SHIMA TRAVEL AGENCY LTD v. BYABAGABO

# SHIMA TRAVEL AGENCY LTD v. BYABAGABO

- Source: Amategeko - Section: Decisions (Judgements) - Date: 2016-11-11 - Case/document no.: RCOMA 00427/2016/CHC/HCC - Collection: Commercial High Court

## Text

## Page 1

SHIMA TRAVEL AGENCY LTD v. BYABAGABO [Rwanda URUKIKO RUKURU RW’UBUCURUZI – RCOMA 00427/2016/CHC/HCC (MUTAJIRI M, P.J.,) 11 Ugushyingo 2016] Amategeko agenga imiburanishirize y’imanza z’ubucuruzi – Kutubahiriza amazerano yo gutwara abantu mu ndege – Uburyozwe – Kurega utaragombaga kuregwa – Urregwa ku girango aryozwe iby’ukutubahiriza amasezerano y’ubwikorezi mu ndege ni utararubahirije amasezerano y’ubwikorezi utarubahirije amasezerano bityo akaba ari nawe uregwa – Itegeko N° 21/2012 ryo kuwa 14/06/2012 ryerekeye imiburanishirizey’imanza z’imbonezamubano, iz ubucuruzi, iz’umurimo n’iz’ubutegetsi, ingingo ya 9. Indishyi – Indishyi z’ikurikiranarubanza n’igihembo cy’Avoka – Uwarezwe agomba kuzihabwa kuko adafite aho ahuriye n’ikiburanwa – Amabwiriza ya Perezida w’Urukiko rw’Ikirenga N° 002/2015 yo ku wa 18/05/2015 agenga imiburanishirize y’imanzaz’imbonezamubano, iz’ubucuruzi, iz’umurimo n’iz’ubutegetsi, ingingo 21. Incamake y’ikibazo: Mu gihe Byabagabo Etienne yiteguraga urugendo rwerekezaga TRINIDAD and TOBOCO, yagiranye amasezerano na SHIMA TRAVEL AGENCY Ltd yo kumushakira itike. Iyi sosiyete isanzwe ikorana na KLM. SHIMA TRAVEL AGENCY Ltd nta matike ya KLM yari ifite. Yaje ariko kuyibona ibicicshije mu yindi Agence yitwa CHRLESTONE TRAVEL RWANDA Ltd. Amafaranga yose y’urugendo yanganaga na 2745$. Ku mpamvu ze ariko yaje kwimura urugendo bituma ikiguzi cy’itike kizamuka kigera ku 2889.35$. Nyuma KLM yanze kumutwara bituma Byabagabo Etienne arega SHIMA TRAVEL AGENCY Ltd mu Rukiko rw’Ubucuruzi asaba gusubizwa ayo madorari yakoresheje agura iyo tike. Urwo Rukiko rwategetse ko ayasubizwa koko hiyongereyeho n’ibindi bihombo byose yagize. SHIMA TRAVEL AGENCY Ltd yajuririye Urukiko Rukuru rw’Ubucuruzi ivuga ko nta ruhare yagize mu ishyirwa mu bikorwa ry’amasezerano y’ubwikorezi yari hagati ya KLM na Byabagabo Etienne ku buryo yari gutegekwa kwishyura ayo madorari no gutanga indishyi. Uburanira Byabagabo yasubije ko SHIMA TRAVEL AGENCY Ltd ariyo yakiriye amafaranga maze imishakira itike iranayimushikiriza ariko ku munsi w’urugendo KLM imubwira ko itajya muri TRINIDAD and TOBOCO. Yamubwiye ko bamuhangitse. Yavuze ko nta masezerano yabaye hagati ya Byangabo Etienne na KLM. Incamake y’icyemezo: 1. Urega agomba kugaragaza ibiminyetso by’ibyo aregera. Iyo abibuze, uwarezwe aratsinda kandi iyo urukiko rusanze uwatanze ikirego yarareze udafite aho ahuriye n’ ikiburanwa rwakira ikirego, rukavuga ko uwareze atsinzwe no kuba yarareze uwo atagombaga kurega. Kuba yabagabo Etienne ataburanisha ko yagurishijwe itike y’impimbano kuko nta kibigaragaza kandi amakosa yakozwe n’isosiyete igurisha amatike y’indege bukaba bugomba gutangirwa ibimenyetso, kuba KLM yemera ko Charleston Travel Lt ari yo yonyine yemerewe kugurisha amatike yayo no kuba SHIMA TRAVEL AGENCY Ltd yaraguze ayo matike na Charleston Travel Lt kandi yari izi neza ko KLM ikorera ingendo muri TRINIDAD and TOBOCO bigaragaza ko SHIMA TRAVEL AGENCY Ltd yakoze inshingano zayo ikaba

