UMUJYI WA KIGALI v. MUTANGIZA N’ABANDI

UMUJYI WA KIGALI v. MUTANGIZA N’ABANDI

- Source: Amategeko - Section: Decisions (Judgements) - Date: 2025-11-25 - Case/document no.: RADAA00014/2024/CA - Collection: Court of Appeal

Text

Page 1

UMUJYI WA KIGALI v. MUTANGIZA N’ABANDI [Rwanda URUKIKO RW’UBUJURIRE – RADAA00014/2024/CA (Ngagi, P.J.) 25 Ugushyingo 2025] Amategeko agenga imiburanishirize y’imanza z’ubutegetsi – Kureka ikirego – Kureka ikirego bikorwa n’uwari wareze bitagombeye ko uregwa abyemera. Incamake y’ikibazo: Mutangiza n’Abagenzi be bareze Umujyi wa Kigali mu Rukiko Rwisumbuye rwa Nyarugenge, ko bimuwe mu mitungo yabo n’Akarere ka Gasabo gafatanyije n’Umujyi wa Kigali babanje kubasinyisha ku gahato amasezerano yo kuva mu mitungo yabo, bahatirwa kwakira ingurane ikwiye y’amazu mu gihe bo bahitamo guhabwa ingurane mu mafaranga, bakaba basaba Urukiko kubarenganura bagahabwa agaciro k’imitungo yabo gakubiye mu mwanzuro buri wese yashyikirije Urukiko. Umujyi wa Kigali watanze inzitizi yo kutakira ibirego byabo, kuko batubahirije imihango iteganywa n’Itegeko ryerekeye kwimura abantu ku mpamvu z’inyungu rusange harebwe igihe buri wese yamenyesherejwe igenagaciro ryahawe umutungo we, banamenyeshwa ko bahawe ingurane ho inzu ziri mu Karere ka Kicukiro, Umurenge wa Kanombe, Akagari ka Busanza. Bahawe kandi igihe cy’iminsi icumi (10) cyo gukora igenagaciro mvuguruza mu gihe batishimiye igenagaciro ryakorewe imitungo yabo, ariko ntibabiko. Umujyi wa Kigali usaba ko, mu rubanza mu mizi, ibirego byabo bitahabwa ishingiro kuko bahawe amazu, ukaba ugitegereje ko baza kuyafata. Urukiko Rwisumbuye rwaciye urubanza

rwemeza ko iyo nzitizi nta shingiro ifite, ko ibirego by’Abarega nta shingiro bifite, rutegeka ko buri wese ahabwa inzu mu mwanya wo guhabwa ingurane y’amafaranga nk’uko babisaba, bakaba nta ndishyi basabye bakwiye guhabwa. Iki cyemezo Abarega bakijuririye mu Rukiko Rukuru bavuga ko hirengagijwe amategeko n’ibimenyetso bagaragarije Urukiko Rwisumbuye, hirengagizwa kubaha ingurane ikwiye mu mafaranga ibariye ku giciro kiri kw’isoko, kutagenerwa indishyi ya 5% y’ubukererwe bw’umushinga wo kwimura abantu mu nyungu rusange, no kuba bataragenewe indishyi basabye. Bityo, basaba guhabwa ingurane ikwiye mu mafaranga n’indishyi kuri uru rwego ziyongera kuzo bari basabye ku rwego rwa mbere. Urukiko Rukuru rwasuzumye ikirego cy’Abarega, rwemeza ko gifite ishingiro kuri bimwe, ko buri wese mu bareze agomba guhabwa ingurane ikwiye mu mafaranga ku bw’umutungo we yimuwemo ku bw’inyungu rusange, agahabwa indishyi z’ihungabana n’indishyi z’ubukererwe. Uregwa ntiyishimiye icyo cyemezo kuko yakijuririye muri uru Rukiko rw’Ubujurire. Mbere y’uko uru rubanza rw’ubujurire bwa kabiri ruburanishwa mu mizi, impande zombie zabanje kujya gucyemura ikibazo bafitanye mu bwumvikane babifashijwemo n’Umuhuza, ariko ubwumvikane ntibwakunda, urubanza ruburanishwa mu mizi. Mu iburanisha ry’uru rubanza, Uwajuriye yavuze ko aretse ikirego cye cy’ubujurire, ashingiye ku biteganywa n’ingingo ya 122 y’Itegeko Nº

22/2018 ryo ku wa 29/04/2018, ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi. Abarezwe bavuga ko kureka ikirego bidasaba ko undi muburanyi abyemera, ariko bakaba basaba uru Rukiko gutegeka Uwajuriye kubishyura amafaranga y’ikurikiranarubanza n’igihembo cya Avoka basaba. Incamake y’icyemezo: Umujyi wa Kigali wemerewe kureka ikirego cyari mu Rukiko rw’Ubujurire, cyane ko ari uburenganzira uhababwa n’amategeko kandi bikaba bidasaba ko abo uburana nabo babyemera. Amagarama aherera ku isanduku ya Leta. Amategeko yashingiweho: Itegeko N⁰ 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi, ingingo ya 122 n’iya 124.

