SHERIA NDOGO YA ANWANI ZA MAKAZI NA POSTIKODI ZA HALMASHAURI YA WILAYA YA BUSOKELO YA MWAKA 2020

1. Sheria Ndogo hii itajulikana kama Sheria Ndogo ya Anwani za Makazi na Postikodi za Halmashauri ya Wilaya ya Busokelo ya Mwaka 2020 na itaanza kutumika mara baada ya kutangazwa katika Gazeti la Serikali. Matumizi

2. Sheria Ndogo hii itatumika katika eneo lote lililo chini ya mamlaka ya Halmashauri ya Wilaya ya Busokelo. Tafsiri

3. Katika Sheria Ndogo hii isipokuwa pale itakapoelezwa vinginevyo:- “barabara” ni pamoja na barabara kuu, barabara ya kawaida, njia, barabara funge, kichochoro, mzunguko, na njia za miguu ambazo hutumika kutoa anwani za makazi; “Halmashauri” maana yake ni Halmashauri ya Wilaya ya Busokelo; “Kamati ya wataalam” maana yake ni kamati iliyoundwa kwa mujibu wa kifungu cha 5; “Mkurugenzi” maana yake ni Mkurugenzi wa Halmashauri pamoja na Afisa yeyote wa umma atakayeteuliwa kutekeleza majukumu ya Mkurugenzi; “Postikodi” maana yake ni kibainishi cha eneo au maeneo ya usambazaji wa huduma za posta, kinachoundwa na mfuatano wa tarakimu pekee au tarakimu na herufi. 1 Sheria Ndogo ya Anwani za Makazi na Postikodi za Halmashauri ya Wilaya ya Busokelo TANGAZO LA SERIKALI NA 184 (Linaendelea)

4. Katika kuhamasisha na kutekeleza mpango wa Anwani za Makazi na Postikodi, Halmashauri itakuwa na wajibu wa:- Majukumu ya Halmashauri (a) kutenga maeneo kwa ajili ya mitaa au barabara; (b) kuweka, kutambua na kufuta majina ya mitaa, sehemu na barabara; (c) kuweka, kurekebisha, kutambua na kufuta nambari za nyumba, barabara na mitaa mara kwa mara kwa kadiri itakavyohitajika; (d) kutunza na kulinda miundombinu yote ya anwani za makazi na Postikodi; (e) kutunza kumbukumbu za majina, nambari za mitaa, barabara, nyumba na ramani na kuhakikisha kuwa kumbukumbu hizo zinapatikana kwa urahisi kwa taasisi za umma na wananchi; (f) kushirikisha sekta binafsi, kulingana na mazingira, katika kutekeleza mpango wa anwani za makazi na Postikodi.

5.-(1) Kutakuwa na Kamati ya wataalam ambayo itaundwa na Mkurugenzi ndani ya kipindi cha miezi sita tangu kuanza kutumika kwa Sheria Ndogo hii. Kamati ya wataalam (2) Kamati hiyo itakuwa na wajumbe wafuatao: (a) Mkuu wa Idara inayohusika na Mipango Miji na Mazingira ambaye atakuwa Mwenyekiti; (b) Mkuu wa Idara inayohusika na Ujenzi ambaye atakuwa Makamu Mwenyekiti; (c) Afisa Ardhi wa Halmashauri; (d) Mpima Ardhi wa Halmashauri; (e) Msanifu wa Ramani wa Halmashauri; (f) Afisa Maendeleo ya Jamii au Afisa Ustawi wa Jamii wa Halmashauri; (g) Afisa Mifumo ya Teknolojia ya Habari na Mawasiliano wa Halmashauri; (h) Afisa wa Posta; na 2 Sheria Ndogo ya Anwani za Makazi na Postikodi za Halmashauri ya Wilaya ya Busokelo TANGAZO LA SERIKALI NA 184 (Linaendelea) Majukumu ya Kamati ya wataalam (i) Mwanasheria wa Halmashauri ambaye atakuwa ni Katibu.

6.-(1) Kamati ya wataalam itakuwa na majukumu yafuatayo: (a) kutoa majina ya barabara na nambari za nyumba katika Halmashauri; (b) kusimamia uwekaji wa vibao vya majina ya barabara na nambari za nyumba; (c) kusahihisha, kutafsiri na kusimamia utekelezaji wa vipengele vyote vya Mwongozo wa Mfumo wa Anwani ambavyo havipo katika mamlaka ya Halmashauri; (d) kutoa notisi za ukiukwaji na hatua nyingine yoyote inayofaa kuchukuliwa kulingana na Sheria Ndogo hii; (e) kutunza kumbukumbu za anwani zote kwa kila milki katika ramani kwenye sehemu zinazotunzwa na Halmashauri; (f) kupendekeza mabadiliko ya anwani; na (g) kufanya kazi nyingine zitakazoelekezwa na Halmashauri kuhusu Postikodi na Anwani za Makazi. (2) Katika kutekeleza majukumu yake, Kamati ya wataalam itapokea miongozo kutoka kwa Halmashauri na itashirikiana na viongozi wa vijiji, vitongoji na mitaa kwa kadri itakavyokuwa. Ushiriki- shwaji wa wadau

7. Katika kutekeleza majukumu yake chini ya Sheria Ndogo hii, Halmashauri itashirikiana na taasisi za umma na binafsi katika- (a) kutengeneza nguzo za alama za mitaa na vibao vya nambari za nyumba; (b) kuweka nguzo za majina ya barabara, mitaa na vibao vya nambari za nyumba; (c) kubandika au kuchora nambari za nyumba; (d) uchapishaji wa daftari la orodha ya Postikodi; (e) huduma za ushauri na usimamizi; 3 Sheria Ndogo ya Anwani za Makazi na Postikodi za Halmashauri ya Wilaya ya Busokelo TANGAZO LA SERIKALI NA 184 (Linaendelea) (f) kuhifadhi na kulinda miundombinu ya Postikodi; (g) kutoa vifaa kwa ajili ya utekelezaji wa mpango wa mfumo wa anwani za makazi; (h) kutoa mafunzo na kushiriki shughuli za kuhamasisha utumiaji wa mfumo wa anwani za makazi; (i) uundaji wa hifadhi-data ya anwani za makazi na Postikodi; (j) usambazaji na ugawaji wa anwani za makazi na Postikodi; na (k) kuhusisha na kujumuisha mpango wa anwani za makazi katika mipango na miradi mingine kama vile ya ujenzi wa barabara, majengo, mazingira, usafi na umeme. Muhuri wa Halmashauri ya Wilaya ya Busokelo ulibandikwa kwenye Sheria Ndogo hii kufuatia azimio lililopitishwa kwenye Mkutano wa Baraza la Madiwani uliofanyika mnamo tarehe 31 mwezi Januari mwaka 2020 mbele ya: ESTON PAUL NGILANGWA, Mkurugenzi Mtendaji Halmashauri ya Wilaya Busokelo L.S MHE. ANYOSISYE MWANJELWA, Mwenyekiti Halmashauri ya Wilaya Busokelo NAKUBALI DODOMA SELEMANI S. JAFO (MB) 18 Februari, 2020 Waziri wa Nchi, Ofisi ya Rais, Tawala za Mikoa na Serikali za Mitaa 4