## Page 2

itagomba kuryozwa ibibazo byavutse mu kumutwara dore ko na KLM yemera ko Byabagabo Etienne yagurishijwe itike yayo. Bityo rero harezwe utaragombaga kuregwa kuko hagombaga kuregwa KLM yakiriye amafaranga y’ubwikorezi yarangiza ntikore inshingangano zayo. 2. Kuba uwarezwe mu bujurire hari amafaranga y’ikurikiranarubanza n’ay’igihembo cy’Avoka yatakaje ku rwego rubanza ndetse no mu bujurire bigaragaza ko akwiye guhabwa amafaranga y’ikurikiranarubanza n’igihembo cy’Avoka. Ubujurire bufite ishingiro. Uwatangije ikirego yareze uwo atagombaga kurega. Urubanza rwajuririwe ruhindutse kuri byose. Uwarezwe mu bujurire ategetswe kwishyura indishyi z’ikurikiranarubanza n’igihembo cy’Avoka. Ategetswe kandi kwishyura igarama ry’urubanza. Nta manza zifashishijwe. Amategeko yashingiweho Itegeko N° 21/2012 ryo kuwa 14/06/2012 ryerekeye imiburanishirizey’imanza z’imbonezamubano, iz’ubucuruzi, iz’umurimo n’iz’ubutegetsi, ingingo ya 9. Amabwiriza ya Perezida w’Urukiko rw’Ikirenga N° 002/2015 yo ku wa 18/05/2015 agenga imiburanishirize y’imanzaz’imbonezamubano, iz’ubucuruzi, iz’umurimo n’iz’ubutegetsi, ingingo 21. Urubanza I. IMITERERE Y’URUBANZA [1] Me NIYONDORA NSENGIYUMVA uburanira SHIMA TRAVAL AGENCY Ltd asobanura ko ubwo BYABAGABO Etienne yajyaga muri TRINIDAD and TOBOCO yegereye SHIMA TRAVEL AGENCY Ltd nka sosiyete isanzwe ikora akazi ko gushakira amatike abagenzi batandukanye bakoresha ingendo zo mukirere. SHIMA TRAVEL AGENCY Ltd isanzwe ikorana na KLM, ariko nta tike za KLM yari ifite ahubwo yamushakiye tike ya KLM binyuze ku yindi Agence yitwa CHRLESTONE TRAVEL RWANDA Ltd. [2] Nyuma yo guhabwa iyo tike, BYABAGABO Etienne ngo akaba yaragombaga kugenda kuwa 12/6/2016, amaze kwishyura 2745$, SHIMA yishyura komisiyo ya 278$, agence yaguzeho tike naho komisiyo ya SHIMA ikaba ingana na $437. [3] BYABAGABO Etienne ngo akaba yaraje guhindura urugendo ku mpamvu ze bituma arushyira kuwa 15/6/2016 acibwa amafaranga y’inyongera anga na 146$ harimo na SHIMA TRAVEL AGENCY Ltd v BYABAGABO Etienne komisiyo, bituma igiciro cyose kiba $2889.35. SHIMA TRAVEL AGENCY Ltd yamutangiye ayo mafaranga ariko yagombaga kuyasubiza.

