ibyo basaba bitahabwa agaciro kuko umucamanza wa mbere yarabisobanuye, kuri page ya 7 agace ka 20 aho yagaragaje ko kuba harabayeho gusesa amasezerano bituma habaho no gutanga integuza ndeste n'imperekeza bitandukanye nibyo RMS ivuga. Mwibaruwa isesa amasezerano RMS yamwandikiye ibaruwa isesa amasezerano hagati y’uwo ahagarariye na RMSC, bikaba ari ugusesza amasezrano atari uburyo bwo guhuza ibigo, murubanza rujuririrwa agace 12 na 18 ko Ku mperekeza biri muri 24 kugeza kuwa 31 umucamanza yarabisobanuye. Ko kandi Ibindi biri mumwanzuro hari n'ikirego cyuririye ku cyabo [8] Mu myanzuro yabo Mujawayezu yasobanuye ko ikigaragaza ko Mujawayezu Beatrice yirukanywe mu buryo no mu nzira binyuranyije n’amategeko ni uko urukiko kuri point ya 24-31 rwemeje ko nta mperekeza yahawe mu gihe yirukanwaga , iki nacyo akaba ari ikimenyetso cy’uko yirukanywe mu buryo budakurikije amategeko, rero Umucamanza yaravuze ko Mujawayezu Beatrice atatanze ibimenyetso byo kwirukanwa binyuranyije n’amategeko kandi yarabonaga ko yirukanywe adahawe integuza , akirukanwa adahawe imperekeza, ibi ubwabyo birahagije ngo ukorewe ibikorwa nk’ibi byemejwe b’urukiko abe yirukanywe mu buryo budakuriije amategeko , rero uru rukiko rwajuririwe rwemeze ko Mujawayezu Beatrice yirukanwe mu buryo budakurikije amategeko rumugenere n’indishyi zabyo atahawe mu Rukiko rwisumbuye kuko yarenganyijwe;

## Page 4

UKO URUKIKO RUBIBONA [9] Urukiko rusanga Rwanda Medical Supply Ltd ivuga ko urukiko rwirengagije amategeko ruvuga ko Mujawayezu atirukanywe mu buryo bunyuranije na metegeko ariko rukaba rwaremeje ko agomba guhabwa Imperekeza ndetse rukaba rwaramugeneye n’integuza kandi bamaze kwemeza ko atirukanwe mu buryo bunyuranyije n’mategeko naho Mujawayezu nawe agasobanura ko basanga ahubwo nawe abona ko urukiko rwakoze amakosa kuko rwemeje ko ahabwa izi mperekeza ndetse n’integuza kuko babona ko yirukanywe mu buryo bunyuranije na mategeko akaba yumva impamvu z;ubujurire zabarega nta shingiro kuko nu bundi ibyo batamuhaye nawe abisaba ku bujurire; [10] Ingingo ya 12 y’itegeko No 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi aho iteganya ko Urega agomba kugaragaza ibimenyetso by’ibyo aregera. Iyo abibuze, uwarezwe aratsinda. Kuba batabasha kugagaza ibimenyetso byibyo baregera; [11] Urukiko rusanga muri uru rubanza nubwo RWANDA Medical Supply Ltd ivuga ko uregwa atagombaga guhabwa imperekeza ndetse n’integuza mu gihe atirukanywe mu buryo bunyuranije n’ amategeko aha urukiko rusanga ibi byarasobanuwe bihagije mu mikirize y’uru rubanza aho mu gika cyaha 25 na 26 Iyi ngingo yerekana impamvu zituma imperekeza itangwa iyo habayeho gusesa amasezerano bikozwe n’umukoresha, ndetse yerekana n’uburyo izo mperekeza zitangwa bitewe n’uburambe umukozi yarafite mu kigo. Dosiye y’urubanza igaragaza ko ku wa 14/05/2021 Rwanda Medical Supply Ltd yandikiye Mujawayezu Beatrice imumenyesha ko amasezerano y’umurimo asheshwe bitewe n’impamvu y’amavugurura (Termination of your employment contract due to the restructuring of District Pharmacies).ibi byasobanuwe muri ibi bika byagaragaza ga uburyo imperekeza yatangwa kabone nubwo urega atirukanywe mu buryo bunyuranije; [12] Urukiko rusanga na none ni bijyanye no kuba yarahawe Integuza nabyo urukiko rwabisobanuye mu mikirize yarwo kabone nubwo bari bemeje ko atirukanywe mu buryo bwemewe n’amategeko aha naho hasobanuwe ko izo Nteguza zitangwa nubwo umuntu yaba yirkanywe mu buryo bukurikije amategeko kuko uyu aba agomba guteguzwa nkuko byasobanuwe guhera mu gika cya 17 na 18 na 19 na 20 aho muri iki gika aho umucamanza yavuze ko Urukiko rurasanga Urega avuga ko nta nteguza yahawe mbere yo kwirukanwa, n’uburanira Rwanda Medical Supply Ltd mu kwiregura akavuga ko impamvu Mujawayezu Beatrice atahawe integuza mu mafaranga nk’abandi basezerewe ni uko akarere ka Rutsiro kamusubije mu mwanya yakoragamo mbere mu bitaro bya Murunda, ibyo rero bigaragaza ko atarahawe integuza kandi yari ayikwiye kuko yasezerewe nk’uko inyandiko isesa amasezerano yo ku wa 14/05/2021 ibigaragaza, bityo Rwanda Medical Supply Ltd igomba kubitangira indishyi zingana n’umushahara w’ukwezi kumwe (1) wa Mujawayezu Beatrice ungana na 244.800Frw; [13] Urukiko rusanga ibi byarasobanuwe ku buryo bugaragara muri iki gika kuba yahabwa Integuza akanahabwa imperekeza ibi ntibikuraho kuba yaba yarirukanyw e mu buryo bukurikije amategeko kuko amategeko ajyanye no gusezererwa mu kazi yaba barayujuje ariko mubyo yemererwa na mategeko hakaba haribyo aba ataragenewe muri icyo gihe cyo gusezererwa urukiko rusanga ibyo bitabujijwe ko abigenerwa nkuko amategeko abiteganya kuba wakwirukana umuntu ugaragaza icyumwirukaniye ni kimwe ikindi kikaba kuba ugomba kumuha ibyo amategeko

