Kanuni za Leseni za Mawasiliano za Kielektroniki na Posta (Maudhui Mtandaoni) za Mwaka 2020

1. Ngono na matendo yasiyo na staha (a) maudhui yanayohamasisha, stawisha au kuwezesha uchapishaji au ubadilishanaji wa picha za ngono za watoto, picha halisi za ngono, vitendo dhahiri vya ngono, utupu na kinyume chake, isipokuwa kwa mandhari inayohusiana na iliyoidhinishwa na chombo kinachowajibika na upangaji wa madaraja ya filamu na uthibitisho; (b) kuhamasisha, kustawisha au kuwezesha kuchapisha au kubadilishana maudhui yanayohusu ushoga, uzinzi, ukahaba, uhalifu wa ngono, ubakaji au jaribio la ubakaji au ukatili wa kingono; (c) maudhui yanayohamasisha, kusaidia au kustawisha desturi au uuzaji wa bidhaa za ngono au zisizo na maadili kama vile filamu, picha, michoro, vitabu, hadithi, michezo ya ngono, madoli na vingine vinavyohusiana.

2. Uhuru Binafsi na Kuheshimu Utu (a) maudhui yanayoiga au kudai hadhi ya wengine kwa madhumuni ya ulaghai; (b) maudhui yanayotusi, kukashifu watu wengine au kufichua habari, picha au maoni yanayohusu uhuru binafsi wa mtu, au kuchapisha taarifa binafsi bila kujali kama taarifa hizo ni za kweli na iwapo uchapishaji wake unaweza kumuumiza mtu huyo; (c) maudhui yanayohamasisha au kustawisha udukuaji wa simu, upelelezi, wizi wa data, ufuatiliaji, kurekodi data au kunasa mawasiliano au mazungumzo bila ridhaa; na (d) maudhui yanayostawisha, kuhamasisha au kuchochea desturi za ushirikina, uchawi au ulozi.

3. Usalama wa Umma, Vurugu na Amani ya Taifa 18 Kanuni Za Mawasiliano Ya Kielektroniki Na Posta (Maudhui Mtandaoni) Tangazo la Serikali Na.913 (Linaendelea.) (a) maudhui dhidi ya taifa na amani kwa umma ikijumuisha maudhui yanayolenga kusambaza taarifa, habari, maelezo au taarifa zisizokuwa na ukweli kwa madhumuni ya kukejeli, kudharau, kuharibu sifa, ufahari au hadhi ya Jamhuri ya Muungano, bendera ya Jamhuri ya Muungano, wimbo wa taifa au alama za Jamhuri ya Muungano, wimbo wa taifa au nembo zake; (b) maudhui yanayovutia au kuhamasisha, kustawisha au kuchochea kutokuzingatia sheria na kanuni; (c) maudhui yanayojihusisha kupanga, kuandaa, kuhamasisha au kuitisha maandamano, mikusanyiko au vitu vinavyoweza kuleta uvunjifu wa amani; (d) maudhui yanayoweza kutishia usalama wa Jamhuri ya Muungano au kuhatarisha umma; (e) maudhui yanayojumuisha habari za mawasiliano rasmi ya siri au masuala ya kijeshi; (f) maudhui ambayo yanaweza kudhuru fedha ya taifa au kusababisha mkanganyiko juu ya hali ya uchumi nchini; (g) maudhui ambayo yanachochea, yanahamasisha au yanawezesha kufanyika kwa uhalifu dhidi ya Jamhuri ya Muungano wa Tanzania au raia wake; (h) maudhui ambayo yanaweza kutishia utulivu wa Jamhuri ya Muungano au usalama wake, umoja au kudhuru umoja wa taifa au amani ya jamii; (i) maudhui yanayoonyesha vurugu, ikiwa ni kwa uhalisia, maneno au kisaikolojia, yanayoweza kuvuruga, kuamsha na kuathiri watazamaji na kusababisha hofu miongoni mwa hadhira au kuhamasisha kuiga; (j) maudhui yanayoonyesha vitendo vya udhalimu na mateso, picha za majeruhi wa kutisha na udhalimu na zenye damu au mandhari ya watu waliofanyiwa mauaji; (k) maudhui yanayokera, kuchochea uharibifu au uovu, kuhamasisha au kuchochea uhalifu au kusababisha uvunjifu wa amani au kutishia amani ya taifa au ustawi wa umma na usalama; (l) maudhui yanayohamasisha propaganda za chuki au kukuza mauaji ya kimbari au chuki dhidi ya kikundi kinachotambulika; (m) maudhui yanayostawisha au kupendelea kile ambacho kingeleta uasi, chuki au ubaguzi wa rangi, ukabila au kudhuru umoja wa kitaifa au amani ya kijamii au kuvuruga utaratibu au maadili ya umma.

