NOTISI YA KIBALI CHA UJENZI WA KITUO CHA KUPOKELEA GESI ASILIA ILIYOSHINDILIWA KWA GLOBAL ALUMINIUM LIMITED YA MWAKA 2024

1. Notisi hii itajulikana kama Notisi ya Kibali cha Ujenzi wa Kituo cha Kupokelea Gesi Asilia Iliyoshindiliwa kwa Global Aluminium Limited ya Mwaka 2024.

2. Notisi hii itaanza kutumika kuanzia tarehe ya kuchapishwa katika Gazeti la Serikali.

3. Isipokuwa kama mukhtadha utahitaji vinginevyo- “mwombaji” maana yake ni kampuni ya Global Aluminium Limited wa S.L.P. 32080 Dar es Salaam; “Mamlaka” maana yake ni Mamlaka ya Udhibiti wa Huduma za Nishati na Maji iliyoanzishwa chini ya Sheria ya Mamlaka ya Udhibiti wa Huduma za Nishati na Maji; na “Kibali cha Ujenzi” maana yake ni kibali kilichotolewa na Mamlaka chini ya kifungu cha 128(1) cha Sheria ya Petroli.

4. Mwombaji anapewa Kibali cha Ujenzi cha kujenga kituo cha kupokelea gesi asilia iliyoshindiliwa katika kiwanja Na. 11, kitalu “F”, eneo la viwandani Zegereni, mjini Kibaha, mkoani Pwani kwa kuzingatia vigezo na masharti yafuatayo: (a) kuzingatia michoro iliyopitishwa, viwango vya kiufundi, ujenzi, uchomeleaji, upimaji na uidhinishaji, na njia iliyowekwa alama au sheria zingine zinazotumika; 1 Notisi ya Kibali Cha Ujenzi wa Kituo Cha Kupokelea Gesi Asilia Iliyoshindiliwa Kwa Global Aluminium Limited Tangazo la Serikali Na. 602 (Linaendelea) (b) kuhakikisha kwamba kituo au miundombinu mingine inayohusika inajengwa kwa kuzingatia viwango vyote vilivyowekwa na kutolewa na Shirika la Viwango la Taifa au sheria zingine zinazohusika; (c) kuhakikisha kwamba ukaguzi wa mahitaji ya ujenzi wa vituo vya kujaza gesi au miundombinu mingine inakidhi uzingatiaji wa vifaa, ujenzi, uchomeleaji, maunganisho viwango na majaribio vilivyowekwa na Shirika la Viwango la Taifa; inayohusika ya (d) kuhakikisha kwamba- (i) hakuna au kupunguza usumbufu kwa wakazi walio karibu na eneo la ujenzi na kwamba usalama kwa umma unapewa kipaumbele; (ii) iwapo ulipuzi utafanyika, unafanywa kwa kuzingatia kanuni, unafanywa na mtu mwenye sifa za kazi ya ulipuzi na kwa kuzingatia usalama kwa umma, mifugo, wanyama, majengo, miundombinu ya simu, umeme, chini ya ardhi na mali nyingine yoyote iliyo karibu na eneo la ulipuzi; (e) kuhakikisha kwamba- (i) katika kuandaa eneo la ujenzi, kila juhudi ya kupunguza uharibifu kwenye ardhi na kuzuia mazingira yasiyo ya kawaida ya kuziba kwa mifereji ya kupitisha maji na mmomonyoko wa udongo zinafanywa; (ii) ardhi inarudishwa katika hali iliyokuwepo kwa kadri inavyowezekana; (f) kuzingatia- (i) viwango vya mazingira, afya na usalama vilivyoainishwa na sheria zinazotumika; (ii) afya na usalama wa watu na vifaa na matumizi ya vifaa vya usalama (PPE) wakati wote kama vile kofia ngumu, miwani na viatu vya usalama na matumizi ya kizima moto vinazingatiwa; 2 Notisi ya Kibali Cha Ujenzi wa Kituo Cha Kupokelea Gesi Asilia Iliyoshindiliwa Kwa Global Aluminium Limited Tangazo la Serikali Na. 602 (Linaendelea) na (g) kuhakikisha kwamba miundombinu yote iliyopo, iwe inasimamiwa na Mamlaka au la, inalindwa dhidi ya uharibifu na kuwaarifu waendeshaji wa miundombinu hiyo kwa kuwaomba wawepo eneo la ujenzi wakati wa kujenga. Ukomo wa Kibali

5. Kibali kitakoma endapo mwenye kibali atashindwa kuanza ujenzi ndani ya miezi ishirini na nne tangu tarehe ya kutolewa. Dodoma, 10 Julai, 2024 JAMES A. MWAINYEKULE Mkurugenzi Mkuu 3