## Page 5

amwemerera mbere yuko umwirukana urukiko rero Rusanga nubwo yari yirukanywe nkuko amategeko abiteganya yagomba ga no guhabwa izo mperekeza ndete n’integuza urukiko rero rusanga iyo atari inenge yaba yarakozwe muri uru rubanza; [14] Urukiko rusanga muri uru rubanza ku bujurire bw’uririye ku bundi bwa Mujawayezu aho avuga ko nawe yahise ajurira agaragaza ko nawe ansanga yarirukanywe mu buryo bunyuranije na mategeko kuko bemeye kumuha imperekeza n’integuza ibi bigaragara ko bemera amakosa yo kuba baramwirukanye urukiko rusanga nkuko byasobanuwe bigaragara ko kuba yarazihawe ibi bitavuga ko yirukanyw emu buryo budakurikije amategeko ko ahubwo ibi aribyo yemererwa na mategeko mu gihe yasezerewe kuba barabimuhaye aruko basanga atari yarayahawe aha rero basobanuye neza uburyo bwakoresheje kugira ngo abe yarirukanywe cyangwa yarasezerewe muri ubwo buryo kuko bagiye basobanura neza ibyagiye bishingirwaho kugera ngo agree aho asezererwa aha urukiko rusanga atabashije kuvuguruza ibyasobanuwe muri uru rubanza nkuko biri mu gika cya 12 na 13 by’uru rubanza, urukiko rero rusanga byarasobanuwe ku buryo buhagije bakaba batabashije kubivuguruza uwajuriye yuririyekubujurire bwabandi uyu Mujawayezu akaba atavuga ko umucamanza yaba yaribeshe kuko byasobanuwe neza mu buryo buhagije; [15] Urukiko rusanga na none ku bijyaye ni ndishyi zasabwe muri uru rubanza aho buri ruhande rwasabye amafaranga y’ikurikiranarubanza aho bavuga ko RMS Ltd yashoyewe mu manza ikaba ibisabira indsihyi zose hamwe zihuye 1,000,000 Frw kuri buri rwego naho Mujawayezu avuga ko Aya mafranga ntayo bahabwa kuko nibo bishoye mu manza nta mpamvu kandi bazi neza ko bamwirukanye mu buryo bunyuranyije n’amategeko aho nabo basaba guhabwa indishyi bavuga ko Mujawayezu Beatrice RWANDA MEDICAL SUPPLY LTD yategekwa guha Mujawayezu Beatrice amafranga y’ikurikiranaubanza 1.000.000F n’igihembo cy”avoka 1.000.000F yo kumushora mu manza nta mpamvu. [16] Urukiko rusanga ibyo bavuga basaba indishyi kuri uru rwego urukiko rusanga mu bushishozi bw’urukiko rusanga ku mpande zombi nta ndishyi bagenewe mu gihe bigaragara ko impamvu zabo z’ubujurire zitahawe ishingiro yaba impamvu za RWANDA MEDICAL SUPPLY LTD ndetse ni mpamvu za Mujawayezu zuririye kuzabareze nawe zitarahawe ishingiro kabone nubwo impande zose zari zunganiwe;

III. ICYEMEZO CY’URUKIKO

[17] Rwemeje ko ikirego cy’ubujurire cyatanzwe na Rwanda Medical Supply Ltd nta shingiro gifite; [18] Rwemeje ko ubujurire bwuririye ku bundi bwatanzwe na Mujawayezu Beatrice nta shingiro ryabwo; [19] Rwemeje ko Rwanda Medical Supply Ltd yirukanye Mujawayezu Beatrice mu buryo bukurikije amategeko; [20] Rwemeje ko imikirize y’urubanza RSOC 00140/2022/TGI/GSBO

ntacyo ihindutseho mu ngingo zarwo zose;

## Page 6

[21] Rutegetse ko nta mafaranga y’ikurikiranarubanza atanzwe mu bujurire muri uru rubanza; [22] 22. Rutegetse ko amagarama y’urubanza yatanzwe ahwanye n’ibyakozwemo.