Page 2

Nta manza zifashishijwe. Urubanza I. IMITERERE Y’URUBANZA [1] Ku wa 15/2/2018, Njyanama y’Akarere ka Gasabo yarateranye yemeza ko hari umushinga wo kwimura abaturage batuye Kibiraro I, Kangondo I na Kangondo II mu rwego rwo gushyira mu bikorwa igishushanyo mbonera cy’Umujyi wa Kigali. Uyu mushinga ukaba ari Savannah Creek Residential Housing utezweho kubaka amazu y’icyitegererezo agera kuri 600. Inama Njyanama yanzuye ko uwo mushinga ari igikorwa cy’inyungu rusange ko abahafite imitungo bazimurwa ku mpamvu z’inyungu rusange bagahabwa ingurane ikwiye, ibi akaba ari nako byari byemejwe mu nama y’Inama Njyanama yari yateranye ku wa 11/12/2017. [2] Nyuma y’icyo cyemezo, Akarere ka Gasabo (Umujyi wa Kigali) katangiye gushyira mu bikorwa uwo mwanzuro, kabarira abaturage agaciro k’imitungo yabo, abemeye guhabwa ingurane ikwiye y’inzu bakorana amasezerano ariko habonekamo n’abatemeraga ingurane ikwiye y’inzu. Ibi rero byatumye bamwe mu baturage bari batuye ahagombaga gukorerwa uyu mushinga ari bo: Mutangiza Emeritha, Mushimiyimana Antoinette, Twagirayezu Felix, Nahimana Jules, Mukankubito Alphonsine, Niyongabo Sammuel, Munderere Dieudonné, Nyiramajyambere Philomene, Akimana Enatha, Rwegera Paul, Shumbusho Angelo, Baharurema Japhet, Marapili Maurice, Mushimiyimana Louise, Nyirahabimana Vestine, Nsabimana Jean Paul, Mukamana Catherine na Nikuze Schadrack, Bizimungu Pascal, Mukashema

Donatha, Turamye Sperata, Ndayisenga Theoneste, Hanyurwimfura Francois, Nzabamwita Ibrahim, Nzeyimana Charles, Hategekimana Anicet, Barizeye Fabien, Uwamurengeye Chantal, Nyirabatware Christine, Nsanzamajyambere Janvier, Ayubu Jean Fred, Karama Philippe, Mutabazi Pascal, Dusabeyezu Vedaste, Nyirafurere Seraphine, Nkundabagenzi Jean Marie Viannney, Ntakinyurumwanzi Corneille, Umuziga Alice Pacifique, Mukankuranga Josephine, Nzabonimpa Saverini, Bizimungu Jean Baptiste, Nsabimana Theophile, Kamanzi Eugene, Habiyaremye Venuste, Niyonsenga Felix, Kayogoro Martin, Ufitinema Solange, Ribakare Alexis, Habumuremyi Jeremie, Niyitegeka Andre, Fortune Nyirabasangiza, Nyabyenda Theoneste, Nshimyemungu Jean, Nkunzimana B. Livin, Varelie Hakizimana, Nzikwinkunda Jackson, Murara Etienne, Muhire Mathias, Uwiragiye Esther, Florence Mukamana, Nsengiyumva Evariste, Nizeyumuremyi Ilidephonse, Murekeyimana Simon, Uwizeye Jean, Harindimana Faustin, Habineza Damascene, Karegeya Gratien, Uwayezu Paterne, na Nyirajyambere. [3] Aba bose bavuzwe haruguru biyambaje inzira z’inkiko bavuga ko bimuwe mu mitungo yabo n’Akarere ka Gasabo gafatanyije n’Umujyi wa Kigali babanje kubasinyisha ku gahato amasezerano yo kuva mu mitungo yabo; Umujyi wa Kigali ukaba ubahatira kwakira ingurane ikwiye y’amazu mu gihe bo bahitamo guhabwa ingurane mu mafaranga, bakaba basaba Urukiko kubarenganura bagahabwa

agaciro k’imitungo yabo gakubiye mu mwanzuro buri wese yashyikirije Urukiko. [4] Umujyi wa Kigali watanze inzitizi yo kutakira ibirego byabo uvuga ko abarega batubahirije imihango iteganywa n’itegeko ryerekeye kwimura abantu ku mpamvu z’inyungu rusange harebwe igihe buri wese yamenyesherejwe ko igenagaciro ryahawe umutungo we ariko banamenyeshwa ko bahawe ingurane ho inzu ziri mu Karere ka Kicukiro, Umurenge wa Kanombe, Akagari ka Busanza banamenyeshwa ko bahawe igihe kingana n’iminsi 10 cyo gukora igenagaciro mvuguruza mu gihe batishimiye igenagaciro ryakorewe imitungo yabo, ariko ntibagaragaza icyo banenga igenagaciro bakorewe kandi ntibanakora amagenagaciro mvuguruza ku gihe; bityo ibirego byabo bikaba bidakwiye kwakirwa ngo bisuzumwe. Ku bijyanye n’urubanza mu mizi, Umujyi wa Kigali wireguye uvuga ko ibirego byabo nta shingiro bifite, ko bahawe amazu kandi ko Umujyi wa Kigali ugitegereje ko baza kuyafata, ko rero nta ndishyi izo ari zo zose bagomba guhabwa.

Page 3

[5] Mu rubanza RAD00038/2021/TGI/NYGE hamwe n’izindi zahujwe rwaciwe ku wa 24/02/2023, Urukiko Rwisumbuye rwa Gasabo rwemeje ko inzitizi igamije kutakira ikirego yatanzwe n’Umujyi wa Kigali nta shingiro ifite, ko ibirego rwashyikirijwe na Mushimiyimana Antoinette na bagenzi be nta shingiro bifite. Rwemeza ukureka ikirego kwa Mukamusoni Marie. Rutegeka ko abarega bose uko amazina yabo yavuzwe haruguru, buri wese, ahabwa inzu yagenewe nk’ingurane ikwiye iherereye mu Kagari ka Busanza, Umurenge wa Kanombe, Akarere ka Kicukiro, aho guhabwa ingurane mu mafaranga nk’uko babisaba, kandi ko indishyi zose basaba nta gaciro zifite; ruvuga ko amagarama buri wese yatanze arega aguma mu Isanduku ya Leta kuko ahwanye n’ibyakozwe mu rubanza. [6] Mutangiza Emeritha na bagenzi be bajuririye Urukiko Rukuru bahuriza ku mpamvu zikurikira zo kuba:  Umucamanza wa mbere: - yarirengagije nkana amategeko ndetse n’ibimenyetso bigaragaza ko Umujyi wa Kigali wishyuye ingurane ikwiye mu mafaranga kuri bamwe abandi ukabihorera; - yarirengagije gutegeka ingurane ikwiye mu mafaranga kandi ibariye ku giciro kiri ku isoko; - yarategetse ko abarega bahabwa ingurane y’inzu ntacyo ashingiyeho; - yaranze gutanga indishyi ya 5% y’ubukererwe bw’umushinga wo kwimura abantu mu nyungu rusange; - yaranze gutanga indishyi z’ikurikiranurabanza n’igihembo cya Avoka;  gusaba Urukiko rwajuririwe kuzategeka Umujyi wa Kigali