## Page 3

[4] BYABAGABO Etienne avuga ko ageze ku kibuga cy’indege abakozi ba KLM bamubwiye ko batajya muri TRINIDAD and TOBOCO ariko bamwemerereye kumusubiza amafaranga yatanze. Ngo nubwo nta gihamya ko ariyo mpamvu yatumye batamujyana, ariko ngo nubwo byaba ukuri, icyumvikana ngo akaba ari uko KLM itubahirije amasezerano y’ubwikorezi kuko yemera ko yari yamaze kwakira amafaranga ya BYABAGABO Etienne. [5] Nyuma yo gushakira BYABAGABO Etienne tike, akazi ka SHIMA TRAVEL AGENCY Ltd kari karangiye, hagasigaye amasezerano y’ubwikorezi kuva Kigali kugera aho BYABAGABO Etienne yagombaga kujya kandi ngo ibyo bikaba ntacyo birebaho SHIMA TRAVEL AGENCY Ltd. [6] Byabagabo Etienne yareze SHIMA Travel Agency Ltd asaba gusubizwa amafaranga angana na $2,889.35 avuga ko yishyuye ngo kuko KLM yanze kumutwara ku mpamvu kugeza ubu zitigeze zisobanurwa. Ngo KLM ikaba itarigeze yerekana ko nta masazerano y’ubwikorezi ifitanye na BYABAGABO Etienne, cyane cyane ko nyuma yo gutanga tike, ikiguzi cy’ubwikorezi gishikirizwa umwikorezi ariwe KLM. [7] Urukiko rw’ubucuruzi rwa Nyarugenge mu guca urubanza rukaba rwaremeje ko SHIMA TRAVEL AGENCY Ltd igomba gusubiza BYABAGABO Etienne amadorari y’ikiguzi cy’ubwikorezi ndetse n’ibindi bihombo byose yagize. [8] Shima Travel Agency Ltd ikaba itarishimiye imikirize y’urubanza ijurira ivuga ko yategetswe kwishyura no gutanga indishyi kandi nta ruhare ifite mu rwego rwo gushyira mu bikorwa amasezerano y’ubwikorezi hagati ya BYABAGABO Etienne na KLM. [9] Muri uru rubanza hakaba hagomba gusuzumwa niba SHIMA TRAVEL AGENCY Ltd ariyo igomba kuryozwa ingaruka zo kutubahiriza amasezerano y’ubwikorezi ndetse no kureba niba hari ikosa SHIMA TRAVEL AGENCY Ltd yakoze ryatuma iryozwa indishyi ndetse n’ibindi bihombo Byabagabo Etienne aregera,gusuzuma amafaranga yishyuwe na BYABAGABO Etienne (à titre subsidiaire) no gusuzuma niba BYABAGABO Etienne yategekwa kwishyura indishyi z’ikurikiranarubanza n’igihembo cya avoka no gusuzuma niba ubujurire bwuririye ku bundi bwa BYABAGABO Etienne bufite ishingiro. II. ISESENGURA RY’IBIBAZO A. Ku birebana no gusuzuma niba SHIMA TRAVEL AGENCY Ltd ariyo igomba kuryozwa ingaruka zo kutubahiriza amasezerano y’ubwikorezi ndetse no kureba niba hari ikosa Shima Travel Agency yakoze ryatuma iryozwa indishyi ndetse n’ibindi bihombo BYABAGABO Etienne aregera [10] Me NIYONDORA NSENGIYUMVA asobanura ko uwagombaga gushyira mu bikorwa amasezerano y’ubwikorezi ari KLM kandi yemera ko yakiriye ikiguzi ndetse BYABAGABO Etienne ngo avuga ko KLM yemeraga kumusubiza icyo kiguzi cy’ubwikorezi, byumvikane ko KLM ariyo yishe amasezerano y’ubwikorezi. [11] SHIMA TRAVEL AGENCY Ltd ikaba ngo yari ifite amasezerano yo gushyakira BYABAGABO Etienne tike yujuje ubuziranenge kandi ngo ikaba yarabikoze, umwikorezi nawe

