UWIMANA v. LIN HAI QIAO LIN

# UWIMANA v. LIN HAI QIAO LIN

- Source: Amategeko - Section: Decisions (Judgements) - Date: 2015-01-16 - Case/document no.: RCA 0076/14/HC/KIG - Collection: High Court

## Text

## Page 1

UWIMANA v. LIN HAI QIAO LIN [Rwanda URUKIKO RUKURU – RCA 0076/14/HC/KIG (Gatwaza, P.J.) 16 Mutarama 2015] Amategeko agenga ububasha bw’Inkiko – ububasha bw’urukiko rwisunbuye – ububasha ibikubiye mugaciro kikiburanywa – Kuba umwenda remezo ubwawo utari mu bubasha bw’urukiko rwaregewe,igihe indishyi n’amafaranga y’ikurikiranarubanza n’igihembo cy’avoka bitagaragara mu masezerano bagiranye ntibyakongera agaciro ki kiburanwa – Itegeko Ngenga No 02/2013/OL ryo kuwa 16/06/2013rihindura kandi ryuzuza Itegeko Ngenga n° 51/2008 ryo kuwa 09/09/2008 rigena imiterere, imikorere n’ububasha by’inkiko,ingingo 18,22. Incamake y’ikibazo: Uwimana yarezwe na Lin Hai Qiao Lin mu Rukiko Rwisumbuye rwa Nyarugenge umwenda w’ amafaranga 1.340.000Frw, indishyi z’ akababaro za 1.200.000Frw na 700.000Frw y’igihembo cya avoka, uru Rukiko rwemeje ko atsinzwe. Uwimana yajuririye Urukiko Rukuru avuga ko umucamanza wo mu Rukiko rubanziriza uru nta bubasha bushingiye ku kiburanwa yarafite bwo gusuzuma icyo kirego kuko maze we akabirengaho akaemeza ko abufite agaca urubanza. Lin Hai Qiao Lin yiregura avuga ko nta kosa umucamanza yakoze kubera ko umwenda remezo wongereyeho andi mafaranga yaregewe, bituma urukiko rwisumbuye rubona ububasha bwo kuburanisha ikirego hashingiwe ku gaciro ki kiburanwa. Incamake y’icyemezo: Kuba umwenda remezo ubwawo utari mu bubasha bw’urukiko rwaregewe,igihe indishyi n’amafaranga y’ikurikiranarubanza n’igihembo cy’avoka bitagaragara mu masezerano bagiranye ntibyakongera agaciro ki kiburanwa kubwibyo rero urubanza rwafashwe rukaba ruvuyeho, ikirego kigashyikirizwa urukiko rwibanze rubifitiye ububasha rwa Kagarama kuko iyo nyandiko iregerwa yakorewe kwa LIN I Kicukiro. Ubujurire bufite ishingiro. Amategeko yashingiweho: Itegeko Ngenga No 02/2013/OL ryo kuwa 16/06/2013rihindura kandi ryuzuza Itegeko Ngenga n° 51/2008 ryo kuwa 09/09/2008 rigena imiterere, imikorere n’ububasha by’inkiko,ingingo 18,22 Nta manza zifashishijwe. Urubanza IMITERERE Y’URUBANZA:

## Page 2

[1] Mu Rukiko Rwisumbuye rwa Nyarugenge, mu rubanza rwajuririwe rwavuzwe haruguru, UWIMANA Bernard yarezwe na LIN HAI QIAO LIN, hagobokeshwa BIGIRIMANA Pascal, umwenda w’ amafaranga 1.340.000frws, indishyi z’ akababaro za 1.200.000frws na 700.000frws y’igihembo cya avoka. Yatsindiwe ibyo yaregwaga, ariko ntiyishimira imikirize y’urubanza kubera ko yagaragarije umucamanza ko nta bubasha bushingiye ku kiburanwa afite bwo gusuzuma icyo kirego, abirengaho yemeza ko abufite; akaba ariyo mpamvu nyamukuru y’ ubujurire, ubujurire bwe buhabwa RCA 0076/14/HC/KIG, ruburanishwa mu ruhame kuwa 16/12/2014 ababuranyi bitabye uretse BIGIRIMANA Pascal batagiraga icyo bamucisha; [2] UWIMANA Bernard ajurira asobanura ko yagaragarije Urukiko ko nta bubasha bushingiye ku kiburanwa rufite kuko ikiburanwa remezo (demande principale) 1.340.000frws ahwanye na 2.000.000 USD gifite agaciro katari hejuru ya 3.000.000frws asabwa kugira ngo ikirego abe ariho gihera, kandi ko na 1.200.000frws y’indishyi z’ akababaro na 700.000frws y’igihembo cya Avoka, yo atari amafaranga yumvikanyweho mu masezerano ngo abe yakongerwa ku kiburanwa; bityo asobanura nabi ingingo ya 18 na 22 COFCJ/2013; [3] Uhagarariye LIN HAI QIAO LIN, asubiza ko nta kosa umucamanza yakoze kubera ko umwenda remezo wongereyeho andi mafaranga yaregewe, bituma urukiko rwisumbuye rubona ububasha bwo kuburanisha ikirego; [4] Ikibazo nya mukuru kigomba gusuzumwa muri uru rubanza akaba ari ukumenya niba koko ikirego yashyikirijwe cyari mu bubasha bwe; UKO URUKIKO RUSESENGURA IKIBAZO: [5] UWIMANA Bernard asobanura ko yagaragarije Urukiko ko nta bubasha bushingiye ku kiburanwa rufite kuko ikiburanwa remezo (demande principale) ari umwenda 1.340.000frws uhwanye na 2.000.000 USD, ikiburanwa kikaba gifite agaciro katari hejuru ya 3.000.000frws asabwa kugira ngo ikirego abe ariho gihera, kandi ko na 1.200.000frws y’indishyi z’ akababaro na 700.000frws y’igihembo cya Avoka, yo atakongerwa kumwenda remezo uburanwa kubera ko atumvikanyweho mu masezerano ababuranyi bombi batagiranye nk’uko biteganywa n’ ingingo ya 18 na 22 COFCJ/2013; [6] Uhagarariye LIN HAI QIAO LIN we asubiza ko nta kosa umucamanza yakoze kubera ko umwenda remezo wongereweho andi mafaranga yaregewe, bituma urukiko rwisumbuye rubona ububasha bwo kuburanisha ikirego; [7] Ingingo ya 18COFCJ/2013 ivuga ko “mu manza z’ibonezamubano, ububasha bwo guca urubanza bugaragazwa n’imiterere y’ikiregerwa n’igiciro cyacyo. Igiciro kikiregerwa kigizwe n’ikiburanwa cy’iremezo cyiyongereyeho inyungu zumvikanyweho mu masezerano. Mu gihe ikirego kibarirwa mu mafaranga yo mu mahanga, Urukiko rufite ububasha bwo kuburanisha iki

## Page 3

kirego rumenyekana nyuma yo kuvunja agaciro k’ikirego mu mafaranga y’Urwanda ku giciro cy’ivunjisha cy’umunsi ikirego cyatangiweho”. Ingingo ya 22COFCJ/2013 ikavuga ko imanza zose zaregewe mu rwego rwa mbere inkiko zisanzwe zitaraburanisha, kandi zitakiri mu bubasha bw’izo nkiko, ziburanishwa n’inkiko zibifitiye ububasha hakurikijwe ububasha bushya bw’inkiko buteganywa n’iri tegeko ngenga kimwe n’andi mategeko aziha ubwo bubasha mu buryo bukurikira: Imanza zaregewe mu rwego rwa mbere, inkiko zisumbuye zitakiri mu bubasha bwazo, zoherezwa mu nkiko z’ibanze cyangwa zisumbuye zibifitiye ububasha; [8] Uru rukiko ruhuje ibiteganywa n’ ingingo z’ amategeko zavuzwe haruguru n’ icyaregewe, rurasanga, kuba uwaregaga yaravuze ko aregera 2.000$ ahwanye na 1,300,000frws, akaba anasaba n’indishyi z’akababaro yatewe za 1.200.000frws na 700.000frws y’ amafaranga ya Avoka wamuburaniye, birumvikana ko umwenda remezo wishyurwa ubwawo utari mu bubasha bw’ urwo rukiko rwaregewe. Ikindi kandi kigaragarira uru rukiko n’ uko indishyi z’akababaro za 1.200.000frws na 700.000frws y’ amafaranga ya Avoka wamuburaniye zitagaragara mu masezerano yumvikanyweho n’ abagiranye uwo mwenda. Rero n’ ubwo zongerewe kuri uwo mwenda, kandi zitarumvikanyweho mu masezerano yo kugurizanya ababurana bagiranye nk’uko biteganywa n’ingingo z’ amategeko yerekeye ububasha bushingiye ku kiburanwa,ni ugurandukira kwabayeho koko kwakozwe n’ umucamanza wa mbere, kutubahiriza ibiteganywa n’ ububasha bw’ urukiko bushingiye ku kiburanwa; bityo iyo mpamvu y’ ubujurire ikaba ifite ishingiro; bityo urubanza rwafashwe rukaba ruvuyeho, ikirego kigashyikirizwa urukiko rwibanze rubifitiye ububasha rwa Kagarama kuko iyo nyandiko iregerwa yakorewe kwa LIN I Kicukiro; ICYEMENZO CY’URUKIKO [9] Rwemeje kwakira ubujurire bwa UWIMANA Bernard, rubusuzumye rusanga ubufite ishingiro; [10] Rwemeje ko urubanza RC 0185/13/TGI/NYGE rwajurirwe ruvuyeho, rugatangirira mu rukiko rubifitiye ububasha rwavuzwe haruguru;