kubagenera indishyi bari basabye ku rwego rwa mbere hiyongereyeho izo ku rwego rw’ubujurire. [7] Ndanyuzwe Jean Baptiste we yajuriye asaba Urukiko gusuzuma niba yasubirana uburenganzira bwe ku bibanza bye bibiri, igifite UPI 1/02/13/02/1573 n’igifite UPI 1/02/13/02/2494 akubakamo ibiteganywa na master plan, gusuzuma niba Umujyi wa kigali wamuha ubundi butaka bungana n’ubwo batwaye, ukabumuha ahantu ashobora kubaka station ya essence nk'uko ari ho yifuza gushora imari, niba Umujyi wa Kigali watanga indishyi z'igihombo bamuteje zingana na 46.122.785Frw, no gusuzuma niba Umujyi wa Kigali wamuha 5.000.000Frw y'ikurikiranarubanza na 500.000Frw y'igihembo cy’Avoka, ukanamusubiza 40.000Frw y'ingwate y'amagarama yatanze ajurira. [8] Mu rubanza RADA00025/2023/HC/KIG n’izindi zahujwe narwo, rwaciwe ku wa 29/04/2024, Urukiko Rukuru rwemeje ko: a. ubujurire bwa Mutangiza Emeritha na bagenzi be Habarurema Japhet, Bizimungu Pascal, Ayubu Jean Fred, Turamye Speratha, Habumuremyi Jeremie, Mutabazi Pascal, Nizeyumuremyi Ilidephonse; Karegeya Gratien, Munderere Dieudonne, Rwegera Paul, Shumbusho Angelo, Habineza Damascene, Philomene Nyiramajyambere, Nkunzimana B Livin, Mukankubito Alphonsine, Uwayezu Paterne, Nkundabagenzi Jean Marie Viannney, Mushimiyimana Antoinette, Murekeyimana Simon, Mukashema Donatha, Ndayisenga Theoneste, Uwizeyimana Martin, Nsabimana Theophile; Nyirafurere Seraphine; Kayogoro Martin; Dusabeyezu Vedaste, Nsabimana Tharcisse; Hategekimana Anicet, Nshimyemungu Jean, Karama Philippe, Nzabonimpa Saverini, Ntakinyurumwanzi Corneille, Nsanzamajyambere Janvier, Ribakare Alexis, Nyabyenda Theoneste, Mushimiyimana Louise, Marapiri Maurice, Nikuze Schadrack, Nyirahabimana Vestine, Nsabimana Jean Paul, Ndanyuzwe Jean Baptiste bufite ishingiro kuri bimwe;

Page 4

b. imikirize y’urubanza RAD00038/2021/TGI/NYGE rwaciwe n’Urukiko Rwisumbuye rwa Nyarugenge ihindutse kuri bimwe; c. abajuriye bose nk’uko amazina yabo yagaragajwe haruguru, bagomba guhabwa ingurane ikwiye mu mafaranga ku bw’imitungo yabo bimuwemo ku bw’inyungu rusange; d. amazu Mushimiyimana Antoinette na Nyirahabimana Vestine bari batijwe n’Umujyi wa Kigali atagomba gufatwa nk’ingurane ku mitungo yabo; e. nta ngurane ikwiye Ndanyuzwe Jean Baptiste agomba guhabwa ku mutungo we ufite nimero UPI: 2494 kuko utigeze wimurwa ku nyungu rusange; f. indishyi z’ibihombo n’iz’imisoro zasabwe n’abajuriye nta shingiro zifite; g. nta ndishyi z’ikurikiranarubanza n’iz’igihembo cya Avoka zagenwe muri uru rubanza ari ku rwego rwa mbere ari no mu bujurire. [9] Urukiko Rukuru rwategetse Umujyi wa Kigali guha abaregwa bose, buri wese ku giti cye, ingurane ikwiye, indishyi z’ihungabana n’indishyi z’ubukererwe zibazwe mu buryo bukurikira kuri: 1) Nsabimana Tharcisse: ingurane y’umutungo we (UPI: 3149, 1672,1669): 16.675.908 + 4.050.115 +3.494.246 = 24.220.269Frw; 5% y’ihungabana= 24.220.269 x 5%= 1.211.013Frw na 5% y’ubukererwe = 24.220.269 x 5%= 1.211.013Frw; 2) Nkundabagenzi Jean Marie Vianney: ingurane y’umutungo we: 38.174.979 Frw, 5% y’ihungabana: 38.174.979 x 5%= 1.908.748Frw na 5% y’ubukererwe: 38.174.979 x 5%= 1.908.748 Frw; 3) Marapili Maurice: ingurane y’umutungo we: 8.952.625Frw, 5%