## Page 4

ngo akaba atarigeze avuga ko adakorera muri icyo gihugu. Iyo biza kuba ariko biteye ntabwo tike y’indege yatangwa online system. [12] Akomeza avuga ko hashingiwe kungingo ya 64 y’itegeko n˚45/2011 rigenga amasezerano, asanga ingaruka zo kutubahiriza amasezerano y’ubwikorezi zigomba kuryozwa umwikorezi, ngo kuko ariwe wari ufite inshingano zo gutwara BYABAGABO Etienne akamugeza mugihugu ajyamo. [13] Asobanura ko mu gika cya 9 cy’urubanza, urukiko ruvuga ko SHIMA TRAVEL AGENCY Ltd itubahirije amasezerano nyamara ntiruvuge ayo masezerano, cyane ko na BYABAGABO Etienne atabasha kwerekana ayo masezerano. Nanone kandi muri icyo gika, urukiko ruvuga ko ayo masezerano aseswa, nyamara rukirengagiza ko SHIMA TRAVEL AGECNY Ltd yakoze akazi ko gushaka tike ya KLM iyishyikiriza BYABAGABO Etienne. [14] Kuva KLM imaze kwakira ikiguzi cy’ubwikorezi, amasezerano ayihuza na BYABAGABO Etienne ngo akaba ari ay’ubwikorezi, bityo akaba ntaho ahuriye na SHIMA TRAVEL AGENCY Ltd. Asaba ko urukiko rwazashingira ku ngingo ya 21 y’itegeko ryo kuwa 19/1/1920 ryerekeye intumwa mubucuruzi n’abikoirezi (decret sur les commissionaires at transporteurs). [15] Mu gika cya 13 cy’urubanza, urukiko ngo rwashingiye ku ngingo ya 318 CCLIII, rushaka kumvikanisha ko habayeho inenge kucyagurishijwe (vice caché). Nyamara nta masezerano y’ubugure yabayeho ahubwo hari amasezerano ya commission hagati ya SHIMA Travel Agency Ltd na BYABAGABO Etienne, ni kuvuga kumushakira tike mu masosiyete y’ubwikorezi harimo na KLM. Urukiko ngo rukaba rwarititranije amasezerano y’ubugure (contrat de vente) n’amasezerano y’intumwa mu bucuruzi (commission) n’amasezerano y’ubwikorezi (contrat de transport). [16] Amasezerano ya kabiri ajyanye n’ubwikorezi ari hagati ya KLM na BYABAGABO Etienne, ari nayo atarubahirijwe. Ikosa ryo kugurisha ikintu gifite inenge nta ryabayeho. Mu gika cya 14, Urukiko ngo rukaba rwarongeye rukavuga ko SHIMA TRAVEL AGENCY Ltd nk’umucuruzi wabigize umwuga agomba gutanga amakuru ahagije ku cyagurishijwe (obligation d’information), nyamara nta masezerano y’ubugure ari muri iki kibazo. 17. Indishyi zose zivugwa mugika cya 16, 17 na 18 ngo zikaba nta shingiro zifite kuko SHIMA Travel Agency Ltd nta kosa yakoze rijyanye no gushyira mu bikorwa amasezerano y’ubwikorezi. Indishyi zikurkirana rubanza n’igihembo cya avoka zose zigomba kuvanwaho, kuko zishingiye ku ikosa ritagomba kuryozwa Shima Travel Agency Ltd. [17] Me NKANIKA Alimasi uburanira BYABAGABO Etienne asobaura ko nk'uko bikubiye mu tike yaguzwe kuri SHIMA TRAVEL AGENCY Ltd ubwo BYABAGABO Etienne yashakaga kujya muri TRINADAD And TOBACO, iyi agence ubwayo niyo yakiriye amafaranga, irangije imuha itike, ageze ku kibuga cy'indege bamubwira ko KLM idashobora kumutwara kubera ko bamuhangitse itike, ko iyo bamuhaye KLM idashobora kumutwara, akaba ngo nta masezerano BYABAGABO Etienne yagiranye na KLM, ahubwo yayagiranye na SHIMA TRAVEL AGENCY yo yishyuye amafaranga bakaba bemera no kuyamusubiza uretse ko bashaka kumukatamo ayakamama.