4. Vitendo vya Jinai na Biashara Haramu (a) maudhui yanayohamasisha, yanayostawisha au kuwezesha matumizi ya dawa haramu, vitendo vya jinai na maarifa yanayohusisha maudhui yanayovutia, yanayostawisha au kutoa taarifa kuhusu jinsi ya kutenda jinai au uhalifu au kuchangia au kuwezesha utekelezaji au kusaidia matukio kama wizi, ulaghai, unyan’ganyi, kughushi, udanganyifu, uuaji, kujiua, usaliti, vitisho, ubakaji, utapeli wa kibiashara na kuvunja mali za wengine, utekaji nyara, ukwepaji wa sheria, utakatishaji fedha, maudhui yanayohamasisha magendo na jinai nyingine zinazoadhibiwa na sheria; 19 Kanuni Za Mawasiliano Ya Kielektroniki Na Posta (Maudhui Mtandaoni) Tangazo la Serikali Na.913 (Linaendelea.) (b) maudhui yanayostawisha au kuchangia uuzaji wa dawa na dutu zinazoathiri akili na namna ya kutumia au kutengeneza vitu hivyo au kupata dawa au kuwezesha usambazaji katika mazingira ambayo hayajaidhinishwa kisheria; (c) maudhui yanayohamasisha, kustawisha au kuwezesha biashara katika bidhaa zilizokatazwa au kuzuiwa, bidhaa au huduma ndani ya Jamhuri ya Muungano, zinazohusisha dawa haramu, ukahaba au bidhaa zinazohitaji leseni kutoka mamlaka yenye uwezo na ambazo zinazofanyiwa promosheni au kusambazwa bila idhini kutoka kwa mamlaka yenye uwezo; (d) maudhui ambayo yanaendeleza kamari na shughuli kama hizo kama vile kubashiri na bahati nasibu na zile zinazohusiana na shughuli za kamari za kielektroniki; (e) maudhui yanayohamisisha, kustawisha au kuwezesha makundi ya kigaidi au kikundi chochote haramu, chama, shirika au chombo; (f) maudhui yanayochapisha aina ya kutengeneza risasi au vifaa vinavyolipuka au vifaa vingine vyovyote vinavyotumika kwenye matendo ya kigaidi.

5. Afya na Usalama wa Umma (a) maudhui yanayohusu uanzishwaji wa vituo vya afya, dawa na utengenezaji wa dawa kinyume cha sheria; (b) maudhui yanayojumuisha matangazo ya afya kinyume na maazimio ya Baraza la Mawaziri kuhusu matangazo ya afya; (c) maudhui yanayotumika kufanya promosheni au biashara za dawa ambazo zimetolewa kinyume cha maagizo ya kutoa dawa hizo na bila kuuliza cheti cha utabibu; (d) maudhui ambayo yanahamasisha dawa au bidhaa za dawa ambazo zimekatazwa au hazina leseni zikijumuisha virutubisho vya lishe, kupunguza uzito, uzito kuongezeka na vipodozi vya vidonge na krimu zisizo na leseni.