y’ihungabana: 8.952.625 x 5%= 447.631Frw na 5% y’ubukererwe: 8.952.625 x 5%= 447.631Frw; 4) Ntakinyurumwanzi Corneille: ingurane y’umutungo we: 19.122.759Frw, 5% y’ihungabana: 956.137Frw na 5% y’ubukererwe: 956.137Frw; 5) Nzabonimpa Saverin: ingurane y’umutungo we: 17.967.864Frw, 5% y’ihungabana: 898.393Frw na 5% y’ubukererwe: 898.393Frw; 6) Nsabimana Theophile: Ingurane y’umutungo we:14.311.359Frw, 5% y’ihungabana :715.567Frw na 5% y’ubukererwe :715.567Frw; 7) Kayogoro Martin: ingurane y’umutungo we: 16.749.104Frw, 5% y’ihungabana: 837.455Frws na 5% y’ubukererwe: 837.455Frw; 8) Ribakare Alexis: ingurane y’umutungo we: 7.846.344Frw, 5% y’ihungabana:392.317Frw na 5% y’ubukererwe:392.317Frw; 9) Habumuremyi Jeremie: ingurane y’umutungo we:17.271.420Frw, 5% y’ihungabana: 863.571Frw na 5% y’ubukererwe: 863.571Frw; 10) Nyabyenda Theoneste: ingurane y’umutungo we: 6.644.887Frw, 5% y’ihungabana:332.244Frw na 5% y’ubukererwe:332.244Frw; 11) Nshimyemungu Jean: ingurane y’umutungo we:13.133.669Frws, 5% y’ihungabana: 656.683Frw na 5% y’ubukererwe: 656.683Frw; 12) Nkunzimana B. Livin: ingurane y’umutungo we: 14.217.264Frw, 5% y’ihungabana: 710.863Frws na 5% y’ubukererwe: 710.863Frw; 13) Murara Etienne: ingurane y’umutungo we:34.508.924Frw, 5% y’ihungabana: 1.725.446Frw na 5% y’ubukererwe: 1.725.446Frw;

Page 5

14) Nizeyumuremyi Ildephonse: ingurane y’umutungo we: 14.017.326Frw; 5% y’ihungabana: 700.866Frws na 5% y’ubukererwe: 700.866Frw; 15) Murekeyimana Simon: ingurane y’umutungo we: 13.329.619Frws, 5% y’ihungabana: 666.480Frw na 5% y’ubukererwe: 666.480Frw; 16) Habineza Damascene: Ingurane y’umutungo we: 13.274.308Frw, 5% y’ihungabana: 663.715Frw na 5% y’ubukererwe: 663.715Frw; 17) Karegeya Gratien: ingurane y’umutungo we: 22.048.153Frw, 5% y’ihungabana: 1.102.407Frw na 5% y’ubukererwe: 1.102.407Frw; 18) Uwayezu Paterne: ingurane y’umutungo we: 43.424.894Frw, 5% y’ihungabana: 2.171.244Frw na 5% y’ubukererwe:2.171.244Frw; 19) Bizimungu Pascal: ingurane y’umutungo we: 18.162.086Frw, 5% y’ihungabana: 908.104Frw na 5% y’ubukererwe: 908.104Frw; 20) Turamye Sperata: ingurane y’umutungo we:10.482.064Frw, 5% y’ihungabana: 524.103Frw na 5% y’ubukererwe: 524.103Frw; 21) Ndayisenga Theoneste: Ingurane y’umutungo we: 4.312.500Frw + 20.414.868Frw = 24.727.368Frw, 5% y’ihungabana: 1.236.368Frw na 5% y’ubukererwe: 1.236.368Frw; 22) Hategekimana Anicet: Ingurane y’umutungo we: 21.184.001Frw, 5% y’ihungabana: 1.059.200Frw na 5% y’ubukererwe: 1.059.200Frw; 23) Nyirabatware Christine: ingurane y’umutungo we: 4.249.254Frw, 5% y’ihungabana: 212.462Frw na 5% y’ubukererwe: 212.462Frw; 24) Nsanzamajyambere Janvier: ingurane y’umutungo we: 12.989.415Frw, 5% y’ihungabana: 649.470Frw na 5%

y’ubukererwe:649.470Frw; 25) Ayubu J. Fred: Ingurane y’umutungo we: 5.936.617 + 28.940.320 = 34.876.937Frw, 5% y’ihungabana: 1.743.846Frw na 5% y’ubukererwe: 1.743.846Frw; 26) Karama Philippe: ingurane y’umutungo we:15.727.096Frw, 5% y’ihungabana:786.354Frw na 5% y’ubukererwe:786.354Frw; 27) Mutabazi Pascal: ingurane y’umutungo we: 9.537.944Frw, 5% y’ihungabana: 476.897Frw na 5% y’ubukererwe: 476.897Frw; 28) Dusabeyezu Vedaste: ingurane y’umutungo we:3.840.257Frw, 5% y’ihungabana:192.012Frw na 5% y’ubukererwe:192.012Frw; 29) Nyirafurere Seraphine: ingurane y’umutungo we:32.143.949Frw, 5% y’ihungabana: 1.607.197Frw na 5% y’ubukererwe: 1.607.197Frw; 30) Uwizeyimana Martin: ingurane y’umutungo we: 25.537.886 Frw, 5% y’ihungabana:1.276.894Frw na 5% y’ihungabana:1.276.894Frw; 31) Nzeyimana Charles: ingurane y’umutungo we: 18.934.340Frws, 5% y’ihungabana: 946.717Frw na 5% y’ubukererwe:946.717Frw; 32) Mushimiyimana Antoinette: ingurane y’umutungo we: 8.863.389Frw, 5% y’ihungabana: 443.169Frw na 5% y’ubukererwe:443.169Frw; 33) Mutangiza Emerthe: ingurane y’umutungo we: 37.395.282Frw, 5% y’ihungabana: 1.869.764Frw na 5% y’ubukererwe: 1.869.764Frw; 34) Mukankubito Alphonsine: ingurane y’umutungo we: 32.794.591Frw, 5% y’ihungabana: 1.639.729Frw na 5% y’ubukererwe: 1.639.729Frw;