## Page 5

[18] Akomeza avuga ko niba SHIMA TRAVEL AGENCY isanga ari KLM yakoze amakosa yayirega cyangwa ikayigobokesha ariko BYABAGABO Etienne ngo we akaba yarareze uwo yishyuye ari nave bagiranye amasezerano kumugurisha itiki. Ikibazo ngo akaba atari uko indege yamusize ahubwo nuko yanze kumutwara bitewe nuko bamuhaye itike yaho iyo ndege itagera bagamije indonke yabo bonyine, batitaye ku nyungu z'umugenzi, bityo ngo akaba nta wundi waryozwa iryo kosa uretse SHIMA Travel Agency yemeye kwakira amafaranga y'umukiliya, izi neza ko indege itari bwemere kumutwara. [19] Asoza asobanura ko SHIMA TRAVEL AGENCY Ltd yiregura yiyibagiza ibyo yemeye iburana mu rwego rwa mbere, ngo kuko yiyemereye ko habayeho amasezerano y'ubugure bw'itike y'indege, inemera gusubiza ayo mafaranga ariko ikasemo make nkaho hari ikosa BYABAGABO Etienne yakoze ryatuma akatwa amafranga yishyuye yose agahabwa igice cyayo. [20] Inenge ya mbere ikomeye ihari ngo akaba ari ukwemera nk'umucuruzi w'abigize umwuga kugurisha umuturage itike y'indege izi neza ko itari bumutware, hejuru yibyo ikanga no kumusubiza amafaranga ye kandi yabanje kumutakambira mbere yo kurega. [21] Kuwa 07/09/2015 SHIMA TRAVEL AGENCY yandikiwe isabwa gusubiza BYABAGABO Etienne amafaranga, iranga kugeza ubwo imenyeshejwe umwanzuro ko igiye kuregwa, kuwa 06/06/2016 mu iburanisha aba aribwo bashyikiriza BYABAGABO Etienne ibaruwa imubwira ko yemera kumusubiza $2,563 gusa ngo havuyemo ama commissions, aha ukibaza aka karengane icyo gashingiyeho bakatuyobera. [22] Me NIYONDORA NSENGIYUMVA avuga ko ibivugwa na mugenzi we ko SHIMA TRAVAL yemera gusubiza amadorari ataribyo kuko KLM yamaze kuyasubiza ariko ibikora imaze kumukuraho charges isubiza 2,637$, kuberako reclamation yakozwe kuri SHIMA TRAVEL AGENCY mu gusubiza ayo madorari akaba yaracishijwe kuri SHIMA TRAVEL AGENCY Ltd kuko arinaho yari yaturutse. [23] Ku kibazo cy’uko SHIMA TRAVEL AGENCY Ltd ari umucuruzi wa tike, avuga ko aribyo ko ariko yo icyo iba igamije ari commissions ikura ku matike yagurishije. [24] SHIMA TRAVEL AGENCY Ltd ikaba yaranandikiye KLM, KLM isubiza ko yaje gusanga hari conditions atujuje. UKO URUKIKO RUBIBONA [25] Ingingo ya 9 itegeko N° 21/2012 ryo kuwa 14/06/2012 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi iteganya ko Urega agomba kugaragaza ibiminyetso by’ibyo aregera. Iyo abibuze, uwarezwe aratsinda.’’27. Ingingo ya 21 y’ Amabwiriza ya Perezida w’Urukiko rw’Ikirenga N° 002/2015 yo ku wa 18/05/2015 agenga imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi iteganya ko ‘’Iyo urukiko rusanze uwatanze ikirego yarareze udafite aho ahuriye n’ ikiburanwa rwakira ikirego, rukavuga ko uwareze atsinzwe no kuba yarareze uwo atagombaga kurega’’

