Kanuni za Tume Huru ya Taifa ya Uchaguzi za Mwaka 2024

6. Uadilifu na uaminifu katika kutekeleza majukumu Mjumbe wa Tume na Mkurugenzi wa Uchaguzi wanapaswa kuwa wakweli na waaminifu katika utekelezaji wa majukumu yao ili kuepuka mwenendo ambao unaweza kushusha hadhi ya Tume. Kutekeleza majukumu kwa weledi Mjumbe wa Tume na Mkurugenzi wa Uchaguzi wanapaswa kutekeleza majukumu yao kwa weledi ili kulinda hadhi ya Tume. Kufanya uamuzi kwa uhuru Mjumbe wa Tume na Mkurugenzi wa Uchaguzi wanapaswa kufanya uamuzi kwa uhuru bila kufuata maelekezo au amri kutoka taasisi yoyote ya Serikali, chama chochote cha siasa au mtu yeyote. Kuepuka mgongano wa maslahi Mjumbe wa Tume na Mkurugenzi wa Uchaguzi wanapaswa kuepuka mazingira yanayoweza kusababisha mgongano wa maslahi ya umma au binafsi katika kutekeleza majukumu ya Tume. Endapo kutatokea mgongano wa maslahi Mjumbe wa Tume au Mkurugenzi wa Uchaguzi kwa kadri itakavyokuwa anatakiwa kuweka wazi mgongano huo na kujitoa kwenye mchakato wa uamuzi. Kuepuka vitendo vya rushwa Mjumbe wa Tume na Mkurugenzi wa Uchaguzi wanapaswa kuepuka vitendo vitakavyoashiria kupokea, kudai au kutoa rushwa wakati wa kutekeleza majukumu ya Tume. Kuepuka matumizi mabaya ya madaraka Mjumbe wa Tume na Mkurugenzi wa Uchaguzi hawapaswi kutumia madaraka yao vibaya wakati wa utekelezaji wa majukumu yao. 16 Tangazo la Serikali Na. 390 (Linaendelea.) Kanuni Za Tume Huru ya Taifa ya Uchaguzi

10. Utunzaji wa siri Mjumbe wa Tume na Mkurugenzi wa Uchaguzi hawapaswi kutoa taarifa zozote za siri ambazo wamezifahamu kutokana na madaraka waliyonayo wakiwa kazini na baada ya ukomo wa majukumu yao. Kuepuka upendeleo Mjumbe wa Tume na Mkurugenzi wa Uchaguzi hawapaswi kufanya uamuzi kwa upendeleo kwa kuzingatia maslahi binafsi, kikundi cha watu, ndugu, kabila, dini, rangi, ukoo, utamaduni, jinsi, chama chochote cha siasa kinachoshiriki katika uchaguzi wa Rais, Wabunge na Madiwani, kufahamiana au vinginevyo wakati wa kutekeleza majukumu yao. Uwazi Mjumbe wa Tume na Mkurugenzi wa Uchaguzi wanapaswa kuhakikisha kuwa utekelezaji wa majukumu yao unafanyika kwa uwazi. Uwajibikaji Mjumbe wa Tume na Mkurugenzi wa Uchaguzi katika kutekeleza majukumu yao wanapaswa kuwajibika ipasavyo na kuzingatia Katiba, sheria na miongozo inayotolewa na Tume. Dodoma, 14 Mei, 2024 JACOBS C. M. MWAMBEGELE Mwenyekiti wa Tume Huru ya Taifa ya Uchaguzi 17