Page 6

35) Munderere Dieudonne: ingurane y’umutungo we: 10.503.597Frw, 5% y’ihungabana: 525.179Frw na 5% y’ubukererwe: 525.179Frw; 36) Akimana Enatha: ingurane y’umutungo we: 3.995.493Frw, 5% y’ihungabana: 199.774Frw na 5% y’ubukererwe:199.774Frw; 37) Nyiramajyambere Philomene: ingurane y’umutungo we: 14.052.403Frws, 5% y’ihungabana: 702.620Frw na 5% y’ubukererwe: 702.620Frw; 38) Rwegera Paul: ingurane y’umutungo we:11.722.517Frws, 5% y’ihungabana: 586.125Frw na 5% y’ubukererwe: 586.125Frw; 39) Shumbusho Angelo: ingurane y’umutungo we:12.982.782Frw, 5% y’ihungabana: 649.139Frws na 5% y’ubukererwe: 649.139Frw; 40) Mushimiyimana Louise: ingurane y’umutungo we: 18.942.413Frw, 5% y’ihungabana: 947.120Frw na 5% y’ubukererwe: 947.120Frw; 41) Nsabimana Jean Paul: ingurane y’umutungo we:23.696.412Frw, 5% y’ihungabana: 1.184.820Frw na 5% y’ubukererwe: 1.184.820Frw; 42) Nikuze Schadrack: ingurane y’umutungo we: 8.573.270Frw, 5% y’ihungabana: 428.663Frw na 5% y’ubukererwe: 428.663Frw; 43) Ndanyuzwe Jean Baptiste: ingurane y’umutungo we:30.770.423Frw, 5% y’ihungabana: 1.538.521Frw na 5% y’ubukererwe: 1.538.521Frw; 44) Mukashema Donatha: ingurane y’umutungo we: 15.367.900Frw, 5% y’ihungabana: 768.395Frw na 5% y’ubukererwe: 768.395Frw; 45) Nyirahabimana Vestine: ingurane y’umutungo we:9.389.251Frw, 5% y’ihungabana: 469.462Frw na 5% y’ihungabana: 469.462Frw; 46) Habarurema Japhet: Ingurane

y’umutungo we:15.081.791Frw, 5% y’ihungabana: 754.089Frw na 5% y’ihungabana: 754.089Frw. Ko kandi bose hamwe na Ndanyuzwe Jean Baptiste, buri wese, basubizwa ingwate y’amagarama batanze ku rwego rwa mbere ahwanye na 20.000Frw na 40.000Frws yo mu bujurire. [10] Umujyi wa Kigali wajuririye uru Rukiko, ubujurire bwawo bwandikwa kuri RADAA00014/2024/CA, Ndanyuzwe Jean Baptiste nawe arajurira, ubujurire bwe bwandikwa kuri CMB RADAA00016/2024/CA. Kubera ko urubanza rwajuririrwa ari rumwe, ubujurire bw’Umujyi wa Kigali bwahise buhuzwa n’ubujurire bwa Ndanyuzwe Jean Baptiste. [11] Urubanza rwahamagajwe ku wa 08/01/2025, ariko rwimurirwa ku wa 05/02/2025, kugira ngo Umujyi wa Kigali ujye gukemura ikibazo mu bwumvikane, ku wa 27/05/2025, hashyirwaho umuhuza uzafasha ababuranyi mu nzira y’ubwumvikane, urubanza rwimurirwa ku wa 15/09/2025, ariko ubwumvikane ntibwakunda, urubanza rushyirwa ku wa 03/11/2025, uwo munsi uhagarariye Umujyi wa Kigali ntiyitaba kuko yari arwaye, rwimurirwa ku wa 17/11/2025. [12] Ku wa 17/11/2025, urubanza RADAA00014/2024/CA rwaburanishijwe mu ruhame, Umujyi wa Kigali uhagarariwe na Me Umulisa Alice, Mutangiza Emeritha, Hategekimana Anicet, Nkundabagenzi Jean Marie Viannney, Nyiramajyambere Philomene, Nizeyumuremyi Ildephonse, Munderere Dieudonne, Mushimiyimana Antoinette, Shumbusho Angelo, Mukankubito Alphonsine, Uwayezu Paterne, Ndayisenga Theoneste, Murara

Etienne, Akimana Enatha, Habineza Damascene, Rwegera Paul, Karama Philippe, Turamye Speratha, Habarurema Japhet, Nyirabatware Christine na Ayubu Jean Fred bunganiwe na Me Gumuyisabe Augustin; Uwizeyimana Martin, Bizimungu Pascal, Nsabimana Theophile, Mutabazi Pascal, Nsabimana Tharcisse, Nzabonimpa Savirini, Ntakinyurumwanzi Corneille, Nsanzamajyambere Janvier, Mukashema Donatha, Ribakare Alexis, Nkunzimana B. Livin, na Nshimyemungu Jean

