benjamin eliot makafu vs quality group ltd 2021 tzhcld 55 10 machi 2021

JAMUHURI YA MUUNGANO WA TANZANIA

MAHAKAMA YA TANZANIA

MAHAKAMA KUU DIVISHENI YA KAZI

KANDAYA DARES SALAAM MAOMBI YA MAREJEO NA. 434 OF 2019

BAINA YA BENJAMIN ELIOT MAKAFU........................ MLALAMIKAJI

DHIDI YA QUALITY GROUP LIMITED.......................... MLALAMIKIWA

UAMUZI Tarehe ya mwisho ya Amri: 04/03/2021 Tarehe ya Uamuzi: 10/03/2021 Z.G.Muruke, J. Benjamin Eliot Makafu aliajiriwa na mjibu maombi tarehe 17 Julai, 2017 kwa mkataba wa mwaka mmoja kama afisa tabibu (Medical officer) tarehe 03 Januari, 2018 mjibu maombi alisitisha ajira ya mleta maombi kwa sababu ya kufungwa kwa kazi zilizokuwa zikiendeiea Mbagala kituo cha kazi cha mleta maombi. Mleta maombi alifuatilia haki zake bila mafanikio hali iliyosababisha kupitwa na muda wa kufungua shauri, Alipeleka ombi la kuongezewa muda (Tume) (CMA) ambako alikataliwa. Hakuridhika, hivyo kufungua marejeo haya akiomba kutengua uamuzi wa Tume na kuona kwamba alikuwa ametoa sababu za kutosha, na aruhusiwe kufungua mgogoro nje ya muda. i Mjibu maombi hakujibu hoja pamoja na wito mara kadha kuwa ni pamoja na wito uliotolewa kwenye gazeti la Mwananchi la tarehe 31 Oktoba, 2019 ukurasa wa 37. Hata hivyo mjibu maombi hakutokea Mahakamani, na wala hakujibu hoja za mleta maombi. Baada ya kujiridhisha, Mahakama ikaelekeza kesi iendelee upande mmoja tarehe 04 Novemba, 2020. Kwa kumuamuru mleta maombi kuleta majumwisho yake kabla ya tarehe 18 Novemba, 2020, na kesi kutajwa tarehe 30 Novemba,2020. Tarehe tajwa, mleta maombi hakufika, kesi ikapangwa kutajwa tarehe 04 Machi, 2021 ambapo Ezekiel Mayunga Mwakilishi wa mleta maombi alikuwepo na hatimaye tarehe ya hukumu kupangwa leo. Majumwisho ya Wakii

yalijikita kwenye msingi wa haki ya kusikilizwa. Na kwamba mleta maombi alikosewa haki yake ya msingi kwa kutosikilizwa. Hivyo aliiomba Mahakama, kufuta Uamuzi wa Tume na kuamuru mleta maombi aruhusiwe kufungua mgogoro wake nje ya muda. Jambo la kuangaliwa ni endapo mleta maombi alitoa sababu za msingi na za kujitosheleza mbele ya tume kuweza kuongezewa muda:- Katika mwenendo wa shauri Tume CMA wa tarehe 28 Februari, 2019 mleta maombi alieleza kuwa sababu ya kuchelewa kuleta maombi ilikuwa "ni yeye kufuatitia stahiki zake. Kwa mjibu maombi kwa kumwandikia barua biia mafanikio," Hivyo ndiyo sababu pekee iliyoelezwa na mleta maombi. Kumbukumbu zinaonyesha kuwa ajira ya mleta maombi ilisitishwa tarehe 03 Januari, 2018 na alifungua mgogoro tarehe 25 Septemba, 2018, ikiwa ni muda wa miezi 9. 2 Muda wa miezi tisa, hauna maelezo yoyote toka kwa mleta maombi. Amesame alikuwa anafuatilia kwa mjibu maombi kwa kuandika barua, lakini barua alizoandika hazijaambatanishwa kwenye ombi stahiki. Sio tu barua bali mleta maombi alitakiwa kutoa mlolongo wa matukio wa kila siku kwa muda wa miezi tisa alichokuwa akifuatilia kwa mjubi maombi. Kutokuwepo kwa vielelezo barua alizoandika, na kukosekana kwa malezo ya kila siku iliyopita hadi kufikia meizi tisa ndiyo afungue ombi tume, ni tatizo. Tume au Mahakama haikubali maneno matupu bila uthibitisho. Kwa jinsi hiyo basi, Tume ilikuwa sahihi kukataa ombi la Benjamin Eliot Makafu. Hivyo basi Mahakama hii haioni sababu ya kutofautiana na Uamuzi wa Tume. Ombi hili limetupiliwa mbali, kwa kukosekana mashiko ya kisheria. . Z.G.Muruke

JAJI 10/03/2021 Hukumu imesomwa leo mbele ya Ezekiel Mayunga, Wakili wa mleta maombi. Z.G.Muruke

JAJI 10/03/2021 3