6. Ulindaji wa Haki za Milki ya Ubunifu (a) maudhui yanayominya haki za milki ya ubunifu kama vile kutoa na kuchapisha filamu, picha, michoro, vitabu, michezo na programu za kielektroniki, vituo vya televisheni na redio zilizosimbwa na haki nyingine za milki ya ubunifu bila idhini kutoka kwa mmiliki wa haki; (b) maudhui ambayo yanatoa taarifa, nyenzo na njia zinazokusudiwa kuminya haki za milki ya ubunifu na kupenyeza njia za ulindaji zinazotumiwa kulinda haki hizo kama vile kusimbua filamu na vituo vya televisheni vilivyosimbwa na uendeshaji wa disketi za kimagneti zilizonakiliwa na programu na michezo ya kielektroniki iliyonakiliwa na upunguzaji nguvu wa mifumo ya ulindaji iliyoundwa maalumu kwa ajili ya kuzuia uharamia;

7. Kuheshimu Dini na Imani ya Mtu 20 Kanuni Za Mawasiliano Ya Kielektroniki Na Posta (Maudhui Mtandaoni) Tangazo la Serikali Na.913 (Linaendelea.) (a) maudhui ambayo yanayojumuisha au kuhamasisha kukera, kukashifu, kutukana, kubeza au kukiuka dini au ibada yake yoyote, takatifu au vitabu vya kimungu, au kuingiliwa uhuru wa mtu wa dini kwa vurugu au vitisho; (b) maudhui yanayohamasisha, kustawisha au kuwezesha uchochezi au kejeli, chuki dhidi ya imani ya dini fulani au usemi unaohamasisha, kustawisha au kuwezesha kudhalilishwa kwa dini au uasi; (c) maudhui ambayo yataweka aina yoyote ya ubaguzi na kuchochea matamshi ya chuki au kuchochea chuki za kikabila au kidini kwa nia ya kuchochea chuki ya watu au vikundi; (d) maudhui ambayo hutumia dini kumfanya mtu binafsi au vikundi kutokuamini dini au kutokuwa na imani kwa kutumia moja ya njia ya kujieleza au kutumia njia yoyote ili kufikia maslahi maalumu au malengo haramu;

8. Taarifa za Umma ambazo zinaweza kusababisha uharibufu na machafuko kwa umma (a) maudhui ambayo yanastawishi, yanatetea, yanahimiza au yanaweka wazi maelekezo na mwongozo wa shughuli haramu kama vile utengenezaji wa bomu, uzalishaji wa dawa haramu au bidhaa bandia; (b) kusambaza au kutoa taarifa kuhusu uwezekano wa mashambulio ya kigaidi, ukame, utabiri wa hali ya hewa au kutokea kwa majanga ya asili bila idhini ya mamlaka husika; (c) maudhui yenye taarifa zinazohusiana na kutokea kwa mlipuko wa magonjwa hatarishi au ya kuambukiza nchini au sehemu nyingine yoyote bila idhini ya mamlaka husika; (d) kusambaza au kutoa taarifa kuhusu uhamasishaji wa dawa za matibabu na bidhaa za jumla za matibabu ambazo hazijaidhinishwa na mamlaka husika.

9. Utumiaji wa lugha chafu na maneno ya dharau Maudhui yanayotumia lugha chafu, kama vile lugha ya dharau au maneno ya matusi ambayo yanachukuliwa kumchukiza mtu au kikundi cha watu, maneno machafu ya rejea, katika lugha yoyote inayotumika sana katika Jamhuri ya Muungano, ambayo yanachukuliwa kuwa ya uchafu au unajisi ikijimuisha rejea chafu ya kujamiana, viungo vya siri na hotuba ya chuki.

10. Maudhui ya Uongo, yasiyo ya ukweli na yanayopotosha Maudhui ambayo ni ya uongo, yasiyo ya ukweli na yanayopotosha au ambayo yanaweza kupotosha au kudanganya umma isipokuwa pale ambapo imeelezwa kwa ufasaha kwamba maudhui ni ya kejeli, ubishi au uongo; na pale ambapo imetanguliwa na maelezo kwamba maudhui siyo ya kweli. Dodoma, ............................, 2020 HARRISON G. MWAKYEMBE Waziri wa Habari, Utamaduni, Sanaa na Michezo 21