## Page 6

[26] Urukiko rusanga ibivugwa na Me NKANIKA Alimasi ko SHIMA TRAVEL AGENCY Ltd itubahirije amasezerano yagiranye na BYAGABABO Etienne, ashaka kugaragaza ko yamugurishije itike y’indege y’impimbano bitahabwa ishingiro kuko, usibye no kuba nta kimenyetso agaragaza ko iyo tike ari impimbano, uburyozwe bw’amakosa yakozwe na sosiyete igurisha amatike y’indege bugomba kutangirwa ibimenyetso (prouver la faute), ibi bikaba bihura n’ibyemejwe n’Urukiko rusesa imanza rwo mu Bufaransa ku kibazo gisa n’iki ( 06-18.510 Arrêt n° 1140 du 30 octobre 2007 Cour de cassation - Première chambre civile) : mais attendu que la responsabilité de l’agence de voyage qui se borne à délivrer des titres de transport est engagée en cas de faute prouvée)1, bikaba bidahagije gusa ko Me NKANIKA Alinasi abwira urukiko ko BYABAGABO Etienne yagurishijwe tike y’impimbano nyamara nta kimenyetso abitangira, ibyo bikaba binyuranye n’ibiteganywa n’ingingo ya 9 y’itegeko N° 21/2012 ryo kuwa 14/06/2012 ryavuzwe haruguru, itegeka urega kugaragaza ibimenyetso by’ibyo aregera, nubwo mu bujurire atari BYABAGABO Etienne urega ariko na none afite inshingano zo kugaragaza ibimenyetso by’ibyo aburanisha. [27] Urukiko rusanga inshingano za SHIMA TRAVEL AGENCY Ltd nka agance igurisha itike z’indege ari ari izo kugurisha itike z’indege zinyuranye imaze kubona ko iyo ndege ifite umwanya waho umukiliya ashaka kujya, kuba rero SHIMA TRAVEL AGENCY Ltd yaraguriye tike BYABAGABO Etienne muri Charleston Travel Ltd, kuba kandi KLM yemera ko Charleston Travel Ltd ariyo yonyine yemerewe kugurisha itike zayo nk’uko bigaragara mu ibarwa KLM yandikiye SHIMA TRAVEL AGENCY Ltd kuwa 30/09/2015, aho muri iyo barwa ivuga ko ‘’Charleston Travel Ltd which is based in Nairobi (Kenya)/ our only authorized travel agency’’, kuba Charleston Travel Ltd yaremeye kugurisha iyi tike akaba ari uko yarizi neza ko KLM ijya muri TRINIDAD AND TOBACO, ibi bivuguruza imvugo ya Me NKANIKA Alimasi aho avuga ko BYABAGABO Etienne yagurishijwe itike yaho indege itajya hagamijwe indonke, bityo SHIMA TRAVEL AGENCY Ltd ikaba yarakoze inshingano zayo ikaba itagomba kubazwa ibirebana n’ibibazo byavutse mu kudatwara BYABAGABO Etienne (probleme de transport) . [28] 30. Urukiko rusanga na none KLM idahakana ko BYABAGABO Etienne yagurishijwe itike yayo nk’uko bigaragara mu ibarwa KLM yandikiye SHIMA TRAVEL AGENCY Ltd kuwa 30/09/2015, aho muri iyo barwa igira iti ‘’BYABAGABO Etienne’s air ticket was purchased at USD 2669,35/ from us, by Charleston Travel Ltd which is based in Nairobi (Kenya)/ our only authorized travel agency in the matter and copied in’’, bivuze ko ibibazo byavutse ubwo KLM yangaga gutwara BYABAGABO Etienne bigomba kubazwa ushinzwe ubwikorezi (le transporteur) aho kubazwa uwagurishije itike, bityo SHIMA TRAVEL AGENCY Ltd ikaba atariyo yagombaga kuregwa muri uru rubanza ahubwo haragombaga kuregwa KLM nk’umwikorezi wakiriye amafaranga y’ubwikorezi yarangiza ntakore inshingano ze, bityo hashingiwe ku ngingo ya 21 y‘Amabwiriza ya Perezida w’Urukiko rw’Ikirenga N° 002/2015 yo ku wa 18/05/2015 yavuzwe haruguru, BAGABO Etienne atsinzwe no kuba yarareze uwo atagombaga kurega. [29] 31. Urukiko rusanga ibindi bisabwa na BYABAGABO Etienne bitakwirirwa bisuzumwa kuko urubanza rumutsinda. B. Ku birebana no gusuzuma niba BYABAGABO Etienne yategekwa kwishyura indishyi z’ikurikiranarubanza n’igihembo cya avoka

