NOTISI YA KUSUDIO LA KUHAMISHA MAKABURI KATIKA ENEO LA KISHENGE MANISPAA YA BUKOBA YA MWAKA 2025

1. Notisi hii itajulikana kama Notisi ya Kusudio la Kuhamisha Makaburi katika Eneo la Kishenge Manispaa ya Bukoba ya Mwaka 2025.

2. Notisi inatolewa kwamba Serikali inakusudia kuyaondoa makaburi 3166 yaliyopo katika eneo la Kishenge, Manispaa ya Bukoba lenye ukubwa wa hekta

1.89 na kuyahamishia katika eneo la kiwanja Na. 927 Kitalu “D” Buhembe, Mtaa wa Omukigusha, Kata ya Bilele, Manispaa ya Bukoba kwa mujibu wa masharti ya Sheria baada ya kuisha kwa muda wa siku ishirini na moja tangu tarehe ya kutangazwa kwa Notisi hii.

3. Taarifa kuhusu makaburi au miili ya marehemu itakayoathirika za zoezi hili zinaweza kukaguliwa katika Ofisi ya Kamishna wa Ardhi, Dodoma, Kamishna wa Ardhi Msaidizi Mkoa wa Kagera na katika Ofisi ya Afisa Ardhi Mteule wa Manispaa ya Bukoba.

4.-(1) Ndugu wa marehemu waliozikwa katika maeneo hayo anayo haki ya- (a) kuwasilisha pingamizi kwa maandishi kwa Waziri mwenye dhamana na masuala ya ardhi dhidi ya hatua inayokusudiwa kuchukuliwa ndani ya siku ishirini na moja (21) tangu tarehe ya kutangazwa kwa Notisi hii; na (b) kumtaarifu Waziri mwenye dhamana na masuala ya ardhi kwa maandishi kwamba, kwa idhini ya Waziri, atahamisha mwenyewe kaburi husika ndani ya miezi miwili tangu tarehe ya kutangazwa kwa Notisi hii. 2 Notisi ya Kusudio la Kuhamisha Makaburi Katika Eneo la Kishenge Tangazo la Serikali Na. 231 (Linaendelea) Manispaa ya Bukoba (2) Mapingamizi yote au maombi ya idhini ya kuondoa makaburi chini ya aya ndogo ya (1) yawasilishwe kwa Waziri kupitia anwani ifuatayo: Katibu Mkuu, Wizara ya Ardhi, Nyumba na Maendeleo ya Makazi, Mji wa Serikali- Mtumba, S.L.P 2908, 40477 DODOMA. DEOGRATIUS J. NDEJEMBI Dodoma, 19 Machi, 2025 Waziri wa Ardhi, Nyumba na Maendeleo ya Makazi 3