Page 7

bunganiwe na Me Karangwayire Epiphanie afatanyije Me Kayinamura Gabriel, banahagarariye Nyirafurere Seraphine, Kayogoro Martin na Dusabeyezu Vedaste; HabumuremyI Jeremie, Karegeya Gratien na Murekeyimana Simon bunganiwe na Me Nzaramba Louis; Marapiri Maurice, Nsabimana Jean Paul na Nikuze Chadrack, Nzeyimana Charles, Nyirahabimana Vestine ahagarariwe n’umukobwa we Uwineza Jacqueline bunganiwe na Me Shyaka Mashami Emmanuel akanahagararira Mushimiyimana Louise, naho Nyabyenda Theoneste yunganiwe na Me Mugabo Fidele, naho mu rubanza CMB RADAA00016/2024/CA, Ndanyuzwe Jean Baptiste ahagarariwe na Me Kayitare Dieudonné, Umujyi wa Kigali uhagarariwe na Me Umulisa Alice. [13] Mu iburanisha mu ruhame ryo 17/11/2025, uhagarariye Umujyi wa Kigali yavuze ko Umujyi wa Kigali ushingiye ku biteganywa n’ingingo ya 122 y’Itegeko Nº 22/2018 ryo ku wa 29/04/2018, ryerekeye imiburanishirize y’imanza z’imbonezamubano, iz’ubucuruzi, iz’umurimo uretse ikirego cy’ubujurire RADAA 00014/2024/CA wari watanze muri uru Rukiko. [14] Abaregwa bavuze ko kureka ikirego bidasaba ko undi muburanyi abyemera, ko rero bashingiye ku biteganywa n’ingingo ya 124 y’Itegeko Nº 22/2018 ivuga ku ngaruka zo kureka ikirego basaba Urukiko rw’Ubujurire gutegeka Umujyi wa Kigali kubishyura amafaranga y’ikurikiranarubanza n’igihembo cya Avoka basaba. [15] Nk’uko byagaragajwe haruguru, Ndanyuzwe Jean Baptiste yajuririye uru

Rukiko arega Umujyi wa Kigali, ubujurire bwe bwandikwa kuri CMB RADAA00016/2024/CA. Ubwo bujurire bwe bwahujwe n’Umujyi wa Kigali bufite RADAA00014/2024/CA. Mu iburanisha ryo ku wa 17/11/2025, Urukiko rwavuze ko ruzagaragaza amaherezo y’ubujurire bwa Ndanyuzwe Jean Baptiste. [16] Kuba Umujyi wa Kigali waretse ubujurire bwawo, kuba mu bujurire bwa Ndanyuzwe Jean Baptiste arega Umujyi wa Kigali gusa, Urukiko rurasanga ubujurire bwa Ndanyuzwe Jean Baptiste bwanditse kuri CMB RADAA00016/2024/CA bugomba gutandukanwa n’ubw’Umujyi wa Kigali bukazaburanishwa ukwabwo. Bityo urubanza CMB RADAA00016/2024/CA Ndanyuzwe Jean Baptiste aregamo Umujyi wa Kigali ruzaburanishwa ku wa 12/12/2025 saa tanu (11:00). [17] Urukiko rurasuzuma niba Umujyi wa Kigali wakwemererwa kureka ikirego wari watanze muri uru Rukiko, runasuzume ingaruka zabyo. II. IBIBAZO BIGIZE URUBANZA N’ISESENGURWA RYABYO 1. Kumenya niba Umujyi wa Kigali wakwemererwa kureka ikirego [18] Me Umulisa Alice avuga ko Umujyi wa Kigali ahagarariye, ushingiye ku ngingo ya 122 y’Itegeko N⁰ 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi, uretse ikirego cyawo gifite RADAA00014/2024/CA. [19] Abaregwa bavuga ko kureka ikirego bidasaba ko undi muburanyi abyemera, ko bashingiye ku biteganywa n’ingingo ya 124 y’Itegeko Nº 22/2018 ryavuzwe haruguru basaba Urukiko rw’Ubujurire gutegeka Umujyi wa Kigali kubishyura amafaranga y’ikurikiranarubanza n’igihembo cya Avoka basaba.

UKO URUKIKO RUBIBONA [20] Ingingo ya 122 y’Itegeko N⁰ 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi iteganya ibukurikira: kureka ikirego ni ukwiyambura ububasha bwo kuburana. Bijyana no kwiyambura uburenganzira umuntu yari afite bwo gukomeza gukurikirana icyo kirego. Ukwemera k’undi muburanyi si ngombwa.

Page 8

[21] Nk’uko byibukijwe haruguru, mu iburanisha ryabaye ku wa 17/11/2025, Me Umulisa Alice yabwiye Urukiko ko Umujyi wa Kigali uretse ikirego cyawo gifite RADAA00014/2024/CA; abaregwa nabo bavuga ko kureka ikirego bidasaba ko undi muburanyi abyemera. [22] Hashingiwe ku biteganywa n’ingingo ya 122 y’Itegeko N⁰ 22/2018 ryo ku wa 29/04/2018 ryavuzwe haruguru, Urukiko rurasanga nta cyabuza Umujyi wa Kigali kwemererwa ukureka ikirego No RADAA 00014/2024/CA cyari mu Rukiko rw’Ubujurire, cyane cyane ko ari uburenganzira uhababwa n’amategeko kandi bikaba bidasaba ko abo uburana nabo babyemera.

