Marekebisho ya Sheria Ndogo ya Ushuru wa Zao la Chai ya Halmashauri ya Wilaya ya Korogwe ya Mwaka 2023

1. Sheria Ndogo hii itajulikana kama Marekebisho ya Sheria Ndogo ya Ushuru wa Zao la Chai ya Halmashauri ya Wilaya ya Korogwe ya Mwaka 2023, na itasomwa pamoja na Sheria Ndogo ya Ushuru wa Zao la Chai ya Halmashauri ya Wilaya ya Korogwe ya Mwaka 2021, ambayo hapa imerejewa kama “Sheria Ndogo Kuu”. Kufuta na kuandika upya aya ya 4

2. Sheria Ndogo Kuu inarekebishwa kwa kufuta aya ya 4 na kuiandika upya kama ifuatavyo: “4. Halmashauri itatoza ushuru wa zao la chai kwa kiwango cha asilimia tatu (3%) ya bei ya shambani kutoka kwa kila mnunuzi wa zao hilo kwenye eneo la Halmashauri.” Marekebisho ya aya ya 5

3. Sheria Ndogo Kuu inarekebishwa katika aya ya 5(b) kwa kufuta neno “mauzo” na badala yake kuweka neno “shamba”. 1 Marekebisho ya Sheria Ndogo ya Ushuru wa Zao la Chai ya Halmashauri ya Wilaya ya Korogwe Tangazo La Serikali Na. 914 (Linaendelea) Lakiri ya Halmashauri ya Wilaya Korogwe imegongwa kwenye sheria Ndogo hii kufutia azimio lililopitishwa katika Mkutano wa Baraza la Madiwani la Halmshauri ya Wilaya ya Korogwe uliofanyika Tarehe 5/11/2021 na Kushudiwa na Lakiri hiyo ikigongwa mbele ya :- GOODLUCK A. MWANGOMANGO Mkurugenzi Mtendaji Halmashauri ya Wilaya ya Korogwe KALLAGHE S. YUSUPH Mwenyekiti Halmashauri ya Wilaya ya Korogwe NAKUBALI, Dodoma, MOHAMED OMARI MCHENGERWA (MB) 31 Oktoba, 2023 Waziri wa Nchi – Ofisi ya Rais, (Tawala za Mikoa na Serikali za Mitaa) 2