Kanuni za Uboreshaji wa Daftari la Kudumu la Wapiga Kura za Mwaka 2024

1. Kituo cha kuandikisha wapiga kura gerezani au chuo cha mafunzo (i) Kwa madhumuni ya kuandikisha wapiga kura au kuboresha taarifa za wapiga kura ambao ni wafungwa waliopo gerezani au wanafunzi wa vyuo vya mafunzo, Tume itaanzisha kituo cha kuandikisha wapiga kura katika kila gereza kwa Tanzania Bara na chuo cha mafunzo kwa Tanzania Zanzibar. (ii) Vituo vilivyoanzishwa chini ya aya ndogo ya (i) vitakuwa ndani ya ngome au uzio wa gereza au chuo cha mafunzo kwa kuzingatia mazingira ya gereza au chuo cha mafunzo husika.

2. Watendaji wa uandikishaji (i) Kila kituo cha uandikishaji ndani ya gereza kwa Tanzania Bara na chuo cha mafunzo kwa Tanzania Zanzibar kitakuwa na mwandishi msaidizi mmoja na mwendeshaji wa kifaa cha bayometriki mmoja. (ii) Katika kila kituo atakuwepo afisa wa Tume atakayekuwa na jukumu la kuhakikisha taratibu na masharti ya Sheria na Kanuni za uandikishaji zinazingatiwa. (iii) Baada ya kupata mapendekezo kutoka Jeshi la Magereza na Chuo cha Mafunzo, Tume itateua Afisa Magereza mmoja kuwa mratibu wa uandikishaji kwa vituo vyote vya magereza kwa Tanzania Bara na Afisa mmoja wa Chuo cha Mafunzo kuwa mratibu wa uandikishaji kwa upande wa Tanzania Zanzibar. Watu wanaoruhusiwa kuingia katika kituo cha uandikishaji ni: - (i) mwandishi msaidizi; (ii) mwendeshaji wa kifaa cha bayometriki; (iii) mfungwa au mwanafunzi wa chuo cha mafunzo anayeomba kuandikishwa au kuboresha taarifa zake; (iv) afisa mwandikishaji; (v) afisa mwandikishaji msaidizi atakayeidhinishwa na afisa mwandikishaji; (vi) Mjumbe wa Tume; (vii) Mkurugenzi wa Uchaguzi; na (viii) afisa wa Tume. Katika utekelezaji wa majukumu ya uandikishaji, Tume na watendaji wote walioainishwa katika aya ya 3 ya Jedwali hili watapaswa kuzingatia Sheria, Kanuni na Miongozo ya uendeshaji na usimamizi wa magereza na vyuo vya mafunzo. Wapiga kura ambao ni wafungwa au wanafunzi wa vyuo vya mafunzo wanaweza kuboresha taarifa zao katika vituo vilivyoanishwa katika aya ya 1 kwa kuzingatia masharti yaliyoanishwa katika Sheria na Kanuni hizi. Muda wa kufungua kituo cha uandikishaji utakuwa saa mbili kamili asubuhi hadi saa tisa kamili alasiri au kama itakavyoelekezwa na Tume. Watendaji wote wanaoruhusiwa kuingia katika vituo vya uandikishaji vilivyopo katika magereza na vyuo vya mafunzo watapaswa kuwa na utambulisho utakaotolewa na Tume. Kwa madhumuni ya utekelezaji bora wa utaratibu wa uandikishaji wa wafungwa au wanafunzi wa vyuo vya mafunzo na upigaji kura, kutakuwa na mashauriano ya mara kwa mara kati ya Tume na mamlaka zinazohusika na masuala ya magereza na vyuo vya mafunzo. 44

8. Kanuni za Uboreshaji wa Daftari la Kudumu la Wapiga Kura Tangazo la Serikali Na. 389 (Linaendelea.)

9. Elimu ya Mpiga Kura. Tume itapeleka vipeperushi na nyaraka mbalimbali kwa ajili ya kutoa elimu kuhusu uboreshaji wa Daftari la Kudumu la Wapiga Kura katika magereza na vyuo vya mafunzo.

10. Pamoja na utaratibu huu masharti mengine ya uandikishaji kwa mujibu wa Sheria na Kanuni yatazingatiwa. Dodoma, JACOBS C. M. MWAMBEGELE 14 Mei, 2024 Mwenyekiti wa Tume Huru ya Taifa ya Uchaguzi 45