2. Kumenya niba amafaranga y’ikurikiranarubanza n’igihembo cya Avoka asabwa n’abaregwa afite ishingiro [23] Me Gumuyisabe Augustin wunganira Mutangiza Emeritha, Hategekimana Anicet, Nkundabagenzi Jean Marie Viannney, Nyiramajyambere Philomene, Nizeyumuremyi Ildephonse, Munderere Dieudonne, Mushimiyimana Antoinette, Shumbusho Angelo, Mukankubito Alphonsine, UwayezuPaterne, Ndayisenga Theoneste, Murara Etienne, Akimana Enatha, Habineza Damascene, Rwegera Paul, Karama Philippe, Turamye Speratha, Habarurema Japhet, Nyirabatware Christine na Ayubu Jean Fred, avuga ko ashingiye ku biteganywa n’ingingo ya 124 y’Itegeko N⁰ 22/2018 ryo ku wa 29/04/2018 ryavuzwe haruguru ivuga ku ngaruka zo kureka ikirego no kureka urubanza, asaba Urukiko rw’Ubujurire gutegeka Umujyi wa Kigali kwishyura buri wese mu bo yunganira 1.000.000Frw y’igihembo cya Avoka na 500.000Frw y’ikurikiranarubanza, kuri buri rwego. [24] Me Karangwayire Epiphanie na Me Kayinamura Gabriel bunganira Uwizeyimana Martin, Bizimungu Pascal, Nsabimana Theophile, Mutabazi Pascal, Nsabimana Tharcisse, Nzabonimpa Savirini, Ntakinyurumwanzi Corneille, Nsanzamajyambere Janvier, Mukashema Donatha, Ribakare Alexis, Nkunzimana B. Livin, na Nshimyemungu Jean, bakanahagarariye Nyirafurere Seraphine, Kayogoro Martin na Dusabeyezu Vedaste, bashingiye ku biteganywa n’ingingo ya 124 y’Itegeko N⁰ 22/2018 ryo ku wa 29/04/2018 ryavuzwe haruguru

basaba Urukiko rw’Ubujurire gutegeka Umujyi wa Kigali kwishyura buri wese mu bo bunganira cyangwa bahagarariye 3.000.000Frw akubiyemo igihembo cya Avoka n’ikurikiranarubanza, no gusubizwa 60.000Frw y’igarama buri wese yatanze mu manza zabanje. [25] Me Nzaramba Louis wunganira Habumuremyi Jeremie, Karegeya Gratien na Murekeyimana Simon ashingiye ku ngingo ya 124 y’Itegeko N⁰ 22/2018 ryo ku wa 29/04/2018 ryavuzwe haruguru asaba Urukiko rw’Ubujurire gutegeka Umujyi wa Kigali kwishyura buri wese yunganira 2.000.000Frw akubiyemo igihembo cya Avoka n’ikurikiranarubanza. [26] Me Shyaka Mashami Emmanuel wunganira Marapiri Maurice, Nsabimana Jean Paul na Nikuze Chadrack, Nzeyimana Charles, Nyirahabimana Vestine uhagarariwe n’umukobwa we Uwineza Jacqueline, akanahagararira Mushimiyimana Louise, ashingiye ku ngingo ya 124 y’Itegeko N⁰ 22/2018 ryo ku wa 29/04/2018 ryavuzwe haruguru, asaba Urukiko rw’Ubujurire gutegeka Umujyi wa Kigali kwishyura buri wese yunganira ndetse n’uwo ahagarariye 3.500.000Frw y’igihembo cya Avoka na 1.000.000Frw y’ikurikiranarubanza. [27] Me Mugabo Fidele wunganira Nyabyenda Theoneste asaba Urukiko rw’Ubujurire gutegeka Umujyi wa Kigali kwishyura Nyabyenda Theoneste 3.000.000Frw akubiyemo ikurikiranarubanza n’igarama. [28] Me Umulisa Alice avuga ko ibijyanye n’amafaranga y’ikurikiranarubanza n’igihembo cya Avoka abaregwa basaba, abihariye Urukiko mu bushishozi bwarwo.

UKO URUKIKO RUBIBONA

Page 9

[29] Nk’uko byagaragajwe haruguru, abaregwa basaba amafaranga y’ikurikiranarubanza n’igihembo cya Avoka yo kuva ku rwego rwa mbere kugeza kuri uru rwego, ndetse bamwe basaba n’amafaranga y’amagarama batanze mu manza zabanje. [30] Ingingo ya 124, igika cya kabiri, y’Itegeko No 22/2018 ryo ku wa 29/04/2018 ryibukijwe haruguru, iteganya ibikurikira: uretse ikirego cyangwa urubanza ashobora gucibwa amafaranga y’amagarama cyangwa igihembo cya Avoka n’andi yose yatanzwe n’uwo yari yareze mu gukurikirana urubanza. [31] Urukiko rushingiye ku ngingo ya 124 y’Itegeko No 22/2018 ryo ku wa 29/04/2018 yibukijwe haruguru, rurasanga abaregwa bagomba guhabwa amafaranga y’igihembo cya Avoka n’ikurikiranarubanza batakaje bakurikirana uru rubanza kuri uru rwego, naho ayo batagenewe mu manza zabanje ntabwo bayasaba muri uru rubanza, kuko rutaburanishijwe mu mizi yarwo. Bityo mu bushishozi bwarwo, rugeneye Mutangiza Emeritha, Hategekimana Anicet, Nkundabagenzi Jean Marie Viannney, Nyiramajyambere Philomene, Nizeyumuremyi Ildephonse, Munderere Dieudonne, Mushimiyimana Antoinette, Shumbusho Angelo, Mukankubito Alphonsine, Uwayezu Paterne, Ndayisenga Theoneste, Murara Etienne, Akimana Enatha, Habineza Damascene, Rwegera Paul, Karama Philippe, Turamye Speratha, Habarurema Japhet, Nyirabatware Christine na Ayubu Jean Fred, bose hamwe, amafaranga miliyoni imwe (1.000.000Frw) y’igihembo cya Avoka, kandi