## Page 7

[30] 32. Me NIYONDORA NSENGIYUMVA asobanura ko nyuma yo kumvikanisha ko nta shingano zo gushyira mu bikorwa amasezerano y’ubwikorezi Shima Travel Agency Ltd yari ifite, asanga itari ikwiriye kuregwa mu rukiko. [31] 33. Avuga ngo ko bagagaragaje neza ko SHIMA Travel Agency Ltd yakoze akazi neza, ntakigaragaza ko tike yatanzwe yari impimbano, kandi tike zitangwa mu buryo bw’ikoranabuhanga (electronic system), bitypo system ikaba idashobora gutanga tike kandi indege itazajya mu gihigu umugenzi ashaka kujyamo. [32] 34. Kubera izo mpamvu, ngo Shima Travel Agency ikaba ariyo ikwiye gusubizwa amafaranga y’ikurikiranarubanza n’igihembo cya avoka angana na 1500.000 Frw kurwego rwa mbere n’urwa kabiri. Ikindi n’indishyi zo gushorwa mumanza z’amaherere zingana na 1000.000 Frw. Ibi byose bishingiye kungingo ya 258 CCLIII. [33] Me NKANIKA Alimasi avuga ko nta mpamvu nimwe SHIMA TRAVEL AGENCY itacibwa indishyi zo kurushya no kwicira gahunda y'urugendo BYABAGABO Etienne, gufatira amafaranga ye nta mpamvu, kumushora mu manza bigatuma agira igihombo yishyura avoka ndetse n'umuhesha w'inkiko. UKO URUKIKO RUBIBONA [34] Ingingo ya 21 igika cya 2 y’ Amabwiriza ya Perezida w’Urukiko rw’Ikirenga N° 002/2015 yo ku wa 18/05/2015 agenga imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi iteganya ko ‘’Iyo uwarezwe ari udafite aho ahuriye n ikiburanwa cyangwa udafite ubushobozi ashobora ‟ guhabwa indishyi z’ibyo yatakaje cyangwa yavukijwe kubera urwo rubanza, iyo azisabye’’ [35] Urukiko rusanga indishyi zisabwa na SHIMA TRAVEL AGENCY Ltd zifite ishingiro, kuko, kuba mu kuburana hari amafaranga yatakaje y’ikurikiranarubanza n’igihembo cya avoka ku rwego rwa mbere n’urw’ubujurire, ikaba igomba guhabwa indishyi zijyanye n’amafaranga yatakaje mu kurukurikirana no guhemba avoka, nk’uko biteganywa n’ingingo ya 21 igika cya 2 Amabwiriza ya Perezida w’Urukiko rw’Ikirenga N° 002/2015 yo ku wa 18/05/2015 yavuzwe haruguru, ariko kubera ko indishyi zisabwa zikabije kuba nyinshi izi ndishyi zikaba zigenywe mu bushishozi bw’urukiko, bityo rukaba ruyigenegeye 1,000,000. III. ICYEMEZO CY’URUKIKO [36] Rwemeye kwakira ubujurire bwa SHIMA TRAVEL AGENCY Ltd rubusuzumye rusanga bufite ishingiro. [37] Rwemeje ko BYABAGABO Etienne atsinzwe no kuba yarareze uwo atagombaga kurega. [38] Rwemeje ko imikirize y’urubanza RCOM 00448/2016/TC/NYGE ihindutse kuri byose. [39] Rutegetse BYABAGABO Etienne kwishyura SHIMA TRAVEL AGENCY Ltd indishyi z’ikurikiranarubanza n’igihembo cya avoka zingana n’amafaranga 1,000,000.

## Page 8

[40] Rutegetse BYABAGABO Etienne kwishyura SHIMA TRAVEL AGENCY Ltd amafaranga 75,000 y’igarama ry’urubanza.