Stephano Qamara v Sumaiya Hassan Boma

MAHAKAMA KUU YA TANZANIA

MASIJALA NDOGO YA MANYARA

BABATI RUFAA YA MADAI YA WATOTO NA. 12606 YA MWAKA 2024 (Inayotokana na Maombi ya Madai ya Watoto Na. 843 of2024 Mahakama ya Watoto ya Manyara itiyopo Hanang-Katesh)

BAINA YA STEPHANO QAMARA...................................................... MLETA RUFAA NA SUMAIYA HASSANI BOMA............................................. MJIBU RUFAA

HUKUMU Tarehe 2 Ju/ai 2024 na tarehe 1 Agosti 2024 MIRINDO, J: Stephano Qamara na Sumaiya Hassani Boma ni wanandoa tangu mwaka 2018 wenye watoto wawili lakini kwasasa wametengana. Sumaiya Boma, ambaye anaishi na watoto hao tangu mwaka 2022, alifungua shauri katika Mahakama ya watoto ya Manyara iliyopo Hanang dhidi ya Stephano Qamara akidai matunzo ya watoto wao wawili. Katika madai yake aliomba matunzo ya shilingi 100,000/= kwa kila mtoto. Baada ya kusikiliza madai hayo na kuzingatia Taarifa ya Uchunguzi ya Kijamii, Mahakama ya Watoto iliridhika kuwa Sumaiya Hassani Boma anastahili kupewa matunzo ya watoto. Mahakama ilitoa amri ya matunzo ya shilingi 60,000/=, kilo mia moja za mahindi na kilo ishirini za maharage kila 1 mwaka. Stephano Qamara hakuridhika na uamuzi huo na hivyo kufika mbele ya Mahakama hii akiwa na sababu tatu za rufaa. Katika mawasilisho yake hapa mahakamani, Stephano Qamara alieleza kuwa huwa anamsaidia mke wake, Sumaiya Hassani Boma, kutunza watoto japokuwa hawaishi wote. Alifafanua kuwa yupo tayari kutoa matunzo ya shilingi 40,000/=. Katika hati yake ya rufaa ameiomba Mahakama hii itoe amri ya matunzo ya shilingi 40,000/= kwa mwezi. Sumaiya Hassani Boma aliieleza Mahakama hii kuwa Stephano Qamara hajawahi kutoa matunzo na hata gharama ya matunzo iliyotolewa na kiwango cha matunzo kilichotolewa na Mahakama ya Watoto hakitoshi japokuwa alikubaliana

nacho. Baada ya kusikiliza mawasilisho ya warufani hawa, Mahakama hii ilimhoji Stephano Qamara kama yupo tayari kumpa mke wake ekari moja ya shamba kwa ajili ya kilimo kwani Taarifa ya Afisa Ustawi wa Jamii inaeleza kuwa mjibu rufaa anamiliki shamba . Stephano Qamara alieleza kuwa yupo tayari kumpa na mke wake alikubali kupokea ekari hiyo moja kwa ajili ya kilimo. Mahakama hii imeridhika kuwa gharama za matunzo zilizotolewa na Mahakama ya Watoto Hanang ni kubwa kwa kuzingatia mawasilisho ya wadaawa yaliyotolewa mahakamani hapa. 2 Kwakuwa Stephano Qamara yupo tayari kulipa shilingi 40,000/= kama gharama za matunzo kila mwezi na kwa kuwa kiwango hiki kilipendekezwa katika Taarifa ya Uchunguzi ya Kijamii, Mahakama hii inatoa amri ya matunzo ya shilingi 40,000/= kila mwezi. Stephano Qamara anaagizwa kumpa Sumaiya Hassani Boma ekari moja ya shamba kwa ajili ya kilimo kwa kipindi chote cha matunzo ya watoto hao wawili. Makabidhiano ya shamba yafanyike mbele ya Mwenyekiti wa Kijiji anachoishi Sumaiya Hassani Boma. Vile vile malipo ya shilingi 40,000/= yafanyike mbele ya Mwenyekiti huyo wa Kijiji. Kwa kipindi ambacho Sumaiya Hassani Boma atakuwa akijiandaa na shughuli za kilimo watoto watahitaji chakula, hivyo Mahakama inamuamuru Stephano Qamara kumpatia Sumaiya Hassani Boma kilo 50 za mahindi na kilo 20 za maharage kwa kipindi cha miezi sita peke yake kuanzia tarehe 1/8/2024 hukumu

itakaposomwa. Vyakula hivi vikabidhiwe mbele ya Mwenyekiti wa Kijiji anachoishi Sumaiya Hassani Boma. Kwa kuhitimisha, uamuzi wa gharama za matunzo uliotolewa na Mahakama ya Watoto Hanang umetenguliwa. Rufaa imekubaliwa. Kila upande katika rufaa hii utabeba gharama zake. Imeandikwa Babati tarehe 31/7/2024 Mahakama: Hukumu hii imesomwa leo tarehe 1/8/2024 mbele ya mrufani na mrufaniwa. Haki ya rufaa imefafanuliwa F.M. MIRINDO

JAJI 4