buri wese, agahabwa amafaranga ibihumbi ijana na mirongo itanu (150.000Frw) y’ikurikiranarubanza. [32] Urukiko rugeneye Uwizeyimana Martin, Bizimungu Pascal, Nsabimana Theophile, Mutabazi Pascal, Nsabimana Tharcisse, Nzabonimpa Savirini, Ntakinyurumwanzi Corneille, Nsanzamajyambere Janvier, Mukashema Donatha, Ribakare Alexis, Nkunzimana B. Livin, Nshimyemungu Jean, Nyirafurere Seraphine, Kayogoro Martin na Dusabeyezu Vedaste, bose hamwe, amafaranga miliyoni imwe (1.000.000Frw) y’igihembo cya Avoka, kandi buri wese, agahabwa amafaranga ibihumbi ijana na mirongo itanu (150.000Frw) y’ikurikiranarubanza. [33] Urukiko rugeneye Habumuremyi Jeremie, Karegeya Gratien na Murekeyimana Simon, bose hamwe, 1.000.000Frw y’igihembo cya Avoka, kandi buri wese, agahabwa 150.000Frw y’ikurikiranarubanza. Rugeneye Marapiri Maurice, Nsabimana Jean Paul, Nikuze Chadrack, Nzeyimana Charles, Nyirahabimana Vestine na Mushimiyimana Louise, bose hamwe, amafaranga miliyoni imwe (1.000.000Frw) y’igihembo cya Avoka, kandi buri wese, agahabwa amafaranga ibihumbi ijana na mirongo itanu (150.000Frw) y’ikurikiranarubanza; naho Nyabyenda Theoneste rumugeneye ibihumbi ijana na mirongo itanu (150.000Frw) y’ikurikiranarubanza. [34] Ku byerekeye ubujurire bwuririye ku bundi bwatanzwe n’abaregwa mu myanzuro yabo, aho abahawe ingurane mu mafaranga basaba ko iyo ngurane ibarirwa ku biciro biri ku isoko, abahawe

ingurane y’inzu bagasaba ingurane mu mafaranga, Urukiko rurasanga ubu bujuririre bwuririye ku bundi butagomba gusuzumwa, kuko bushingiye ku bujurire bw’iremezo bwatanzwe n’Umujyi wa Kigali. Kuba rero, Umujyi wa Kigali waretse ubujurire bwawo, birumvikane ko n’ubujurire bwuririye ku bw’Umujyi wa Kigali bwatanzwe n’abaregwa kuri uru rwego, butagomba gusuzumwa, kuko ntaho bushingiye (l’accessore suit le principal). Ibi bivuze ko uretse Ndanyuzwe Jean Baptiste wajuriye, ubujurire bwe buzaburanishwa ukwabwo, naho ku bandi baregwa muri uru rubanza, hagumyeho imikirize y’urubanza rujuririrwa RADA00025/2023/HC/KIG n’izindi zahujwe narwo, rwaciwe n’Urukiko Rukuru ku wa 29/04/2024. III. ICYEMEZO CY’URUKIKO [35] Rwemeye ukureka ikirego RADAA 00014/2024/CA byasabwe n’Umujyi wa Kigali. [36] Rutegetse Umujyi wa Kigali kwishyura Mutangiza Emeritha, Hategekimana Anicet, Nkundabagenzi Jean Marie Viannney, Nyiramajyambere Philomene, Nizeyumuremyi Ildephonse,

Page 10

Munderere Dieudonne, Mushimiyimana Antoinette, Shumbusho Angelo, Mukankubito Alphonsine, Uwayezu Paterne, Ndayisenga Theoneste, Murara Etienne, Akimana Enatha, Habineza Damascene, Rwegera Paul, Karama Philippe, Turamye Speratha, Habarurema Japhet, Nyirabatware Christine na Ayubu Jean Fred, bose hamwe, amafaranga miliyoni imwe (1.000.000Frw) y’igihembo cya Avoka, no kwishyura buri wese, amafaranga ibihumbi ijana na mirongo itanu (150.000Frw) y’ikurikiranarubanza. [37] Rutegetse Umujyi wa Kigali kwishyura Uwizeyimana Martin, Bizimungu Pascal, Nsabimana Theophile, Mutabazi Pascal, Nsabimana Tharcisse, Nzabonimpa Savirini, Ntakinyurumwanzi Corneille, Nsanzamajyambere Janvier, Mukashema Donatha, Ribakare Alexis, Nkunzimana B. Livin, Nshimyemungu Jean, Nyirafurere Seraphine, Kayogoro Martin na Dusabeyezu Vedaste, bose hamwe, amafaranga miliyoni imwe (1.000.000Frw) y’igihembo cya Avoka, no kwishyura buri wese, amafaranga ibihumbi ijana na mirongo itanu (150.000Frw) y’ikurikiranarubanza. [38] Rutegetse Umujyi wa Kigali kwishyura Habumuremyi Jeremie, Karegeya Gratien na Murekeyimana Simon, bose hamwe, amafaranga miliyoni imwe (1.000.000Frw) y’igihembo cya Avoka, no kwishyura buri wese, amafaranga ibihumbi ijana na mirongo itanu (150.000Frw) y’ikurikiranarubanza. [39] Rutegetse Umujyi wa Kigali kwishyura Marapiri Maurice, Nsabimana Jean Paul, Nikuze Chadrack, Nzeyimana Charles,

Nyirahabimana Vestine na Mushimiyimana Louise, bose hamwe, amafaranga miliyoni imwe (1.000.000Frw) y’igihembo cya Avoka, no kwishyura buri wese, amafaranga ibihumbi ijana na mirongo itanu (150.000Frw) y’ikurikiranarubanza. [40] Rutegetse Umujyi wa Kigali kwishyura Nyabyenda Theoneste ibihumbi ijana na mirongo itanu (150.000 Frw) y’ikurikiranarubanza. [41] Ruvuze ko ingwate y’amagarama ihwanye n’ibyakozwe mu rubanza.